Праваабарончы цэнтр «ВЯСНА»

Навіны за Лістапад 2008

10.11.2008 Маладафронтаўцаў даставілі ў Дом правасуддзя (адноўлена, фота)

Скончыўся суд над маладафронтаўцамі. Кожны з актывістаў прысуджаны да трох сутак арышту.

10.11.2008 Полацкіх актывістаў будуць судзіць

На полацкіх моладзевых актывістаў склалі пратаколы за тое, што 7 лістапада яны разгарнулі ў цэнтры горада сьцягі — бел-чырвона-белы і памаранчавы сьцяг руху “Маладая Беларусь” . Сваю акцыю хлопцы знарок прымеркавалі да 7-га лістапада, жадаючы такім чынам падтрымаць антыкамуністычную акцыю моладзі ў Менску.

10.11.2008 Сёньня будуць судзіць маладафронтаўцаў

У судзе Ленінскага раёну Менску сёньня будуць судзіць моладзевых актывістаў, якіх затрымалі 7 лістапада насупраць будынку КДБ. Яны трымалі расьцяжку: “Камунізм пад трыбунал!”. Непаўналетніх адпусьцілі, а супраць пяці сяброў незарэгістраванай арганізацыі “Малады фронт” склалі пратаколы за ўдзел у несанкцыянаваным пікеце.

10.11.2008 Справу Пісальніка пакінулі без разгляду

Суд Кастрычніцкага раёну Гродна пакінуў без разгляду справу аб экстрэмісцкім змесце нумару газэты “Глос з-над Немна ў выгнанні”, ініцыятарам якой выступаў кіраўнік упраўлення КДБ па Гродзенскай вобласці Ігар Сяргеенка.

06.11.2008 Конкурс: Правы чалавека ў Беларусі праз аб’ектыў фотакамеры

Беларускі Дом правоў чалавека ў Вільні ладзіць конкурс на найлепшую фатаграфію, якая ілюструе ажыццяўленне якога заўгодна права ці свабоды чалавека ў Беларусі.

06.11.2008 Апазыцыянэру не даюць давучыцца

Васемнаццацігадовага актывіста Станіслава Сенакосава адлічылі з Магілёўскага прафэсійнага ліцэю № 2. Актывіст цьвердзіць, што нагодай для адлічэньня сталася яго грамадзкая дзейнасьць. У адміністрацыі ліцэю сьцьвярджаюць, што хлопец груба парушыў дысцыпліну.

06.11.2008 Прадстаўнікам апазыцыі не далі прарвацца ў будынак МУС

Лідэр АГП Анатоль Лябедзька, сябра Партыі БНФ Юры Карэтнікаў, сябра ініцыятывы "Эўрапейская Беларусь" Павал Кур'яновіч, лідэр незарэгістраванай арганізацыі "Малады фронт" Зьміцер Дашкевіч прыйшлі сёньня да будынку Міністэрства ўнутраных спраў (вул. Гарадзкі вал), каб падаць пэтыцыю наконт г.зв. сьпісу невыязных (зварот да міністра ўнутраных спраў Уладзімера Навумава, генпракурора Васілевіча, а таксама вярхоўнага камісара ЭС па пытаньнях замежнай палітыкі Хаўера Саляны), паколькі, паводле ўдзельнікаў акцыі, канстытуцыя гарантуе свабодны выезд з краіны.

06.11.2008 “Марш невыязных”

У чацьвер аб 11 гадзіне дня актывісты беларускай апазыцыі зьбяруцца ля Міністэрства ўнутраных спраў, адкуль распачнуць “Марш невыязных”.

06.11.2008 Збор подпісаў за змены ў Выбарчы кодэкс Беларусі

У ініцыятыўную групу па зборы подпісаў за змены ў Выбарчым кодэксу Беларусі ўвойдзе ад 500 да 600 актывістаў. Такую мэту перад аб’яднанымі дэмакратычнымі сіламі ставіць Прэзідыум Палітрады АДС. Пра гэта было заяўленна падчас паседжання 5 лістапада ў Менску. Цягам месяца сябрам групы трэба будзе сабраць не менш за 50 тысячаў подпісаў грамадзянаў.

06.11.2008 Павел Сапелка: «УКДБ можа паўторна ініцыяваць разгляд справы аб «экстрэмізме» ў матэрыялах ПЦ «Вясна»

Адвакат Сапелка не змог атрымаць копію судовай пастановы пра тое, што заяву УКДБ па матэрыялах «Вясны» пакінулі без разгляду. Ні самой справы аб «экстрэмісцкім» характары інфармацыйных матэрыялаў, ні пастановы суддзі ў канцылярыі суда Кастрычніцкага раёна Гродна не аказалася. Супрацоўнікі канцылярыі растлумачылі, што ўсе матэрыялы справы па-ранейшаму знаходзяцца ў суддзі.

06.11.2008 Алесь Бяляцкі: “Падставай для пераследу з боку ўладаў з’яўляецца цвёрдая і нязломная пазіцыя беларускіх праваабаронцаў”

3-4 лістапада ў Страсбургу праходзіла канферэнцыя “Становішча праваабаронцаў у дзяржавах членах Рады Еўропы”, арганізаваная бюро Камісара па правах чалавека Рады Еўропы. Канферэнцыя была прымеркаваная да 10-ай гадавіны прыняцця ААН Дэкларацыі аб праваабаронцах. Нягледзячы на тое, што Беларусь не з’яўляецца членам Рады Еўропы, на канферэнцыю быў запрошаны беларускі праваабаронца, старшыня зачыненага ўладамі Праваабарончага цэнтру “Вясна” Алесь Бяляцкі.

05.11.2008 Акцыя "Станем за журналістыку!" адбылася ў Мінску

У межах міжнароднага дня абароны і падтрымкі журналістаў "Станем за журналістыку", які адзначаецца 5 лістапада, беларускія журналісты ў розных рэгіёнах краіны праводзяць акцыі, каб звярнуць увагу на складанасці іх працы ва ўмовах Беларусі.

05.11.2008 М. Пастухоў: Далей трэба адмяняць "Закон аб супрацьдзеянні экстрэмізму"

Кіраўнік Цэнтру прававой абароны СМІ пры Беларускай асацыяцыі журналістаў, юрыст Міхаіл Пастухоў выказаў здзіўленне адменай судовых рашэнняў па прызнанні экстрэмісцкай газеты "Свабода". Нагадаем, што не прызнаная экстрэмісцкай таксама кніга "Агляд-хроніка парушэнняў правоў чалавека ў Беларусі ў 2004 годзе" - гэтую справу пакінулі без разгляду.

05.11.2008 У Астраўцы ўтвораны аргкамітэт грамадзянскай ініцыятывы супраць будаўніцтва АЭС

Аргкамітэт утварылі сем грамадзянаў на чале з былым настаўнікам геаграфіі Міколам Уласевічам. Заяву да грамадзян і ўраду Беларусі прынялі ў сувязі з плянуемым будаўніцтвам у іх рэгіёне АЭС.

05.11.2008 У ЖЖ праходзіць віртуальная дэманстрацыя за свабоду слова ў Беларусі

У кам’юніці «Жывога Журнала» праходзіць віртуальная дэманстрацыя за свабоду слова ў Беларусі. Яна арганізаваная 5 лістапада ў межах кампаніі «Станем за журналістыку», якая ладзіцца Міжнароджнай федэрацыяй журналістаў і падтрыманая ГА «БАЖ».