Праваабарончы цэнтр «ВЯСНА»

Навіны за Красавік 2008

25.04.2008 Працягваюцца суды за "Еўрапейскі марш"

Савецкі суд Менску вырашыў спагнаць з заяўнікаў Эўрапейскага маршу агулам больш за тры з паловай мільёны рублёў. Менавіта такую суму запатрабавалі ў якасьці кампэнсацыі ўрону гарадзкія прадпрыемствы “Мінскзеленбуд” і “Рэмаўтадар” Савецкага і Першамайскага раёнаў.

25.04.2008 Бабруйскі праваахоўны рэйд

У рэгіёнах міліцыянты выяўляюць патэнцыйных удзельнікаў "Чарнобыльскага шляху"

25.04.2008 У Гомелі 7 сутак арышту атрымала Марыя Тульжанкова

25 красавіка суд Навабеліцкага раёну Гомелю вынес рашэньне пакараць ўдзельніцу гістарычнай экскурсіі па арт. 23.34 КаАП на 7 сутак адміністратыўнага арышту.

25.04.2008 У Магілёве затрыманы чарнобылец Мікалай Расюк

Сёньня ў Магілёве быў затрыманы перасяленец з Чарнобыльскай зоны актывіст сацыял-дэмакратычнай партыі Грамада Мікалай Расюк, які зьбіраўся выступаць на афіцыйным чарнобыльскім мітынгу.

25.04.2008 У Палаце прадстаўнікоў прапануюць прыцягнуць да адказнасці адменшчыкаў ільгот

Старшыня пастаяннай камісіі па жыллёвай палітыцы, будаўніцтве, гандлі і прыватызацыі Палаты прадстаўнікоў Нацыянальнага сходу Беларусі Мікалай Чурсін прапануе прыцягнуць да адказнасці чыноўнікаў, якія распрацоўвалі законапраект аб дзяржаўных ільготах, правах і гарантыях для асобных катэгорый грамадзян.

25.04.2008 Падчас затрымання накладу «Віцебскага кур’ера» ў Шчукіна здарыўся сардэчны прыступ

24 красавіка прыкладна а 20-й гадзіне на ўскрайку Віцебска міліцыянты затрымалі тыраж газеты “Віцебскі кур’ер М”.

25.04.2008 Прымусовае разьмеркаваньне для ідэалагічна ненадзейных

25 красавіка на факультэце журналістыкі БДУ адбылося камісіі па разьмеркаваньні выпускнікоў пад кіраўніцтвам міністра інфармацыі Ўладзімера Русакевіча. Студэнтку 5-га курса і прэс-сакратара Партыі БНФ Кацярыну Маркоўскую разьмеркавалі ў крычаўскую газэту "Ленінскі кліч" на працу загадчыкам аддзела сельскай гаспадаркі.

25.04.2008 Мілінкевіч: “Трэба займацца палітыкай не дзеля саміх сябе”

30 cустрэчаў у 23 гарадах Беларусі, мноства затрыманняў, праколатыя колы, пытанні пра інфляцыю, льготы і карупцыю, пераадолены страх людзей, прафілактычныя гутаркі з міліцыяй – такі вынік паездак, што правёў на працягу трох месяцаў лідэр Руху “За Свабоду” Аляксандр Мілінкевіч.

25.04.2008 Выстава палітычных налепак

25 красавіка адбудзецца адкрыцьцё выставы, у якой прадстаўленыя налепкі розных гадоў і з розных краінаў, выбарчыя кампаніі і заклікі на шэсьці, налепкі моладзевых рухаў і палітычных арганізацыяў. Выстава будзе працаваць у фармаце пастаяннага абнаўленьня, апроч тэматычных будзе прадстаўлены вольны стэнд, на які будуць дадавацца налепкі, што прынесьлі наведвальнікі.

25.04.2008 У Гомелі затрыманы Сяргей Трыфанаў

Дэмакратычны актывіст знаходзіўся ў камандыроўцы, з прычыны чаго не мог прысутнічаць на судзе па заведзенай на яго адміністратыўнай спрвае. Як толькі ён вярнуўся, яго затрымалі міліцыянты і даставілі ў пастарунак.

25.04.2008 Пратэстанцкі пастар Ганчарэнка зноў аштрафаваны

25 красавіка судзьдзя Маскоўскага раёну Менску Уладзімір Аўдзеенка прызнаў пастара Царквы “Новае жыцьцё” Вячаслава Ганчарэнку віноўным у парушэньні арт. 9.10 КаАП РБ (Парушэньне заканадаўства аб выбарах, рэферэндуме, аб адкліканьні дэпутата і аб рэалізацыі права заканадаўчай ініцыятывы грамадзянаў) і пакараў яго адміністратыўным штрафам у памеры 40 базавых велічыняў (1 млн. 400 тыс. рублёў).

25.04.2008 З «Газетай Слонімскай» змагаюцца пры дапамозе ваенкамату?

Днямі галоўнаму рэдактару «Газеты Слонімскай» Віктару Валадашчуку ўручылі павестку на вайсковыя зборы. Тэрмін правядзення «зборавых мерапрыемстваў» прыпыдае акурат на напружаны для рэдакцыі час — скасаванне дамовы арэнды і заканчэнне ліцэнзіі на раздробны гандаль.

25.04.2008 Заяўнікаў Чарнобыльскага шляху папярэдзілі ў пракуратуры

24 красавіка чацьвёра заяўнікаў дэмакратычнай акцыі былі выкліканыя ў сталічную пракуратуру, дзе адбылася сустрэча з пракурорам Менску Мікалаем Куліком. Аляксандар Мілінкевіч на сустрэчу не зьявіўся.

25.04.2008 Чаму боьшасьць беларусаў – за сьмяротнае пакараньне?

Адказы на апытаньне беларускай газеты "Свабода" на тэму сьмяротнага пакараньня

24.04.2008 "Ганьба" беларускаму рэжыму

Абвешчаны ў судзе Маскоўскага раёну сталіцы прысуд Сяргею Парсюкевічу быў сустрэты крыкамі "Ганьба!". Гэта сапраўды злачынны прысуд: на лаве падсудных павінен быў быць супрацоўнік міліцыі Дулуб, які перавысіў свае службовыя паўнамоцтвы і зьбіў арыштанта.