10.12.2007 Віктара Івашкевіча затрымалі на Чырвонай

На вуліцы Чырвонай затрыманы намесьнік старшыні БНФ Віктар Івашкевіч. Ён быў на Кастрычніцкай плошчы падчас мітынгу прадпрымальнікаў, павітаўся са знаёмымі і сышоў. Зараз яго павезьлі ў Цэнтральнае РАУС. Спадара Івашкевіча вінавацяць ва ўдзеле ў несанкцыяваным мерапрыемстве.

10.12.2007 Раду бяспекі ААН заклікаюць разгледзець сітуацыю ў Беларусі

Праваабаронцы заклікалі Раду бяспекі ААН вярнуцца да разгляду парушэнняў правоў чалавека ў Беларусі. "Мы заклікаем краіны, якія з'яўляюцца пастаяннымі сябрамі Рады бяспекі ААН, асабліва кіраўніцтва Расейскай Федэрацыі, вярнуцца да разгляду праблем, звязаных з парушэннямі правоў чалавека ў Беларусі", – гаворыцца ў заяве аргкамітэта па фармаванні ў Беларусі Грамадскай камісіі па рэабілітацыі ахвяр палітычных рэпрэсій.

10.12.2007 Затрыманыя лідэры прадпрымальнікаў

Сёньня ў Менску заплянаваны мітынг прадпрымальнікаў. Яны зьбіраюцца выказаць сваё стаўленьне да палітыкі ўладаў у дачыненьні да малога бізнэсу.

10.12.2007 Барыс Хамайда правёў акцыю ў Віцебску

З Міжнародным днём правоў чалавека павіншаваў сёньня землякоў актывіст-ветэран з Віцебску Барыс Хамайда.

10.12.2007 Маладафронтаўцы абскардзяць пастановы камісіі

Маладзёны не пагаджаюцца з рашэньнем камісіі па справах непаўнагадовых, згодна з чым 28 лістапада актывістаў "Маладога Фронту" аштрафавалі: Хрысьціна Самойлава атрымала 2.48 мільёнаў рублёў, Іван Шыла 1.86 мільёнаў, а ягоныя бацькі 620 тысячаў руб. 7 сьнежня салігорскія маладафронтаўцы падалі скаргі ў раённы суд.

10.12.2007 Моладзевую актывістку Касю Салаўёву аднавілі ва ўніверсітэце

Пра гэта Касе Салаўёвай паведаміў рэктар Полацкага дзяржаўнага ўніверсітэта, выклікаўшы Касю на неафіцыйную размову.

10.12.2007 Валерый Міснікаў – ахвяра карнай псіхіятрыі

З 16 лістапада у Браслаўскай абласной псіхіятрычнай лякарні "Слабодка" ўтрымліваецца Валерый Міснікаў, былы выкладчык гісторыі і права з Віцебску. Праваабаронца, які сам сябе называў “грамадскім пракурорам”, неаднаразова падвяргаўся судовым перасьледам за сваю актыўную грамадскую дзейнасьць.

10.12.2007 Улады Беларусі дэманструюць грэблівае стаўленьне да правоў чалавека. Заява Праваабарончага цэнтра “Вясна”

Заява Праваабарончага цэнтра “Вясна”

Мінск, 10 сьнежня 2007 г.

10 сьнежня 2007 г. спаўняецца 59 гадоў з моманту прыняцьця Усеагульнай Дэкларацыі правоў чалавека. Ва ўсім сьвеце гэты дзень адзначаецца як Дзень правоў чалавека. Рэспубліка Беларусь, як краіна сузаснавальніца Арганізацыі Аб’яднаных Нацыяў, ратыфікавала і ўзяла на сабе абавязацельствы па выкананьні прынцыпаў, закладзеных у Дэкларацыі.

07.12.2007 Суддзя Казлоў падзяляе думку віцебскіх улад аб тым, што пікеты трэба ладзіць у лесе

Рэгіянальны кіраўнік БХК на Віцебшчыне Павел Левінаў падаў у суд скаргу на Віцебскі гарвыканкам за адмову ў правядзеньні пікетаў, прымеркаваных да гадавіны прыняцьця Усеагульнай дэкларацыі правоў чалавека. Аднак суддзя суду Кастрычніцкага раёну Віцебска Эдуард Казлоў не палічыў доказы праваабаронцы пераканаўчымі і падтрымаў пазіцыю мясцовых уладаў, якія мяркуюць, што праводзіць акцыі трэба ў дазволеных месцах на ўскрайку гораду, у лесапарку.

07.12.2007 Прысуд Аляксандру Данілеўскаму – 180 гадзінаў грамадскіх работ

180 гадзінаў грамадскіх работ у выглядзе крымінальнага пакараньня атрымаў студэнт першага курсу ЕГУ з Віцебску Аляксандар Данілеўскі. Сёньня, пасьля тыднёвага разгляду сутнасьці крымінальнай справы, суддзя суду Першамайскага раёна Віцебска Алена Шарэц прызнала яго вінаватым у парушэньні часткі 1 артыкула 380 Крымінальнага Кодэксу Рэспублікі Беларусь (падробка, выраб, выкарыстаньне або распаўсюд падробных дакументаў, штампаў, пячатак бланкаў).

07.12.2007 Затрыманых учора Аляксандра Макаева, Алега Корбана, Міколу Сергіенку і Надзею Сінькевіч адпусьцілі ўначы з Ленінскага РУУС.

Міліцыянты сфабрыкавалі пратаколы за дробнае хуліганства на першых трох, якія быццам бы нецэнзурна лаяліся падчас ператрусу. Позвы ў суд ім уручылі на 12 сьнежня.

07.12.2007 ЛАРЫСЫ ГЕНІЮШ АДМОЎЛЕНА Ў РЭАБІЛІТАЦЫІ

Генеральны пракурор, які разглядаў, прашэньне аб рэабілітацыі паэткі, спасылаецца на тое, што ён не нададзены правам апратэставаньня пастаноў Прэзыдыўма Вярхоўнага Суду Рэспублікі Беларусь.

07.12.2007 На сайце “Вясны” з’явіўся чарговы нумар бюлетэня “Права на волю”.

Чытайце артыкулы і журналісцкія даследваньні пра рэзалюцыю 3 Камітэта ААН аб увядзеньні мараторыю на пакараньне смерцю і пазіцыю Беларусі, пра змаганьне беларускіх прадпрымальнікаў за свае правы, пра пераслед палітычных апанентаў у краіне. У нумары змешчаны таксама матэрыялы пра актыўнасьць КДБ да асобаў, якія могуць мець дачыненьне да новага тэлеканалу “Белсат”, аб неспатольных прэтэнзіях сенатара Мікалая Чаргінца да журналіста Аляксандра Тамковіча і шмат іншага.

07.12.2007 Вярхоўны суд разгледзіць скаргу заснавальнікаў Руху “За свабоду”

Судовы працэс пачнецца 18 сьнежня. Пра гэта нашаму радыё сёньня паведаміў Юрась Губарэвіч -- адзін з трох заяўнікаў скаргі. Ён разам з Аляксеем Кавальцом і Аляксандрам Мілінкевічам ад імя заснавальнікаў Руху “За Свабоду” патрабуюць ад Міністэрства юстыцыі скасаваць рашэньне, якое адмаўляе ім у рэгістрацыі.

07.12.2007 Баранавіцкія чыноўнікі “гуляюць” з грамадзянамі па сваіх правілах

“… Баранавіцкі гарадскі выканаўчы камітэт вымушаны адмовіць у дазволе на правядзеньне пікета ў сувязі з тым, што заява не адпавядае патрабаваньням арт.4, арт. 5 Закона “Аб масавых мерапрыемствах у Рэспубліцы Беларусь”. У заяве не ўказаны меры па забеспячэньню грамадскага парадку і бяспекі пры правядзеньні масавага мерапрыемства, меры, звязаныя з медыцынскім абслугоўваньнем, уборкай тэрыторыі пасьля правядзеньня на ёй масавага мерапрыемства….” Такі шаблонны адказ атрымалі заяўнікі пікету з нагоды гадавіны прыняцьця Усеагульнай дэкларацыі правоў чалавека ад намесніка старшыні Баранавіцкага гарвыканкама Д. Касцюкевіча.