Праваабарончы цэнтр «ВЯСНА»

Навіны за Ліпень 2007

10.07.2007 Ліпень

7. 07. Барыс Хамайда судом Чыгуначнага раёну Віцебска пакараны штрафам у памеры 10 базавых велічыняў па артыкуле 23.34 КаАП РБ (парушэньне парадку арганізацыі і правядзеньне масавых мерапрыемстваў).

10.07.2007 У Горадні часова затрымалі актывіста, які раздаваў газэты

Андрусь Ігнатчык з “Маладога фронту” быў часова затрыманы гарадзенскімі міліцыянтамі.

10.07.2007 Арганізатараў бардаўскага канцэрту ў Гомелі могуць аштрафаваць

23 чэрвеня адбыўся выступ цэлага шэрагу знакамітых бардаў – Андрэя Мельнікава, Змітра Бартосіка, Вальжыны Цярэшчанкі, Змітра Вінаградава і пачаткоўца Яўгена Валошына. Пасля гэтага арганізатараў мерапрыемства Ларысу Шчыракову ды Змітра Жалезнічэнку выклікалі ў абласную інспекцыю Міністэрства па падатках і зборах.

10.07.2007 Лідчукі ўсіх краін, яднайцеся!

Сусветны з’езд лідчукоў арганізаваны ў Лідзе Таварыствам польскай культуры Лідчыны.

10.07.2007 Чыноўніка Адміністрацыі прэзыдэнта вінавацяць у махлярстве і хабарніцтве

Першаму намесьніку начальніка Галоўнага ідэалягічнага ўпраўленьня, начальніку Ўпраўленьня каардынацыі ідэалягічнай працы Адміністрацыі прэзыдэнта Ўладзімеру Холаду вылучаныя абвінавачваньні ў махлярстве ў буйных памерах і ў падштурхоўваньні да дачы хабару ў асабліва буйных памерах.

10.07.2007 Крымінальная справа Яраслава Грышчэні падоўжаная яшчэ на 2 месяцы

Учора моладзевы актывіст Яраслаў Грышчэня позваю выклікаўся ў баранавіцкую раённую пракуратуру. Сьледчая Юлія Аскальдовіч паведаміла хлопцу, што ягоная крымінальная справа падоўжана яшчэ на два месяцы. Яраслава падазраюць у парушэньні артыкулу 193 КК «Дзейнасьць ад імя незарэгістраванай арганізацыі». У пятніцу ў суд перадалі аналягічную справу Івана Шылы, салігорца найхутчэй будуць судзіць у жніўні.

10.07.2007 Супраць Франака Вячоркі можа быць узбуджана адміністратыўная справа

Сябра Партыі БНФ Франак Вячорка ўчора быў выкліканы ў аддзел гарадзкой гаспадаркі Адміністрацыі Савецкага раёну гораду Менску.

09.07.2007 Усталяваць у Гданьску помнік Янку Купалу было ня вельмі проста

Не сакрэт, што наш вялікі пясьняр Янка Купала пры жыцьці ні разу ня быў у Гданьску. Аднак гэта не перашкодзіла беларускай дыяспары ў гэтым горадзе ўшанаваць яго памяць на 125-годдзе ад нараджэньня. На Радзіме мерапрыемствы праходзяць і ў музэях, і ў тэатрах, і ў навучальных установах з кульмінацыяй 7 ліпеня (дзень народзінаў паэта), а ў паўночнапольскім горадзе за паўтысячы кілямэтраў ад Бацькаўшчыны беларуская суполка вырашыла “прапісаць” паэта і ў Гданьску.

09.07.2007 Алесь Дзеравянка за ўдзел у акцыі ў абарону Валерыя Шчукіна пакараны грашовым штрафам

Сёньня завяршыўся апошні суд над затрыманымі удзельнікамі акцыі ў абарону віцебскага праваабаронцы Валерыя Шчукіна.

09.07.2007 АБСЭ заклікае вызваліць палітзьняволеных

У апошні дзень працы сэсіі Парлямэнцкай асамблеі АБСЭ ў Кіеве ўхваленая рэзалюцыя па сытуацыі ў Беларусі.У дакумэнце ўтрымліваецца заклік да беларускіх уладаў вызваліць палітзьняволеных, правесьці незалежнае расьсьледаваньне справаў зьніклых апанэнтаў рэжыму, забясьпечыць свабоду СМІ і няўрадавых арганізацый, а таксама ўнесьці папраўкі ў выбарчае заканадаўства.

09.07.2007 Пракуратура выявіла парушэньні правоў асуджаных

У часе праверак пракуратурай Берасьцейскай вобласьці ў папраўчых калёніях і ізалятарах часовага ўтрыманьня у Баранавіцкім раёне былі выяўленыя шматлікія факты, калі кіраўнікі прадпрыемстваў скасоўвалі працоўныя дамовы з асуджанымі на папраўчыя работы, не папярэдзіўшы пра гэта адміністрацыю папраўчых установаў. Акрамя таго, нясвоечасова пералічаліся грошы, якія зараблялі асуджаныя.

09.07.2007 Пашпартны кантроль на святкаванні юбілею Янкі Купалы ў Вязынцы

У вёсцы Вязынка (Маладзечанскі раён), на радзіме класіка беларускай паэзіі Янкі Купалы, прайшлі мерапрыемствы з нагоды 125-годдзя з дня ягонага нараджэння. Нягледзячы на спробы супрацоўнікаў міліцыі і КДБ перашкодзіць правядзенню свята, лідэр Руху “За Свабоду” Аляксандр Мілінкевіч разам са сваімі паплечнікамі ўшанавалі памяць беларускага паэта.

09.07.2007 У Оршы з друкаванымі выданьнямі затрыманы “маладафронтавец”

Супрацоўнікамі аршанскай міліцыі позна вечарам 8 ліпеня быў затрыманы сябра “Маладога фронту” Ігар Казмірчак.

09.07.2007 У Горадні выйшла новая газэта “Ведамасьці”

7 ліпеня ў Горадні распаўсюджваўся першы нумар новага выданьня “Ведамасьці”, ініцыятарам выпуску якога стаў рух “За Свабоду”. Газэта зьявілася ва ўгодкі зьнікненьня тэлеапэратара ОРТ Зьмітра Завадзкага.

09.07.2007 Поўная ізаляцыя палітвязьняў Клімава і Казуліна

Што з вязьнямі адбываецца ў калёніі, часта становіцца вядома ўжо пасьля адбыцьця пакараньня. Днямі прыйшлі зьвесткі, нібыта Аляксандра Казуліна ў калёніі зьбіў супрацоўнік адміністрацыі. Пра гэта паведамілі былыя вязьні. Але адміністрацыя калёніі “Віцьба-3”, дзе ўжо амаль год трымаюць былога кандыдата на прэзыдэнта, гэтыя зьвесткі абвяргае.