08.07.2007 Сьвяткаваньне юбілею Янкі Купалы каштавала віцебскаму апазіцыянеру штрафу ў 10 базавых велічыняў

У суботу, 7 ліпеня, Барыс Хамайда ў Віцебску выйшаў на вуліцу, каб адзначыць юбілей беларускага песьняра Янкі Купалы. У руках ён трымаў свежы нумар “Нашай нівы” з партрэтам Купалы і самаробны плакат. Гэта паслужыла падставай для яго затрыманьня. У той жа дзень у судзе Чыгуначнага раёна Віцебска ён быў пакараны штрафам у памеры 10 базавых велічыняў за ўдзел ў недазволеным пікетаваньні.

06.07.2007 Беларусь у чарговы раз не выканала рашэньне Камітэту па правах чалавека ААН

Віцебскі праваабаронца і грамадзкі актывіст Леанід Сьвецік атрымаў ліст з Камітэту па правам чалавека ААН, у якім зазначана, што адказ з боку беларускай дзяржавы па справе 927/2000 Леаніда Сьвеціка разгледжаны. Высновы - Беларусь праігнаравала рашэньне Камітэту па правах чалавека

06.07.2007 Супраць Зьмітра Дашкевіча і Насты Азаркі могуць быць узбуджаны крымінальныя справы

Як стала вядома ПЦ “Вясна”, следчы Мінскай абласной пракуратуры Вітольд Аляксееў, якія вядзе крымінальную справу Івана Шылы, вылучыў ў асобную вытворчасць матэрыялы па факце адмовы ад дачы паказаньняў сведкам па справе Зьмітром Дашкевічам.

06.07.2007 У Кіеве пачалі разглядаць рэзалюцыю па Беларусі

Праект рэзалюцыі Парлямэнцкай асамблеі АБСЭ “Становішча ў Беларусі” сёньня раніцай пачаў абмяркоўваць Камітэт у палітычных пытаньнях і бясьпецы. З дакладам выступае сябра рабочай групы ў справах Беларусі ПА АБСЭ парлямэнтар з Даніі Крыстыян Піль Лёрэнтсэн.

06.07.2007 Актывіста Барыса Хамайду міліцыя папярэдзіла па-добраму

Сёньня раніцай у Віцебску быў затрыманы найстарэйшы мясцовы апазіцыянер, распаўсюднік незалежнага друку Барыс Хамайда.

06.07.2007 Маладых абаронцаў Горадні выклікаюць у КДБ і ў міліцыю

Сьледчыя цікавяцца ўдзелам моладзевых актывістаў у гарадзенскіх акцыях абароны старога гораду.

06.07.2007 Эксперымент-правакацыя

Пракуратура Мiнскай вобласцi расследуе тры крымiнальныя справы ў дачыненнi да мiлiцыянераў, якiя парушылi закон пры правядзеннi аператыўных эксперыментаў па выяўленнi карупцыi i хабарнiцтва. Пра гэта паведамiў першы намеснiк пракурора Мiншчыны Мiкалай Пiлiнкевiч.

06.07.2007 “Літаратурная Беларусь” – новы час чытаньня

Саюз беларускіх пісьменьнікаў прыступіў да практычнай рэалізацыі новага культурна-грамадскага праекту – выданьня газеты “Літаратурная Беларусь”. Днямі убачыў сьвет першы нумар дадаткам да газеты “Новы час”.

06.07.2007 Паэт Зьніч на Залатой Горцы прэзентуе кнігу паэзіі “За мурам”

Сёньня ў Менску інак Мікалай (Алег Бембель, Зьніч і г.д) ладзіць прэзентацыю сваёй новай паэтычнай кнігі. Кніга вершаў мае досыць інтрыгуючую назву – “За мурам”. Прэзентацыя адбудзецца ў памяшканьні Беларускага Пэн-цэнтру у 18-00.

Чакаецца, што ў творчай вечарыне будуць браць удзел вядомыя барды Кася Камоцкая і Андрэй Мельнікаў.

06.07.2007 Суд спыніў справу па зыску адлічанага студэнта

Справа па зыску Юрася Алейніка спынена “ў сувязі з непадведамаснасцю суду”. Такое рашэнне прыняла 5 ліпеня суддзя Кастрычніцкага раённага суда г. Мінска Соф’я Пракаповіч.

05.07.2007 Крымінальную справу супраць лідэра салігорскага «Маладога Фронту» Івана Шылы пракуратура перадае ў суд

У сувязі з гэтым у пятніцу Іван выкліканы да сьледчага дзеля азнаямленьня са справаю. Чакаецца, што Шыла будзе пераведзены са статусу падазраванага ў статус абвінавачанага.

05.07.2007 АБСЭ зноў прыме рэзалюцыю па Беларусі

Сёньня ў Кіеве пачала працаваць летняя сэсія Парлямэнцкай Асамблеі АБСЭ. У яе праграме — два мерапрыемствы, якія маюць непасрэднае дачыненьне да Беларусі. Прынамсі, 6 і 7 ліпеня тры парлямэнцкія камітэты разгледзяць праект спэцыяльнай рэзалюцыі “Сытуацыя ў Беларусі”. А на 7 ліпеня заплянаваны і круглы стол па Беларусі. Яго правядзе кіраўніца рабочай групы ў справах Беларусі ПА АБСЭ, дэпутатка Бундэстагу Ута Цапф.

05.07.2007 Суд па справе Юрася Алейніка цягнуўся 7,5 гадзінаў

Пачатак судовага паседжаньня па справе адлічанага з Акадэміі кіраваньня Юрася Алейніка быў досыць нэрвовы. Судзьдзя Пракаповіч выдаліла з залі аднаго са сьведкаў з боку адлічанага студэнта за фатаграфаваньне без дазволу. Праваабаронцу Алену Танкачову падвяла яе ўсьмешка — у выніку яе таксама папрасілі за дзьверы. На судзе прысутнічала досыць народу. Ужо былы кіраўнік офісу АБСЭ ў Менску Оке Пэтэрсан, які сёньня а 5-й раніцы пакінуў Беларусь, заехаў у суд на паўгадзіны і застаўся да канца. Ён нават ахвяраваў фуршэтам у амэрыканскім пасольстве з нагоды нацыянальнага сьвята ЗША Дня незалежнасьці.

05.07.2007 Акцыі на плошчы Бангалор забароненыя

Менгарвыканкам адмовіў у правядзенні ў парку Дружбы народаў пікетаў у падтрымку Аляксандра Казуліна. Сёння заяўнік пікетаў намеснік старшыні Менскага гарадскога камітэта БСДП Аляксей Сігаеў атрымаў адказ за подпісам намесніка старшыні Менгарвыканкама М.Ціценкова.

05.07.2007 Акрэсцінскія служакі адмовіліся прыняць перадачу для Алеся Каліты

Старшыні Рады моладзі БНФ Алесю Каліце, які адбывае адміністратыўнае пакараньне у спецпрыёмніку-размеркавальніку на Акрэсціна сёньня адмовілі ў перадачы. Ён быў затрыманы ля управы БНФ 3 ліпеня у лёгкім летнім адзеньні (шортах і шлёпках). Як стала вядома ПЦ “Вясна”, раніцай 5 ліпеня сябры праспрабавалі перадаць перадачу, у якой знаходзілася вопратка і сродкі гігіены. Супрацоўнікі спецпрыёмніка-размеркавальніка адмовіліся прыняць перадачу, спаслаўшыся на тое, што яе можна перадаваць толькі блізкім сваякам.