Праваабарончы цэнтр «ВЯСНА»

Навіны за 6 кастрычніка 2020

06.10.2020 Падпішыце паручальніцтва за праваабаронцу "Вясны" Марфу Рабкову!

Мы, праваабаронцы "Вясны", распачынаем кампанію па зборы паручальніцтваў за праваабаронцу Марфу Рабкову ад усіх грамадзянаў. Паручальніцтвы мы будзем перадаваць у Следчы камітэт Рэспублікі Беларусь 8 кастрычніка. На падставе паручальніцтваў Марфу могуць вызваліць з-пад варты з СІЗА, дзе яна ўтрымліваецца амаль два тыдні.

06.10.2020 Пераслед шостага кастрычніка ў Беларусі

Шостага кастрычніка пераслед людзей па палітычных прычынах у Беларусі працягваецца. Праваабаронцы "Вясны" збіраюць новыя факты пераследу па ўсёй краіне: затрыманні, вобшукі і іншыя формы ціску.

06.10.2020 Праваабарончая праграма "Вясна" на Беларускім Радыё Рацыя

Суды, прэмія ў галіне правоў чалавека, Тыдзень супраць смяротнага пакарання і паштоўкі палітвязням.

06.10.2020 Праваабаронца пра абмежаванні перадачаў: "Калі 9 жніўня ЦІП ператварылі ў склеп гестапа, нікога не хвалявалі супрацьэпідэміялагічныя меркаванні"

5 кастрычніка ў ЦІП і ІЧУ на Акрэсціна змянілі час прыёма перадачаў для адміністрацыйна затрыманых і арыштаваных нібыта для забеспячэння бяспекі ў сувязі з распаўсюдам COVID-19.

06.10.2020 Працягваюцца суды над удзельнікамі мірный акцый пратэсту

Адміністрацыйныя справы, заведзеныя на ўдзельнікаў мірных акцый пратэсту, разглядаюцца ў аўторак, 6 кастрычніка, у раённых судах Мінска і многіх гарадах Беларусі.

06.10.2020 У палітвязня Шклярава пагоршылася здароўе, ён перахварэў на каранавірус

Адвакат арыштаванага 29 ліпеня палітолага Віталя Шклярава Антон Гашынскі паведаміў пра рэзкае пагаршэньне здароўя свайго падабароннага пасля захворвання на COVID-19 у СІЗА.

06.10.2020 "Нам по**й, раз назваўся хлопцам, значыць, распранайся". Як абыходзіліся з трансгендарным чалавекам у мінскім і жодзінскім ІЧУ

Як паведамляе MAKEOUT, з-за таго, што Жэня – трансгендарны чалавек, у ІЧУ і міліцыі ён падвергнуўся жорсткаму абыходжанню і дыскрымінацыі на падставе сваёй ідэнтычнасці, пра што сведчаць шматлікія факты прымянення да яго трансфобнай рыторыкі, шантажу і пагроз. "Вясна" прыводзіць гісторыю Жэні Вялько.

06.10.2020 МУС абвясціла пра затрыманне пратэстоўцаў, якія сапсавалі вадамёт

Прэс-служба МУС паведаміла, што ГУБАЗіК знайшоў тых, хто адзначыўся «актыўнымі супрацьпраўнымі дзеяннямі» падчас акцыі пратэсту ў Менску 4 кастрычніка. Ім пагражае крымінальны пераслед.

06.10.2020 На 19 чалавек завялі крымінальныя справы за распаўсюд звестак аб супрацоўніках міліцыі

У дачыненні да 19 грамадзян Беларусі, якія распаўсюджвалі ў інтэрнэце звесткі пра супрацоўнікаў міліцыі, завялі крымінальныя справы, паведаміла прэс-служба ГУУС Мінгарвыканкаму.