Праваабарончы цэнтр «ВЯСНА»

Навіны за Травень 2020

29.05.2020 Экадом падаў скаргу ў ААН на парушэнні пры будаўніцтве акумулятарнага завода

ГА "Экадом" накіравала ў Камітэт па выкананні Орхускай канвенцыі паведамленне аб парушэнні Беларуссю палажэнняў Канвенцыі пры прыняцці рашэння аб будаўніцтве акумулятарнага завода пад Брэстам.

29.05.2020 Жыхара Маладзечна аштрафавалі за назву персальнай старонкі ў Instagram

Яўгена Радзівілку вінавацяць у тым, што назва яго персанальнай старонкі ў Instagram утрымлівае абрэвіятуру з чатырох літар, якая паўтары гады таму была ўнесена ў Рэспубліканскі спіс экстрэмісцкіх матэрыялаў.

29.05.2020 Суды ў Віцебску: Барсуковай – 810 рублёў штрафу, Ільінцу – 675

29 траўня суд Кастрычніцкага раёну Віцебску аштрафаваў на 30 базавых велічынь адміністратарку Тэлеграм-каналу «Краіна для жыцця» Юлію Барсукову ўсяго за адно паведамленне ў чаце. Актывіст Аляксандар Ільінец быў пакараны штрафам у памеры 25 базавых велічынь за ўдзел у сустрэчы з Ціханоўскім 30 красавіка.

29.05.2020 У Еўрапарламенце занепакоеныя рэпрэсіямі ў Беларусі напярэдадні выбараў

Пра гэта гаворыцца ў сумеснай заяве кіраўніка дэлегацыі ЕП па сувязях з Беларуссю Роберта Бедраня і дакладчыка ЕП па Беларусі Пятраса Аўштравічуса.

29.05.2020 Гомель: чатыры пікеты за кандыдытаў адначасова

28 траўня на вуліцы Савецкай ў Гомелі адбыліся пікеты па збору за вылучэнне кандыдатамі ў прэзідэнты Андрэя Дзмітрыева, Святланы Ціханоўскай, Валерыя Цапкала і Віктара Бабарыкі.

29.05.2020 Ніякай канкрэтыкі. Гарадзенскія назіральнікі атрымліваюць адказы на свае звароты

Гарадзенскія праваабаронцы атрымалі адказ з гарвыканкаму на свой ліст пра тэхнічную памылку падчас відэатрансляцыі пасяджэння па фарміраванні раённай ТВК. Праваабаронцы Віктар Сазонаў, Раман Юргель, Андрэй Коця і Святлана Рудкоўская звярталі ўвагу чыноўнікаў на тое, што відэатрансляцыя 19 траўня пасяджэння па пытанні стварэння Ленінскай і Кастрычніцкай раённых камісій па выбарах не адпавядала патрэбным крытэрам.

29.05.2020 Instagram-рэпартаж: як бачаць выбарчую кампанію на Міншчыне

Кампанія "Праваабаронцы за свабодныя выбары” праманіторыла сацыяльную сетку Instagram на прадмет таго, наколькі прэзідэнцкая выбарчая кампанія 2020 года ў Беларусі прадстаўлена ў адной з самых папулярных сацсетак.

29.05.2020 Да 23 тысячаў. Вылучэнцы пачалі выдаткоўваць сродкі на выбарчую кампанію

Згодна з дадзенымі Цэнтральнай выбарчай камісіі некаторыя патэнцыйныя кандыдаты ў прэзыдэнты ўжо пачалі расходаваць сродкі на выбарчую кампанію. Больш за ўсё выдаткаваў на выбарчую кампанію вылучэнец экс-кіраўнік "Белгазпрамбанка" Віктар Бабарыка — больш за 23 тысячаў беларускіх рублёў.

29.05.2020 Штраф за плакат "Выбары без Лукашэнкі і Ярмошынай"

Актывіста Беларускай Хрысціянскай дэмакратыі з Міёраў Сяргея Васільева суд Міёрскага раёна пастанавіў аштрафаваць за ўдзел у несанкцыянаваным масавым мерапрыемстве на суму 135 рублёў.

29.05.2020 Дабраліся і да Жлобіна: суды, штрафы, пратаколы

На жыхарку Жлобіна Маўлюду Цыдранкову складзены пратакол адміністрацыйнага правапарушэння нібыта за ўдзел у антыпарадзе 9 траўня ў Бабруйску.

29.05.2020 Позву ў суд прафсаюзнаму актывісту ўручылі ў грамадскай лазні

Суд Ленінскага раёна Берасця 28 траўня разглядаў адміністрацыйную справу сябра прафсаюза РЭП Аляксандра Куцанка.

28.05.2020 Закрытыя ўстановы – небяспечнасці COVID-19: Стацыянарныя ўстановы сацыяльнага абслугоўвання

Праваабарончы цэнтр "Вясна" запускае серыю публікацый аб распаўсюдзе каранавіруснай інфекцыі COVID-19 у закрытых установах краіны.

28.05.2020 Жыхары Гомеля сталі ў чаргу, каб падпісацца за Святлану Ціханоўскую

Жыхары Гомеля 28 траўня выстраіліся ў чаргу, каб пакінуць подпіс за Святлану Ціханоўскую, якая вылучаецца кандыдатам у прэзідэнта, перадае Радыё Свабода.

28.05.2020 Непоўнагадовым удзельнікам гомельскай акцыі ў падтрымку Ціханоўскага зацікавілася міліцыя

У Гомелі дагэтуль працягваецца пераслед удзельнікаў акцыі салідарнасці з Сяргеем Ціханоўскім, якая прайшла 7 траўня ў цэнтры горада і скончылася масавымі затрыманнямі.

28.05.2020 Абвяшчаем набор назіральнікаў за выбарамі! Запоўні анкету

Кампанія незалежнага назірання «Праваабаронцы за свабодныя выбары» пачынае набор назіральнікаў і назіральніц за галасаваннем падчас прэзідэнцкіх выбараў.