Праваабарончы цэнтр «ВЯСНА»

Навіны за 31 траўня 2020

31.05.2020 Затрыманы Статкевіч. Ягоная жонка піша заяву пра выкраданне

У Мінску 31 траўня каля 12:30 на вуліцы Маякоўскага ў Мінску людзі ў цывільным на мікрааўтобусе заблакавалі машыну жонкі Статкевіча Марыны Адамовіч. У выніку быў затрыманы Мікола Статкевіч. У затрыманні не ўдзельнічаў ні адзін міліцыянт у форме.

31.05.2020 Фотафакт. У Мінску ў чарзе на подпіс сабралося больш за 2100 чалавек

У Мінску 31 траўня на пікеце па збору подпісаў каля "Камароўкі" па стане на 13:20 ў чарзе сабралося больш за 2100 чалавек. Пра гэта паведаміў #ControlBy.

31.05.2020 Ініцыятыўныя групы прэтэндэнтаў на кандыдатаў актывізаваліся ў палескіх раёнах пад канец тыдня

Назіральнікі кампаніі «Праваабаронцы за свабодныя выбары» толькі пад канец тыдня адзначылі ў некаторых гарадах усходняга Палесся заўважную актыўнасць ініцыятыўных групаў па вылучэнні кандыдатаў на прэзідэнта. Пра актыўнае пікетаванне ў чацвер, пятніцу і суботу паведамляюць з Рэчыцы, Мазыра, Светлагорска.

31.05.2020 Начальнік аддзела адукацыі Драгічына збіраў подпісы ў школе за Лукашэнку. Так можна?

У рэдакцыю інтэрнэт-выдання "Першы Рэгіён" звярнуўся жыхар Драгічына, які паведаміў, што начальнік аддзела адукацыі Драгічынскага райвыканкама Дзмітрый Ігнатчык збіраў подпісы за вылучэнне кандыдатам у прэзідэнты Аляксандра Лукашэнкі ў сярэдняй школе №2.

31.05.2020 Вілейскі райвыканкам: "Трэба параіцца, як арганізаваць калектыўны збор подпісаў"

Пра чарговыя парушэнні пры зборы подпісаў вылучэнцам Аляксандрам Лукашэнкам кампаніі "Праваабаронцы за свабодныя выбары" паведамілі з Вілейкі.

31.05.2020 “Астравецкая праўда” агітуе за дзеючага прэзідэнта

29 траўня на сайце “Астравецкай праўды” – інтэрнэт-версіі мясцовай дзяржаўнай газеты – было размешчана інтэрв’ю з кіраўніком Федэрацыі прафсаюзаў Беларусі Міхаілам Ордам, які адначасна з’яўляецца кіраўніком ініцыятыўнай групы цяперашняга прэзідэнта па зборы подпісаў за рэгістрацыю яго кандыдатам.