Праваабарончы цэнтр «ВЯСНА»

Навіны за 15 студзеня 2020

15.01.2020 Амаль на 100 тысяч рублёў аштрафаваны ўдзельнікі акцый за незалежнасць. Заклікаем ім дапамагчы!

Праз пяць дзён пасля старту кампаніі BY_Help для дапамогі рэпрэсаваным за акцыі ў падтрымку незалежнасці ўжо сабрана больш за 18000 долараў. Гэтыя грошы пойдуць на аплату штрафаў і ўтрымання на сутках асуджаных актывістаў.

15.01.2020 Праваабаронцы праінфармавалі спецдакладчыкаў ААН аб пераследзе блогераў

Праваабаронцы “Вясны” падрыхтавалі і накіравалі спецдакладчыкам ААН паведамленні па факту затрыманняў і шматразовых арыштаў блогераў Сяргея Ціханоўскага і Дзмітрыя Казлова.

15.01.2020 Суд над блогерам Маслоўскім: у якасці доказу – дадзеныя ад аператара сеткі МТС

У судзе Фрунзенскага раёна прайшло судовае паседжанне над блогерам Мікалаем Маслоўскім. Той сцвярджае, што яго не было на акцыі у той час, які пазначаны ў пратаколе.

15.01.2020 Беларусь і правы чалавека ў Сусветным дакладзе Human Rights Watch

У сваім 652-старонкавым Сусветным дакладзе – 2020 (30-е выданне) Human Rights Watch прыводзіць агляд сітуацыі з правамі чалавека амаль у 100 краінах, у тым ліку і Беларусі.

15.01.2020 83-гадовага ўдзельніка пратэстаў Яна Грыба аштрафавалі на 60 базавых велічынь

Суд Кастрычніцкага раёна Мінска 15 студзеня аштрафаваў на 810 рублёў 83-гадовага Яна Грыба за ўдзел у пратэстах супраць інтэграцыі Беларусі з Расеяй. Пастанову ад прыцягненні да адміністрацыйнай адказнасці вынесла суддзя Лаўрыновіч. Чакаецца разгляд яшчэ аднаго пратакола.

15.01.2020 Суды за ўдзел за акцыі пратэсту працягваюцца ў Віцебску

Сёння ў ў судзе Чыгуначнага раёна Віцебска плануюцца працэсы над удзельнікамі акцыі за незалежнасць, што прайшла ў Віцебску 29 снежня.

15.01.2020 Блогер “Шэры кот”, якога пакаралі трэці раз арыштым: "Чакайце на майскія"

Блогера Змітра Казлова, вядомага як «Шэры кот», трэці раз запар пакаралі арыштам на 15 сутак за снежаньскія акцыі пратэсту, цытуе Радыё Свабода словы ягонай знаёмай Паліны Сцепаненкі.