Праваабарончы цэнтр «ВЯСНА»

Навіны за 13 студзеня 2020

13.01.2020 Як сядзелі “на сутках” актывісты, якіх арыштавалі за акцыі ў абарону незалежнасці Беларусі

За ўдзел у снежаньcкіх антыінтэграцыйных акцыях адміністрацыйнымі арыштамі па арт.23.34 КаАП пакаралі адзіннаццаць чалавек. Гэтыя людзі публічна выказвалі сваю грамадзянскую пазіцыю за захаванне суверэнітэту Беларусі і рэалізоўвалі права на мірны сход.

13.01.2020 Савет Еўропы ў чарговы раз заклікаў Беларусь увесці мараторый на смяротнае пакаранне

Савет Еўропы ў чарговы раз заклікаў Беларусь увесці мараторый на смяротнае пакаранне, паведамляе TUT.BY. Так афіцыйны прадстаўнік генсакратара Савета Еўропы Даніэль Хольтген адрэагаваў на рашэнне суда прысудзіць да расстрэлу двух братоў Костевых за забойства настаўніцы.

13.01.2020 Блогера Ціханоўскага адпусцілі, каб арыштаваць ў больш зручны момант

Як паведамляецца на сайце "Гомельскай Вясны", на свабоду стваральнік Youtube-канала «Краіна для жыцця» Сяргей Ціханоўскі павінен быў выйсці 11 студзеня, аднак напярэдадні яго даставілі з ІЧУ ў суд, дзе дадалі яшчэ 15 сутак.

13.01.2020 Віцяблян, што выйшлі "за незалежнасць", чакаюць суды

Актывісткі Таццяна Севярынец і Алена Сцяпанава сабралі інфармацыю ў фэйсбуку пра суды над віцеблянамі, што выйшлі ў падтрымку незалежнасці Беларусі і мінскіх актывістаў, што былі прыцягнутыя да адказнасці за ўдзел у несанкцыянаваных мерапрыествах.

13.01.2020 Сітуацыя з правамі чалавека ў Беларусі ў 2019 годзе

Нягледзячы на нязначнае зніжэнне агульнага ўзроўню рэпрэсій у краіне ў параўнанні з папярэднім годам, у Беларусі на працягу 2019 года не адбылося істотных сістэмных зменаў у галіне грамадзянскіх і палітычных правоў, у першую чаргу на заканадаўчым узроўні, накіраваных на якаснае паляпшэнне сітуацыі з правамі чалавека.

13.01.2020 Актывісты і ўдзельнікі акцый супраць інтэграцыі працягваюць атрымліваць пратаколы

У дачыненні да сябра Партыі БНФ Іллі Дабратвора складзены пратакол правапарушэння па ч.1 арт. 23.34 КаАП за ўдзел у акцыі супраць інтэграцыі з Расіяй 20 снежня.

13.01.2020 Міхаіл Жамчужны: Лісты з волі цяпер – на вагу золата

У апошнім па часе лісце да віцебскіх праваабаронцаў палітвязень Міхаіл Жамчужны выказвае меркаванне, што грамадства губляе цікавасць да яго, паведамляецца на сайце "Віцебскай Вясны". Моцная плынь карэспандэнцыі, якую атрымліваў годам раней, ператварылася ў рэдкія лісты.

13.01.2020 ЕС асудзіў новыя смяротныя прысуды ў Беларусі

Еўрапейскі саюз заклікае Беларусь увесці мараторый на смяротнае пакаранне як першы крок да яго поўнай адмены, гаворыцца ў заяве Еўрапейскай службы знешніх сувязяў, зробленым пасля вынясення ў Беларусі двух новых сьмяротных прысудаў.

13.01.2020 31 студзеня будзе зацверджаны яшчэ адзін смяротны прысуд?

Судовая калегія па крымінальных справах Вярхоўнага суда 31 студзеня разгледзіць апеляцыйную скаргу асуджанага да смяротнага пакарання Віктара Сергіля.