Праваабарончы цэнтр «ВЯСНА»

Навіны за Ліпень 2019

10.07.2019 Праваабаронцы прэзентавалі ўнікальную фотавыставу пра Курапаты. Вялікі фотарэпартаж

На мінскай пляцоўцы “Тэрыторыя правоў” 9 ліпеня была прэзентаваная ўнікальная фотавыстава “Курапаты, Дзяды-1989. 30-ыя ўгодкі шэсця і ўсталявання Крыжа Пакуты”. У аснову выставы былі пакладзеныя працы вядомага беларускага фатографа Уладзіміра Сапагова.

10.07.2019 Андрэй Палуда: Адмена смяротнай кары патрэбна ў першую чаргу не нашай дзяржаве, а кожнаму беларусу асабіста

"Беларускі партызан" падрыхтаваў вялікае інтэрв'ю з праваабаронцам "Вясны" Андрэем Палудай і знайшоў адказ на пытанне, чаму адмена смяротнага пакарання патрэбна кожнаму беларусу.

09.07.2019 У Мазырскай калоніі да канца года 40 чалавек асудзяць па 411 артыкуле?

У ПЦ "Вясна" звярнуўся асуджаны Сяргей Вараў, які адбывае пакаранне ў ПК №20 г. Мазыра са снежня 2018 года. У лісце ён апісвае сітуацыю, якая склалася з ім у сценах пенітэнцыярнай установы, і просіць праваабаронцаў прыцягнуць увагу да беззаконных дзеянняў і свавольству ў дачыненні да асуджаных з боку адміністрацыі калоніі.

09.07.2019 У Ганцавічах затрымалі журналістаў «Белсату»

У Ганцавічах дзевятага ліпеня падчас здымак перадачы «Белсат едзе ў Ганцавічы» міліцыянты затрымалі журналістаў тэлеканалу. Затрыманыя журналіст Ігар Кулей, аператары Сяргей Кавалёў і Максім Гарчанок.

09.07.2019 У Віцебскім аблсудзе працягваецца працэс, на якім могуць вынесці смяротны прысуд

У Віцебскім абласным судзе працягваецца слуханьне рэзананснай справы, распачатай у дачыненні да жыхара Віцебскага раёну Віктара Паўлава. Яго абвінавачваюць у жорсткім забойстве дзвюх пенсіянерак у вёсцы Прысушына.

09.07.2019 Свабода сходаў без дыскрымінацыі. У Вене праходзіць круглы стол БДІПЧ АБСЕ

Беларусь на круглым стале прадстаўляюць праваабаронца ПЦ "Вясна" Наталля Сацункевіч і юрыст Беларускага Хельсінкскага камітэта Зміцер Чарных.

09.07.2019 Суд пасля перагляду справы зноў аштрафаваў мужчыну за пост у сацсетках

Суд Цэнтральнага раёна г. Гомеля ў парадку перагляду справы зноў аштрафаваў жыхара абласнога цэнтра Аляксандра Іванова за распаўсюд экстрэмісцкіх матэрыялаў (артыкул 17.11 КаАП). У гэты раз суддзя Сяргей Кармановіч прысудзіў яму штраф у памеры 5 базавых велічыняў (127, 50 руб.), паменшыўшы яго ўдвая.

09.07.2019 Палітвязень Міхаіл Жамчужны не патрапіў пад амністыю

Міхаіл Жамчужны марыў выйсці на волю па амністыі, якая ў гэтым годзе была прымеркаваная да 75-годдзя вызвалення краіны, але пакаранні з яго так і не знялі.

09.07.2019 Суд па экстрэмізму над «Вечерним Могилевом» перанеслі

Суд Ленінскага раёна г. Магілёва 8 ліпеня пачаў разгляд адміністрацыйнай справы рэдакцыі газеты «Вечернего Магілёва» па арт. 17.11 КаАП (Распаўсюд і выраб інфармацыйнай прадукцыі, якая змяшчае заклікі да экстрэмісцкай дзейнасці ці прапагандуе такую дзейнасць).

09.07.2019 Крымінальная справа ў дачыненні да блогера Аляксандра Кабанава спынена

Стала вядома, што Беразоўскі раённы аддзел Следчага камітэта спыніў крымінальную справу ў дачыненні да блогера Аляксандра Кабанава. Яго падазравалі ў прысваенні і растраце больш за 400 рублёў (ч. 1 арт. 211 Крымінальнага кодэкса), якія ён атрымаў ад жыхароў дома, у якім жыве.

09.07.2019 Праваабарончая праграма "Вясна" на Беларускім Радыё Рацыя

Праваабарончы слоўнік: Намеснік дырэктара Офіса па правах людзей з інваліднасцю Міхаіл Мацкевіч тлумачыць, чаму замест слова “інвалід” трэба выкарыстоўваць “чалавек з інваліднасцю”.

08.07.2019 Грэка-католікам выставілі рахунак за пілігрымку. Яна адмененая

9 ліпеня павінна была распачацца пілігрымка вернікаў-уніятаў з Віцебску ў Полацак, прысвечаная памяці святога Язафата Кунцэвіча і полацкіх пакутнікаў, забітых за веру.

08.07.2019 Алена Маслюкова: «На жаль, Вярхоўны суд не стаў на бок правоў чалавека»

Праваабаронца «Вясны» Алена Маслюкова і экаактывіст са Светлагорску Анатоль Змітровіч атрымалі ад Вярхоўнага суда адмову ў задавальненні скаргаў на рашэнні Светлагорскага раённага суда, якімі іх аштрафавалі на падставе ч. 2 арт. 23.34 КаАП (арганізацыя несанкцыянаванага масавага мерапрыемства).

08.07.2019 Анархіста аштрафавалі за ўлёткі на 50 базавых велічынь

Суд Фрунзенскага раёна ў канцы чэрвеня прыняў рашэнне падвергнуць актывіста анархісцкага руху Г. адміністрацыйнаму спагнанню ў выглядзе штрафу ў памеры 50 базавых велічынь.

08.07.2019 Палата прадстаўнікоў ухіляецца ад папярэджання фальсіфікацый выбараў

Праваабаронца са Смаргоні Алесь Дзергачоў звярнуўся ў Палату прадстаўнікоў з прапановай унесці змены ў Выбарчы кодэкс, аднак у ніжняй палаце парламенту вырашылі папросту пакінуць яе без разгляду.