Праваабарончы цэнтр «ВЯСНА»

Навіны за 20 чэрвеня 2019

20.06.2019 Апеляцыйная скарга Пятра Кучуры будзе разгледжана ў судзе

Больш за тры месяцы спатрэбілася жонцы зняволенага ПК №15 Людміле Кучура, каб дамагчыся захавання права яе мужа на абскарджанне дысцыплінарных спагнанняў, паведамляе Беларускі дакументацыйнага цэнтр.

20.06.2019 За пікет супраць забруджвання Дзітвы — па 10 базавых

Лідскі суд аштрафаваў 20 чэрвеня сябраў Руху «За Свабоду» Вітольда Ашурка і Сяргея Пантуса на 255 рублёў кожнага, паведамляе pyx.by. Яны выйшлі да райвыканкама з плакатам «Мёртвая Дзітва», каб прыцягнуць увагу да праблему забруджвання ракі.

20.06.2019 Права на прытулак павінна быць у кожнага. У свеце адзначаецца Дзень бежанцаў

У 2000 годзе Генеральная Асамблея ААН абвясціла 20 чэрвеня Сусветным днём бежанцаў.

20.06.2019 Анаіс Марэн праінфармуе Савет па правах чалавека ААН аб сітуацыі з правамі чалавека ў Беларусі

Савет па правах чалавека Арганізацыі Аб'яднаных Нацый правядзе сваю сорак першую чарговую сесію з 24 чэрвеня па 12 ліпеня 2019 года ў Жэневе.

20.06.2019 Журналістка: "Усё ж, здаецца, высветлілі. Навошта ламіцца ў дзверы?"

Журналістка Любоў Лунёва 19 чэрвеня паведаміла пра інцыдэнт, які нядаўна адбыўся з ёй і супрацоўнікамі міліцыі. У доме, дзе яна жыве, міліцыянты выбілі дзверы тамбура, ламаліся ў дзверы кватэры, апыталі суседзяў, а калі даведаліся, што яе няма дома, патэлефанавалі ёй і ветліва пагутарылі наконт акрэдытацыі.

20.06.2019 Смаргонскі праваабаронца звярнуўся ў Палату прадстаўнікоў з нагоды хібаў у Выбарчым кодэксе

Праваабаронца са Смаргоні Алесь Дзергачоў звярнуўся ў Палату прадстаўнікоў з прапановай аб ухіленні супярэчнасці паміж артыкуламі 13 і 78 Выбарчага кодэкса, каб выключыць фальсіфікацыю выбараў на ўзроўні раённых і абласных выбарчых камісій.

20.06.2019 Сайт пра правы чалавека ў Магілёве запускае новы падкаст-праект

Сайт пра правы чалавека ў Магілёве запускае новы аўдыё-праект, у якім журналісты будуць абмяркоўваць усе хвалюючыя чытачоў пытанні.

20.06.2019 Улады Беларусі пракаментавалі ў ААН скаргу "безгалосага мужчыны, які гучна крычаў"

Урад Беларусі адрэагаваў на скаргу прадстаўніка незалежнага прафсаюза РЭП у Гомельскім рэгіёне Віктара Казлова, зарэгістраваную ў Камітэце ААН па правах чалавека (№3308/2019). На міжнародным узроўні беларускія чыноўнікі заявілі аб непрымальнасці скаргі, так як заяўнік не абскарджваў пастанову суда ў пракурорскіх інстанцыях.

20.06.2019 Беларусь увайшла ў катэгорыю краін, дзе працоўным не гарантуецца захаванне іх правоў

У справаздачы па індэксе Міжнароднай канфедэрацыі прафсаюзаў гаворыцца, што ў Беларусі «ўлады працягвалі рэпрэсаваць незалежныя прафсаюзы, пераследуючы і прыгаворваючы прафсаюзных лідараў па сфабрыкаваных абвінавачваннях».