Праваабарончы цэнтр «ВЯСНА»

Навіны за 21 сакавіка 2018

21.03.2018 Хваля затрыманняў перад Днём Волі: Уладзімір Някляеў, Вячаслаў Сіўчык, Максім Вінярскі

21 сакавіка, напярэдадні Дня Волі, у Мінску пачаліся затрыманні палітычных актывістаў. Праваабарончы цэнтр "Вясна" сочыць за сітуацыяй. Інфармацыя будзе дапаўняцца.

21.03.2018 Мужчыне, збітаму міліцыянтамі мінулым летам, пагражае 4 гады “хатняй хіміі”

Жыхар пасёлку Сасновы бор Дзяржынскага раёна Васіль Белькін у сваім доме стаў ахвярай міліцэйскага гвалту. Апошнія паўгады ён дамагаўся ўзбуджэння крымінальнай справы супраць міліцыянтаў, але беспаспяхова. Затое іншая крымінальная справа за гвалт у дачыненні да міліцыянтаў і іх абразу, якую Следчы камітэт завёў супраць Васіля, дайшла да суда.

21.03.2018 “Вясна-2017”: “Адчуванне драматычнасці гісторыі, падмацаванае фатаздымкамі, склала аснову кнігі”

Праваабаронцы «Вясны» 21 сакавіка прэзентавалі фотаальбом з аднаіменнай назвай, прысвечаны леташнім падзеям.

21.03.2018 Віцебск: Улады адказалі адмовай на заяўку наконт шэсця 25 сакавіка, а на мітынг - няма грошай

Для ўручэння афіцыйнага адказу заяўнік масавага мерапрыемства, актывіст Беларускага нацыянальнага кангрэсу Уладзімер Кійко быў запрошаны ў адміністрацыю Кастрычніцкага раёну Віцебска.

21.03.2018 Як прэсуюць у Магілёўскай калоніі №15: поўная ізаляцыя і пагроза новага тэрміну для Пятра Кучуры

Асуджаны Пётр Кучура, які адбывае пакаранне ў Магілёўскай папраўчай калоніі № 15, цягам двух тыдняў атрымаў ад адміністрацыі ўстановы 3 спагнанні. Цяпер яго можа чакаць альбо перавод у турму, альбо ўзбуджэнне крымінальнай справы па арт. 411 Крымінальнага кодэксу.

21.03.2018 Каб судзіць журналіста, міліцыя падрабіла дакументы

Журналіста Алеся Ляўчука судзілі са шматлікімі парушэннямі закону, але суддзя Маскоўскага раёну Берасця Раман Карабан усё роўна прысудзіў журналісту штраф у 25 базавых велічыняў.