Праваабарончы цэнтр «ВЯСНА»

Навіны за Студзень 2018

10.01.2018 Навошта прадстаўнікі апазіцыі звяртаюцца ў суды, якім не давяраюць?

У раённых судах Мінска адбыліся пасяджэнні па абскарджванні неўключэння прадстаўнікоў апазіцыйных партый ва ўчастковыя выбарчыя камісіі. Ніводная скарга не задаволеная. Аднак у прадстаўнікоў апазіцыі ёсць свае матывы для зваротаў у суды пры загадзя зразумелых выніках.

10.01.2018 Міліцыя збіла бацьку на вачах дзяцей

Як паведамляе Белсат, Аляксея Шасцерыка з Хойнікаў супрацоўнікі міліцыі збілі на вачах яго дзяцей і затрымалі за тое, што ён заступіўся за незнаёмага мужчыну.

10.01.2018 На Бярозаўшчыне падвялі вынікі рэгістрацыі кандыдатаў

У акруговую выбарчую камісію Бярозаўскай выбарчай акругі №24, куды ўваходзіць большая частка горада Бярозы, пададзены дакументы ад трох прэтэндэнтаў у кандыдаты.

10.01.2018 Леанід Кулакоў: Калі ў камерах ЦІПа не дазваляюць асадкі і паперу – звярнуцца ў суд немагчыма

Мінгарсуд: Выкладзеныя ў скарзе довады, нібыта аб адсутнасці магчымасці пры адбыцці адміністратыўнага арышту ў ЦІП ГУУС Мінгарвыканкама карыстацца пісьмовымі прыналежнасцямі і паведаміць суду аб прычынах, якія першкаджаюць яўцы на судовае паседжанне, з’яўляюцца неабгрунтаванымі”.

10.01.2018 Праваабаронцу Аюба Ціціева абвінавачваюць у захоўванні наркотыкаў, Front Line Defenders выступіла ў яго абарону

У дачыненні да затрыманага раніцай 9 студзеня кіраўніка прадстаўніцтва ПЦ "Мемарыял" у Чачэнскай Рэспубліцы Аюба Ціціева распачалі крымінальную справу па артыкуле 228 КК РФ - «захоўванне наркотыкаў».

10.01.2018 У Гродна незалежнаму назіральніку дазволілі азнаёміцца з дакументамі вылучэнцаў

Назіральнік кампаніі “Праваабаронцы за свабодныя выбары” Раман Юргель паведаміў, што ўпершыню за шмат гадоў яму было дазволена азнаёміцца з дакументамі і сабранымі подпісамі вылучэнцаў у кандыдаты ў дэпутаты Гарадзенскага абласнога Савету дэпутатаў па адной з выбарчых акруг.

10.01.2018 Сход пра сходы адбудзецца 15 студзеня ў Мінску

Валанцёрская служба Праваабарончага цэнтру “Вясна” запрашае на сустрэчу пра мірныя сходы ў Беларусі і яшчэ 10 краінах свету – 15 студзеня (панядзелак) з 18:20 у Мінску.

10.01.2018 Гомель: Заяву назіральніка аб жаданні прысутнічаць пры праверцы подпісаў камісія сустрэла насцярожана

Назіральнік з Гомеля Віктар Адзіночанкав яшчэ перад паседжаннем падаў заяву ў Пушкінскую акруговую камісію аб магчымасці прысутнічаць пры праверцы подпісаў. На пасяджэнні АВК ён яшчэ раз нагадаў камісіі аб сваім намеры, але канкрэтна высветліць, калі будуць правярацца подпісы не ўдалося.

09.01.2018 Затрыманы кіраўнік прадстаўніцтва ПЦ "Мемарыял" у Грозным Аюб Ціціеў

Як паведамляе Праваабарончы цэнтр "Мемарыял", раніцай 9 студзеня па дарозе на працу быў затрыманы кіраўнік грозненскага офіса Аюб Ціціеў.

09.01.2018 Валянцін Стэфановіч паўторна звярнуўся ў ЦВК: Праверку па маёй заяве правялі фармальна і няпоўна

“Няпоўнай і фармальнай” праваабаронца Валянцін Стэфановіч лічыць праверку, якую правяла Мінская гарадская выбарчая камісія па ягоным звароце ў ЦВК. Зварот тычыўся магчымага фінансавання з боку БРСМ удзелу студэнтаў у перадвыбарчых пікетах і прадстаўлення ім вызвалення ад заняткаў.

09.01.2018 Партыя БНФ абскардзіць неўключэнне сваёй вылучэнкі ў Бярозаўскую УВК

Тамара Шчапёткіна - адзіная прадстаўніца БНФ, якая не трапіла ў УВК у Бярозаўскім раёне.

09.01.2018 Праваабарончая праграма "Вясна" на Беларускім Радыё Рацыя

“Час выбараў”: Эксперты кампаніі “Праваабаронцы за свабодныя выбары” Валянцін Стэфановіч і Павел Сапелка падсумоўваюць вынікі ўжо праведзеных этапаў сёлетняй выбарчай кампаніі ў мясцовыя Саветы дэпэтатаў.

08.01.2018 Светлагорцы просяць экалагічную інспекцыю абараніць іх ад выкідаў новага хімічнага завода

Жыхары Светлагорска і бліжэйшай вёскі Якімава Слабада звярнуліся з калектыўнай скаргай у раённную інспекцыю прыродных рэсурсаў і навакольнага асяроддзя. Пра гэта ў сацыяльных сетках паведаміла праваабаронца Алена Маслюкова.

08.01.2018 Другая дадатковая праверка па заяве Галіны Лагацкай вынікаў не прынесла

Следчы камітэт па Маскоўскаму раёну г. Мінска правеў дадатковую праверку па факту збіцця актывісткі Галіны Лагацкай супрацоўнікамі Маскоўскага РУУС у другі раз, аднак усё адно адмовіў ва ўзбуджэнні крымінальнай справы супраць службовых асобаў.

07.01.2018 «Молісься, каб толькі нічога зь ім ня здарылася», — жонка асуджанага на 18 гадоў менчука-інваліда

Новы 2018-ы стаў чатырнаццатым годам, які сям’я асуджанага Пятра Кучуры сустракае без свайго мужа ды бацькі. За час зьняволеньня Пётра Кучура зьмяніў некалькі турэмных устаноў. Цяпер яго ўтрымліваюць у папраўчай калёніі № 15 у Магілёве. Жонка Пятра ўсе гэтыя гады рэгулярна і беспасьпяхова наведвае розныя высокія інстанцыі, спрабуючы аспрэчыць несправядлівы, як яна лічыць, вырак мужу, распавядае “Свабода”.