Праваабарончы цэнтр «ВЯСНА»

Навіны за 24 верасьня 2013

24.09.2013 Баранавічы: за гвалтоўныя дзеянні адносна вучаніцы 4-га класа на працягу тыдня прабачэння не папрасілі

Настаўніца музыкі СШ № 14 прымяніла гвалтоўныя дзеянні да вучаніцы адзінага ў горадзе беларускамоўнага 4-га класа Ясі Малашчанка за нежаданне слухаць афіцыйны гімн. Маці дзяўчынкі Таццяна Малашчанка паведаміла, што інцыдэнт здарыўся яшчэ 13 верасня.

24.09.2013 Павіншуй палітвязня з Днём народзінаў!

Зняволенаму старшыні Праваабарончага цэнтра “Вясна”, віцэ-прэзідэнту Міжнароднай федэрацыі за правы чалавека Алесю Бяляцкаму 25 верасня спаўняецца 51 год. Ад 4 жніўня 2011 года праваабаронца знаходзіцца за кратамі, спачатку ў следчым ізалятары ў Менску, затым у Жодзінскай турме №8 і ў Бабруйскай папраўчай калоніі №2.

24.09.2013 Абсерваторыя па абароне праваабаронцаў асуджае канфіскацыю кнігі Алеся Бяляцкага

Абсерваторыя па абароне праваабаронцаў распаўсюдзіла тэрміновы зварот, у якім асуджае канфіскацыю кнігі Алеся Бяляцкага "Асьвечаныя Беларушчынай" і патрабуе адмяніць рашэнне аб прызначэнні мытнай экспертызы выдання.

24.09.2013 Валянцін Стэфановіч: ЛПП - гэта турма без прысуду

Праваабаронца пракаментаваў накіраванне былога палітвязня Васіля Парфянкова на год у лячэбна-працоўны прафілакторый (ЛПП).

24.09.2013 Віншаванні з Днём нараджэння Ігару Аліневічу і Алесю Бяляцкаму даслалі з Бялыніцкага раёна

Грамадскія актывісты з Бялыніцкага раёна пастаянна заклікаюць мясцовых жыхароў да праяўлення салідарнасці з беларускімі палітвязнямі. Любы жадаючы напісаць некалькі слоў у падтрымку палітвязняў можа атрымаць паштоўкі ў краме бялыніцкага актывіста, сябра Партыі БНФ Мікалая Мяцеліцы.

24.09.2013 За цыганоў ніхто не заступіўся

Сем сем’яў жлобінскіх цыганоў, выселеных да «Дажынак» з прыгараднай вёскі Лебядзёўка, разьехаліся па рэгіёне. Ніякай кампэнсацыі ад уладаў за разбураныя й закапаныя ў дол дамы яны не атрымалі.

24.09.2013 Палітвязню Аліневічу сёння споўнілася 30 гадоў

24 верасня анархіст-палітвязень Ігар Аліневіч святкуе — відаць, за чаем — свой 30-ы дзень нараджэння.

24.09.2013 Жанчына, якую вінавацяць у выбуху ў Віцебску: Я хацела пасеяць паніку між супрацоўнікаў КДБ

Абвінавачаная ў здзяйсненні выбуху ў лістападзе 2012 г. каля будынка КДБ у Віцебску 42-гадовая мясцовая жыхарка прызнала сваю віну ў судзе і распавяла аб матывах, якія штурхнулі яе на ўчынак.

24.09.2013 Святары абмяркоўваюць тэму смяротнага пакарання

Смяротнае пакаранне абмяркоўваюць у Менску каталіцкія, праваслаўныя ды пратэстанцкія святары. Нават святарам ёсць пра што дыскутаваць, адзначыла ў нашым эфіры прадстаўніца Беларускага Хельсінскага камітэту Юлія Хлашчанкова.

24.09.2013 Праваабарончая праграма “Людзьмі звацца!” на Беларускім Радыё Рацыя

"Падзея тыдня": палітвязень Мікалай Аўтуховіч перайшоў да скрайніх метадаў выказвання пратэсту супраць здзекаў з боку адміністрацыі турмы. "Асоба. Дзяржава. Грамадства": госць рубрыкі - мінчанка Ірына Мірановіч, сястра памерлага ў мінскім СІЗА-1 Ігара Пцічкіна, якая была затрыманая ў дзень памяці брата.

24.09.2013 Салігорск: у новай школе сэканомілі на безбар'ерным асяродку

Напачатку навучальнага года ў сталіцы шахцёраў у прысутнасці вышэйшага гарадскога ды абласнога чынавенства адбылося пампезнае адкрыццё новай школы. На вялікі жаль, за кадрамі шматлікіх фота і відэакамер дзяржаўных медыяў засталося пытанне наяўнасці безбар’ернага асяродку ў найсучаснейшай адукацыйнай установе рэгіёну.

24.09.2013 Баранавічы: Следчы камітэт не рэагуе на незаконныя дзеянні супрацоўніка міліцыі

Актывіст свабоднага прафсаюза РЭП Аляксандр Вайцешык атрымаў з Баранавіцкага міжраённага аддзела Следчага камітэту РБ пастанову аб адмове ва ўзбуджэнні крымінальнай справы супраць супрацоўніка міліцыі Парашкова А.М. па факце бяздзеяння ў пытанні рэгістрацыі заявы, якая паступіла ад яго па лініі “102”.