Праваабарончы цэнтр «ВЯСНА»

Навіны за Травень 2013

21.05.2013 У Магілёве БСДП пачала судзіцца з начальнікам інтэрнатаў “Магілёўаблсельбуда”

Нагодай для гэтага стала публічнае выказванне Паўла Шышова ў СМІ аб тым, што партыя з’яўляецца “бандай”. Павел Шышоў таксама звольніў за палітыку актывіста БСДП Мікалая Залознага. На дадзены момант ён спрабуе выселіць яго з інтэрната.

21.05.2013 Прызначана касацыя па справах Ярашэвіча і Галко

Як стала вядома прэс-службе ГА “БАЖ”, касацыйны разгляд адміністратыўных спраў адбудзецца ў аўторак, 21 мая, у Мінскім гарадскім судзе а 15.00.

21.05.2013 Глыбокае: камісія вызначыць пакараньне за «Пагоню»

У Глыбоцкім райвыканкаме адбудзецца пасяджэньне адміністрацыйнай камісіі, на якое выкліканы жыхар пасёлка Падсьвільле Мар’ян Місевіч. Яго вінавацяць у парушэньні «архітэктурнага рашэньня» шматпавярховіка, дзе ён жыве — за тое, што размаляваў гаўбец пад нацыянальны сьцяг ды прымацаваў «Пагоню».

21.05.2013 Юрый Зісер: Tut.by дае Аператыўна-аналітычнаму цэнтру доступ да пошты карыстальнікаў

Па яго словах, любая арганізацыя, уключаючы інтэрнэт-правайдараў, абавязаная падаваць інфармацыю на канкрэтныя асоб, калі ёсць адпаведныя заканадаўству запыты праваахоўнікаў. Колькасць канкрэтных запытаў Зісер не назваў.

21.05.2013 Баранавіцкія чыноўнікі не збіраюцца уводзіць плату за наведванне паліклінік

Як паведаміў лідэр брэсцкіх сацыял-дэмакратаў Ігар Маслоўскі, сам спадар Дзічкоўскі не адрэагаваў на зварот актывістаў кампаніі, але яго намеснік у сваім адказе паведміў, што рашэнне, якое б прыводзіла да зменаў у працы медыцынскіх установаў горада, гарвыканкамам не прымалася.

21.05.2013 Гомель: праваабаронца заявіў пазоў у суд на карысць работніцы БМЗ, каб спагнаць з яе працадаўцы пенсію

Праваабаронца Леанід Судаленка падрыхтаваў і падаў пазоў у суд Жлобінскага раёну на карысць работніцы Беларускага металургічнага завода (БМЗ) Марыі Міраеўскай з патрабаваннем спагнаць з яе працадаўцы пенсію больш чым за чатыры гады.

21.05.2013 Эдуард Лобаў меў доўгатэрміновае спатканне з маці і братам

У Івацэвіцкай калоніі №22 адбылася сустрэча палітзняволенага маладафронтаўца Эдуарда Лобава з маці і братам Уладам. Сустрэча працягвалася трое сутак. Па словах Марыны Лобавай, настрой у сына добры.

21.05.2013 Людзі Плошчы

У Варшаве прайшла прэзентацыя кнігі Аляксандра Тамковіча пра палітвязняў «Жыццё пасля турмы».

21.05.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: крокі прадстаўнікоў грамадзянскай супольнасці, выкліканыя адмаўленнем беларускай дзяржавы выконваць міжнародныя абавязацельствы, узятыя на сябе ў межах супрацоўніцтва з Арганізацыяй Аб’яднаных Нацый. Госця рубрыкі "Асоба. Дзяржава. Грамадства" - Анастасія Матчанка, кіраўніца праекту “Назіранне за выбарамі: тэорыя і практыка”.

20.05.2013 Чарговы смяротны прысуд. Падумайце пра гэта!

"Новы смяротны прысуд не выклікаў вялікага рэзанансу ў краіне, пра яго ўзгадалі хіба некалькі незалежных выданняў і праваабаронцы. Праваабаронцам ужо вядома прозвішча прыгаворанага – Юзэпчук. Але хто адкажа мне, у чым цяпер сэнс забойства самога Язэпчука? Як гэтае забойства паўплывае на змяншэнне ўзроўню злачынстваў супраць асобы ў краіне? Атрымліваецца, што цяпер дзяржава сыграла ў даміно з самім Юзэпчуком, толькі ў яго няма шанцаў выйграць у гэтай гульні. Такое ж бессэнсоўнае, хладнакроўнае забойства, якое не мае нічога агульнага з правасуддзем і справядлівасцю", - піша Валянцін Стэфановіч.

20.05.2013 Беларусы пішуць у ААН: трэба прымаць захады

Група беларусаў зьвярнулася ў Камітэт ААН па правах чалавека з заявай, у якой заклікае ААН прымусіць улады краіны выконваць міжнародныя абавязацельствы.

20.05.2013 Салігорск: Забарону пікету да Дня Волі абскарджваюць у абласным судзе

На пачатку траўня суд Салігорскага раёна не задаволіў скаргу актывіста на рашэнне мясцовых чыноўнікаў аб забароне пікета. Некалькі дзён назад Уладзімір Шыла атрымаў матывацыйную частку да гэтага рашэння ды адразу ўзяўся за падрыхтоўку касацыйнай скаргі.

20.05.2013 Хоцімскія актывісты “Гавары праўду” накіравалі лісты падтрымкі палітвязням

Хоцімскія актывісты “Гавары праўду” 20 траўня напісалі і адправілі лісты падтрымкі беларускім палітзняволеным Алесю Бяляцкаму, Эдуарду Лобаву, Мікалаю Статкевічу, Паўлу Севярынцу, Зміцеру Дашкевічу, Мікалаю Аўтуховічу і інш.

20.05.2013 Віцебск: Чыгуначнаму райсуду рашэнне Камітэта ААН – не аўтарытэт

Паводле рашэння Камітэту, беларускія ўлады абавязаныя выплаціць кампенсацыю. І спадарыня Піванос падала пазоў на Міністэрства фінансаў Беларусі і патрабавала кампенсаваць ёй 7 мільёнаў рублёў: вышыванку яна ацаніла ў 5 мільёнаў, яшчэ 2 мільёны - у якасці кампенсацыі маральнай шкоды ды судовых выдаткаў.

20.05.2013 У Бярозе з’явіліся ўлёткі “Свабоду Бяляцкаму” (фота)

Так адрэагавалі неабыякавыя грамадзяне на ціск на старшыню Праваабарончага цэнтра “Вясна” Алеся Бяляцкага, які знаходзіцца ў зняволенні ў калоніі №2 г.Бабруйску. Праваабаронцу да жніўня забаранілі харчовыя перадачы, яшчэ раней ён быў пазбаўлены спатканняў са сваякамі.