Праваабарончы цэнтр «ВЯСНА»

Навіны за Верасень 2012

23.09.2012 Жлобін: назіральніка абвінавацілі ва ўзломе сейфа

Кароткатэрміновага назіральніка ад партыі “Справялівы свет” Алега Кастусёва выдалілі з участка для галасавання №14 Жлобінскай выбарчай акругі, абвінаваціўшы ва ўмяшанні ў працу камісіі і ўзломе сейфа, у якім знаходзіліся бюлетэні з датэрміновага галасавання.

23.09.2012 Орша: выбаршчыкаў ўключаюць у спісы для галасавання на даму без іх ведама

З дзесяці чалавек, да якіх заехалі сябры камісіі № 8 Аршанскай гарадской акругі № 26 з урнай для галасавання, толькі адзін пацвердзіў, што звяртаўся ў камісію з падобнай просьбай. А адзін з выбаршчыкаў зусім адмовіўся галасаваць і выгнаў няпрошаных сябраў камісіі з кватэры.

23.09.2012 Магілёў: у інтэрнаце №17 галасуюць і без пашпартоў

Камендантка інтэрната №17, што на Віцебскім праспекце, 19, абыходзіць пакоі жыльцоў і патрабуе, каб яны прыйшлі на ўчастак і прагаласавалі - нават калі не маюць пры сабе дакументаў. Пра гэта распавядаюць самі жыльцы інтэрната.

23.09.2012 Гомель: пасажыраў грамадскага транспарту запрашаюць на выбары праз кожны прыпынак

У Гомелі 23 верасня пасажыры, напрыклад, гарадскога аўтобуса №34 увесь час паездкі вымушаны слухаць заклікі «прыйсці на выбары і выканаць свой грамадзянскі абавязак». Прычым рэклама выбараў гучыць праз кожны прыпынак.

23.09.2012 Магілёў: міліцыянер адмовіўся выдаляць назіральніцу з участку

У Магілёве на выбарчым участку №46 міліцыянер адмовіўся выдаляць назіральніцу Ларысу Шукайлу. Яе выдалілі толькі пасля таго, як на выбарчым участку з’явіўся начальнік аддзела прафілактыкі Кастрычніцкага РАЎС Магілёва Сяргей Далінін.

23.09.2012 Гомель: назіральнік з Германіі папракае місію АБСЕ ў няведанні выбарчага права

Франц Массер назірае за выбарамі ў Гомелі аж з 2004 года. І за гэтыя гады ён ні разу не меў ніводнай заўвагі да выбарчага працэсу. Наадварот – толькі хваліў беларускія выбары. На мінулых выбарах назіральнік выказваўся, што «большасць немцаў марылі бы мець такія ж дэмакратычныя правы, якія ёсць у беларусаў».

23.09.2012 Бабруйск: плакаты праўладных кандыдатаў дамінуюць на ўчастках

Назіральнік Аляксандр Леаненка, які працуе на выбарчых участках № 22 і 23 па Бабруйскай Сельскай акрузе, падаў дзве скаргі, у АВК і ЦВК, у якіх указвае на парушэнні ў размяшчэнні агітацыйных матэрыялаў.

23.09.2012 Орша: падлікі назіральнікаў па яўцы на датэрміновае галасаванне адрозніваюцца ад афіцыйных

Інфармацыя адносна яўкі выбаршчыкаў у дні датэрміновага галасавання, якая паступае ад незалежных назіральнікаў з шэрагу выбарчых участкаў, адрозніваецца ад інфармацыі ў пратаколах выбаркамаў.

23.09.2012 БРСМ збіраецца складаць акты на міжнародных назіральнікаў

Адразу з некалькіх выбарчых участкаў у Оршы паступіла інфармацыя пра тое, што назіральнікі ад БРСМ маюць пры сабе памяткі, як паводзіць сябе на выбарчым участку.

23.09.2012 Фотакарэспандэнта «КП» затрымалі на 3 гадзіны за тое, што адмовіўся выдаліць зробленыя на выбарчым участку фота

Інфармацыя пра інцыдэнт, які адбыўся на ўчастку №704 (Партызанская выбарчая акруга, г. Мінск), прагучала на прэс-канферэнцыі Цэнтравыбаркама 23 верасня ад журналісткі гэтага выдання Ірыны Козлік, паведамляе прэсавая служба БАЖ.

23.09.2012 У Гомель зноў прыехаў штатны «незалежны назіральнік» Ленгфельдэр

Эдмунт Ленгфельдэр, дырэктар Інстытута радыялогіі імя Ота Хуга (Мюнхен), падчас прэзідэнцкіх выбараў 2010 заяўляў, што "размовы пра фальсіфікацыі – поўная лухта”, а “выбары ў Беларусі абсалютна празрыстыя”. Дэмакратычнымі называў "незалежны назіральнік" і выбары ў парламент у 2008 годзе.

23.09.2012 Бабруйск: брыгады настаўнікаў пайшлі запрашаць на выбары

Па кватэрах на вуліцы Кастрычніцкай і Леніна ходзяць брыгады з трох чалавек і прадстаўляюцца настаўнікамі гімназіі №2. Яны настойліва просяць бабруйчан пайсці прагаласаваць, хоць бы і супраць усіх. З’явілася інфармацыя, што супрацоўнікаў райвыканкама занепакоіла нізкая яўка выбаршчыкаў, і яны вырашылі ўзяць выбаршчыкаў настойлівасцю.

23.09.2012 Адключаны сайт руху «За свабоду» і сайт кантролю яўкі

У 12.20 былі адключаны сайт руху «За Свабоду» і сайт кантролю яўкі на байкотнай Фрунзенскай акрузе Мінска.

23.09.2012 Вынікі назірання за датэрміновым галасаваннем

Назіральнікі фіксавалі значнае разыходжанне ў лічбах прагаласаваўшых на працягу дня з тымі дадзеннымі, якія абвяшчаліся ў канцы дня сябрамі УВК. Напрыклад, у Гомельскай-Савецкай выбарчай акрузе № 34 на ўчастках № 1, 2, 18 і 23 амаль увесь час назірання адзначалася разыходжанне лічбаў у 2-3 разы.

23.09.2012 Мінск: закруціліся “каруселі”

Юрась Губарэвіч лічыць, што перад старшынямі камісій была пастаўленая задача давесці адсотак датэрміновага галасавання да 20% - да сярэдняга паказальніка па краіне. “Большасць камісіяў проста груба накручвалі яўку. Назіральнік фіксаваў 30 чалавек, якія з’явіліся на ўчастак, а ў выніковым пратаколе ўжо была лічба 130”, - адзначыў палітык.