Праваабарончы цэнтр «ВЯСНА»

Навіны за Верасень 2012

23.09.2012 Брэст: у спісе выбаршчыкаў застаюцца памерлыя

У спіс для галасавання была ўключана жанчына, якая памерла яшчэ восем гадоў таму. Мужчына стала веку быў вельмі абураны тым, што жонка, якую ён пахаваў, дагэтуль лічыцца выбаршчыкам на гэтай акрузе.

23.09.2012 У гомельскіх школах, дзе размешчаны ўчасткі – п'янства і дзіцячыя канцэрты (фота)

Назіральнікі паведамляюць, што ў гомельскіх школах, дзе размешчаны ўчасткі для галасавання, арганізованы буфеты з гарэлкай і півам, і тут жа праходзяць канцэрты з удзелам школьнікаў. Напрыклад, такая сітуацыя склалася і ў школе №3 (Савецкая акруга №34).

23.09.2012 Кіраўнік Магілёва толькі ўсміхнуўся на скаргі назіральніка

Старшыня Магілёўскага гарвыканкаму Станіслаў Барадаўка падчас наведвання выбарчага ўчастака №33 Магілёўскай-Прамысловай акругі №87 каля 10 хвілінаў паразмаўляў з назіральнікамі.

23.09.2012 Гомель: на акрузе №34 дадзеныя назіральнікаў па яўцы моцна адрозніваюцца ад афіцыйных

Яшчэ большая розніца на ўчастку 33, дзе выбары адбыліся датэрмінова. Тут зарэгістравана 800 выбаршчыкаў, датэрмінова прагаласавала 436 чалавек, пры гэтым назіральнікі зафіксавалі ўсяго толькі 101 выбаршчыка.

23.09.2012 Мінск: у апошні дзень датэрміновага галасавання яўка знізілася ў 10 разоў

Назіральнікі адзначаюць рэзкае скарачэнне колькасці выбаршчыкаў на ўчастку №613 Каліноўскай выбарчай акругі №108 у апошні дзень датэрмінавага галасавання.

23.09.2012 Магілёў: назіральнік скардзіцца на ўмовы працы на ўчастку

Назіральнік ад Беларускай партыі левых “Справядлівы свет” Валеры Беразіенка накіраваў скаргу на імя старшыні ўчастковай выбарчай камісіі №45 спн. Якіменка. Гэты участак знаходзіцца на тэрыторыі Магілёўскай-Прамысловай выбарчай акругі №87.

23.09.2012 Хоцімск : давераную асобу кандыдата забралі ў міліцыю для дачы тлумачэнняў

“Калі мне прапанавалі пакінуць выбарчы ўчастак № 54 у Хоцімску, я, як давераная асоба Валерыя Каранкевіча, вырашыў наведаць участак № 55. На шляху да гэтага выбарчага ўчастку мяне спынілі супрацоўнікі міліцыі “для дачі об’ясненій”.

23.09.2012 У Магілёве на выбарчым участку №65 кожны пяты галасуе на даму

Праўда некаторыя з выбаршчыкаў не ведаюць, што яны прасілі пра гэта. Назіральнік ад Беларускай партыі левых “Справядлівы свет” Томас Якавіцкі адзначае, што на ягоным участку дзіўная сітуацыя: з 1800 выбаршчыкаў – 360 вырашылі прагаласаваць на даму.

23.09.2012 Затрымалі прадпрымальніка Аляксандра Макаева

Раніцай 23 верасьня Макаеў на ўласным аўтамабілі ехаў на працу, калі яго спынілі міліцыянты. Яны правялі дагляд аўтамабіля і канфіскавалі ўлёткі з заклікам пра байкот выбараў.

23.09.2012 Бабруйск: шэраг парушэнняў на ўчастку ў аўтатранспартным каледжы

Незалежная назіральніца Данута Жлячэнка распавяла пра парушэнні, якія дапускаюцца на ўчастку № 28, што знаходзіцца ў будынку аўтатранспартнага каледжа.

23.09.2012 Браты Дварэцкія знайшліся на Акрэсціна

У другой палове дня 22 верасьня ў Менску супрацоўнікі міліцыі затрымалі братоў Андрэя і Аляксея Дварэцкіх. Іх адвезлі ў Партызанскі РУУС Менска, дзе былі складзеныя пратаколы аб адміністрацыйным правапарушэнні. Пакуль невядома, у чым іх абвінавацілі.

23.09.2012 Смаргонь: куды падзеліся 104 бюлетэні?

З падлікаў, праведзеных паводле звестак выніковага пратаколу па датэрміновым галасаванні на ўчастку №9 Смаргонскай выбарчай акругі №59, вынікае, што 104 бюлетэні быццам бы бясследна зніклі. Напрошваецца пытанне: ці “ўсплывуць” яны падчас падліку галасоў?

23.09.2012 Гомель: сябра камісіі забралі з участка на «хуткай»

У Гомелі на ўчастку №8 Савецкай акругі №34 у дзень галасавання здарылася надзвычайнае здарэнне: у сябра камісіі здарыўся, верагодна, інсульт, і яе забралі на «хуткай». «Гэта адбылося ў 8.50, жанчыне-члену камісіі стала раптоўна блага, яе спаралізавала, і яна знерухомела. Выклікалі хуткую, якая прыехала амаль праз паўгадзіны.

23.09.2012 Масавыя прыпіскі і “знікненні” выбаршчыкаў у Салігорску

У Салігорску на ўчастках без назалежных назіральнікаў адзначаюцца масавая прыпіскі колькасці прагаласаваўшых на датэрміновым галасаванні. А на ўчастках, ахопленых незалежным назіраннем, знікаюць сотні выбаршчкаў.

23.09.2012 Бабруйск: Вялікія несупадзенні ў дадзеных камісіі і назіральніка

На выбарчым участку № 12 па дадзеных камісіі на гэтым участку датэрмінова прагаласавала 358 чалавек, а назіральнікі налічылі 150. Толькі за ўчарашні дзень назіральнік зафіксаваў у выніковым пртаколе 100 “лішніх” бюлютэняў.