Праваабарончы цэнтр «ВЯСНА»

Навіны за Верасень 2012

23.09.2012 На Кастрычніцкай плошчы затрымалі фотарэпарцёра

Сёньня пасьля 18 гадзін на Кастрычніцкай плошчы Менска быў затрыманы фотакарэспандэнт “Салідарнасці” Сяргей Балай.

23.09.2012 Маладэчна: адміністрацыі прадпрыемстваў гоняць супрацоўнікаў на галасаванне

Назіральнік Алесь Капуцкі на Дажынкаўскім выбарчым участку №81 пачуў цікавую размову паміж выбаршчыкамі. На пытанне знаёмага, чаго так позна ідзе галасаваць, нейкі мужчына адказаў: “Мне з месца працы, з “БелТІЗ”у, зараз патэлефанавала Марыя Пятроўна, каб я ішоў галасаваць”.

23.09.2012 Мінск: З двух участкаў 101-й Фрунзенскай акругі зніклі незалежныя назіральнікі

Больш за пяць гадзінаў няма на ўчастках назіральнікаў Сяргея Марцалева і Арыны Лісецкай. Яны працавалі на ўчастку №373 і №374 адпаведна. Менавіта тут былі зафіксаваны выпадкі “выбарчых каруселяў”. Як паведаміў правабаронца Юрый Чавусаў, каля 13 гадзінаў Сяргей Марцалеў і Арына Лісецкая сышлі з участкаў, аднак іхнія рэчы засталіся на месцы.

23.09.2012 Маладэчна: галасаванне на даму – без запрашэння і без дакументаў

Пра візіт без запрашэння прадстаўнікоў участковай камісіі з выбарчай скрыняй назіральнікам паведаміла выбаршчыца Паўднёва-ўсходняга ўчастка №20 Маладэчна. Пры гэтым сябры камісіі ніякіх дакументаў не прад’яўлялі і ў выбаршыкаў іх таксама нават не запыталіся.

23.09.2012 Мінск: участковыя камісіі навязваюць выбаршчыкам галасаванне

На Аўтазаводскай выбарчай акрузе № 92 сябры ўчастковай камісіі №74 раз’язджаюць з бюлетэнямі па раёне, ходзяць па кватэрах і просяць выбаршчыкаў прагаласаваць. Разам з сябрамі камісіі ездзяць два чалавекі, якія ў камісію не ўваходзяць. Яны маюць на руках 200 бюлетэняў, хоць галасаванне выбаршчыкаў па месцы жыхарства на гэтым участку ўжо скончылася.

23.09.2012 Віншавальны тыдзень для Алеся Бяляцкага!

Свой юбілейны дзень народзінаў праваабаронца сустрэне за кратамі – 25 верасня Алесю Бяляцкаму спаўняецца 50 гадоў. Усім, хто не збіраецца абыйсці гэтую падзею бокам, Праваабарончы цэнтр “Вясна” прапануе далучыцца да віншавальнага тыдня.

23.09.2012 Магілёў: дырэктар завода “Зеніт” кантралюе “сваю” камісію

Аляксандр Шэпелеў цэлы дзень сядзіць на месцы старшыні камісіі на ўчастку № 54 Магілёўскай-Цэнтральнай выбарчай акругі №85. На пытанне назральнікаў, што ён тут робіць, адказаў, што гэта ягоная камісія, ягоныя людзі тут працуюць, а ён назірае за працэсам галасавання.

23.09.2012 Скаргу назіральніка "разгледзелі" яшчэ за дзень да таго, як яна была напісана

"Скарга была пададзена 20 верасня, але ў адказе гаворыцца, што праверка па ёй праводзілася яшчэ 19-га… Ды яшчэ з выездам акруговай камісіі з Віцебску ў Гарадок! І сябры акруговай камісіі пагадзіліся, што я замінаў працы камісіі".

23.09.2012 Назіральніка ад БХК выштурхалі з кабінета акруговай камісіі

Назіральнік ад БХК у Віцебскай Кастрычніцкай акруговай камісіі №20 Анатоль Родзік напісаў заяву, што хоча прысутнічаць пры перадачы пратаколаў участковых камісій. Але старшыня камісіі спадар Канявалаў забараніў. Калі ж Анатоль Родзік спытаў, чаму парушаецца Выбарчы кодэкс, яму прыгразілі судом і гвалтам выштурхалі з пакоя ў Кастрычніцкай раённай адміністрацыі.

23.09.2012 Жлобін: назіральнік зафіксаваў незаконнае пранікненне на ўчастак уначы (фота)

"У 23.15 каля выбарчага ўчастка №29 у 16 мікрараёне быў заўважаны чалавек у цывільным, які зайшоў на ўчастак з боку, дзе знаходзіцца ўчастковая камісія, – рапавядае кандыдат. – У гэты момант на вуліцу выйшаў міліцыянер, які амаль гадзіну патруляваў вакол участка, каб ніхто не змог увайсці ў памяшканне".

23.09.2012 У пінскіх школах гандлююць півам і гарэлкай

Пінскае ААТ “Школьнік” абавязала школьныя буфеты ў дзень выбараў мець у продажы па тры гатункі піва, віна і гарэлкі ды па два гатункі каньяку і шампанскага.

23.09.2012 Пінск: назіральнікі ад праўладных арганізацый на ўчасткі не выйшлі (фота)

Шматлікія назіральнікі ад БРСМ, Белай Русі і ветэранскіх арганізацый, якіх абяцалі выставіць на пінскіх участках для галасавання, масава ігнаруюць свае абавязкі. Яны проста адсутнічаюць на большасці ўчасткаў, дзе сіратліва-сумна выглядаюць пустыя сталы з шыльдамі “назіральнікі”.

23.09.2012 Валянцін Стэфановіч пра датэрміновае галасаванне: «Нічога новага мы не ўбачылі»

Назіральнікі не ўбачылі нічога новага ў час датэрміновага галасавання на парламенцкіх выбарах у Беларусі. Выбарчы працэс не стаў дэмакратычней, але і нечаканага пагаршэння таксама не назіраецца. Характар найбольш распаўсюджаных парушэнняў не змяняецца ад выбараў да выбараў, і новых тэндэнцый у гэтым годзе не заўважана.

23.09.2012 «Выбарам - байкот» - у цэнтры Оршы

Моладзь БХД яшчэ раніцай 23 верасня вывесіла велізарную расцяжку «Выбарам байкот» у самым цэнтры Оршы, на прыродным схіле аршанскага гарадзішча.

23.09.2012 Віцебск: назіральнікі канстатуюць рэзкае змяншэнне колькасці выбаршчыкаў

Амаль на кожным выбарчым участку скараціліся выбарчыя спісы. У камісіях кажуць, што гэта людзі, якія "памерлі", "з'ехалі ў Расію", або "ўжо не жывуць па гэтым адрасе". Праваабаронца Павел Левінаў выказвае меркаванне, што за кошт штучнага скарачэння колькасці выбаршчыкаў уздымаецца працэнт яўкі.