Праваабарончы цэнтр «ВЯСНА»

Навіны за Верасень 2012

23.09.2012 Гомель: назіральнікі «не ўбачылі» амаль 150 выбарцаў

«Мы ўдвух цэлы дзень не сыходзілі з месца, і налічылі 360 чалавек. Камісія ж напісала ў пратаколе, што прагаласавалі сёння 507 чалавек. Адкуль яны ўзяліся, тыя выбарцы, невядома". Сачыць за падлікам галасоў назіральнікам прыйшлося за 11 метраў ад стала. Бліжэй падыйсці забараняла камісія.

23.09.2012 Светлагорск: настаўніца ўкідвала бюлетэні

У Светлагорску на выбарчым участку ў сярэдняй школе № 1 назіральнікі заўважылі ўкідванне бюлетэняў у скрыню для галасавання. Па словах назіральніка, бюлетэні ўкідвала настаўніца гэтай школы Марына Шарубіна, якая ўваходзіць ва ўчастковую выбарчую камісію. Пададзена адпаведная заява ў пракуратуру.

23.09.2012 У Беларусі блакуюць сайты, якія асвятляюць парламенцкія выбары

У Беларусі заблакаваны шэраг сайтаў, якія асвятляюць парламенцкія выбары. У гэты лік патрапілі інфармацыйныя рэсурсы http://bchd.info (сайт Беларускай хрысціянскай дэмакратыі), udf.by, сайт кампаніі “За справядлівыя выбары” і некаторыя іншыя.

23.09.2012 Гомель: назіральнікі сочаць за падлікам галасоў з калідору

Старшыня камісіі №20 Гомельскай-Цэнтральнай акругі патлумачыў, што памяшканне ўчастка невялікае, месца мала, а назіральнікі могуць перашкаджаць камісіі, і вырашыў, што яны будуць назіраць за падлікам галасоў праз адчыненыя дзверы.

23.09.2012 Гомель: назіральнікаў выдалялі з участкаў

У Гомелі каля 18.20 з участку №1 Гомельскай-Савецкай акругі №34 (размешчаны ў школе №3) выдалілі назіральніка Анатоля Паплаўнага. Камісіі не спадабалася, што назіральнік хацеў сфатаграфаваць скрыні для галасавання.

23.09.2012 Салігорск: супрацоўнікі ЖКГ збіраюць народ на выбары

Незалежныя назіральнікі адзначаюць скрайне нізкую яўку на участках Салігорску. Выбарчыя камісіі спрабуюць выйсці з сітуацыі пры дампамозе супрацоўнікаў ЖКГ ды галасавання па месцы жыхарства выбарцаў.

23.09.2012 Светлагорск: нізкая актыўнасць выбаршчыкаў і разыходжанні ў лічбах

Паводле падліку назіральнікаў, у Светлагорску на адным з кантрольных участкаў на 16 гадзін прагаласавала меньш за 50% выбаршчыкаў. На іншым участку разыходжанні з афіцыйнымі дадзенымі складаюць 15%. Прычым лічбы тут атрымалася даведацца ад старшыні камісіі Алены Таўсцянковай толькі з дапамогай назіральнікаў ад АБСЕ.

23.09.2012 Старшыня выбарчага ўчастка: Камісіі лічаць галасы добра, “традыцыйным” спосабам

Назіральнік ад БХК Эдуард Баланчук, які ў дзень выбараў працуе на Крынічным выбарчым участку ў СШ №14, распавёў пра наведванне ўчастку міжнароднай назіральніцай ад СНД - дэпутаткай расійскай дзярждумы.

23.09.2012 У Магілёве на выбарчым участку №68 зафіксавана ўкідванне бюлетэняў

Пра гэта паведамляе давераная асоба кандыдаткі ў дэпутаты ад грамадзянскай кампаніі “Гавары праўду” Аксаны Закрэўскай Аксана Самуйлава. Члены ўчастковай выбарчай камісіі схавалі скрыню для галасавання за стол, ускрылі яе і пачалі туды ўкідваць бюлетэні. Колькі бюлетэняў было ўкінута туды - сказаць немагчыма.

23.09.2012 Слонім: спісы выбаршчыкаў для галасавання на даму назіральнікам не паказваюць

Cябры ўчастковых камісій не паказваюць назіральнікам спісы выбаршчыкаў, якія пажадалі прагаласаваць дома. У прыватнасці, з такімі перашкодамі сутыкнуўся назіральнік на Камсамолькім участку для галасавання № 3.

23.09.2012 Бабруйск: Грамадзян Расіі запрашаюць галасаваць

Гузэль кажа, што ў кватэры мужа яна нават не прапісана: яе дакументы якраз зараз знаходзяцца ў пашпартным стале. Таму спісаць запрашэнне на фактар прапіскі ўжо немагчыма. У сябраў камісіі яна адразу наўпрост спытыла, чаму яе, грамадзянку Расіі, запрасілі на выбары.

23.09.2012 Магілёў: кандыдатка ад БСДП (Г) дамаглася выдзялення стала для назіральнікаў

Дагэтуль назіральнікам Мікалаю Расюку і Тамары Мірановіч на выбарчым участку №47 не былі створаны нармальныя ўмовы для працы. Кандыдатка ў дэпутаты ад БСДП (Г) Анастасія Войтава кажа, што яны заносілі ўсе свае звесткі ў сшыткі прама на каленках.

23.09.2012 Салігорск: Феерычны адказ назіральніку адносна магчымасці бачыць змест бюлетэня

“Публічны падлік галасоў з магчымасцю назіральніка бачыць адзнаку выбаршчыка ў бюлетэні дазволіць апошняму атрымаць інфармацыю, правоў на атрыманне якой ён па нормах Выбарчага кодэкса Рэспублікі Беларусь не мае”.

23.09.2012 Магілёў: “Рабіце што хочаце, але каб яўка была”

Такі загад назіральнік пачуў ад невядомага мужчыны, які прынёс бланкі пратаколаў УВК №44 Магілёўскай-Цэнтральнай выбарчай акругі №85, што месціцца ў музычнай вучэльні.

23.09.2012 Магілёў: у апошні дзень галасавання пашырылі тэрыторыю выбарчага ўчастка за кошт калоніі

Да ўчастка № 38 Магілёўскай-Прамысловай выбарчай акругі №87 далучылі папраўчую калонію №15 са 133 асобамі, якія адбываюць там пакаранне. Каардынатар кампаніі “За справядлівыя выбары-2012” Юрый Новікаў звязвае такія змены ў геаграфіі акругі з нізкай яўкай выбаршчыкаў.