Праваабарончы цэнтр «ВЯСНА»

Навіны за Жнівень 2012

28.08.2012 Зміцеру Дашкевічу суд дадаў год калоніі (дапоўнена)

Суд па новай крымінальнай справе супраць лідэра «Маладога фронту» Зьміцера Дашкевіча дадаў палітвязню год калоніі за непадпарадкаваньне адміністрацыі папраўчай установы. .

28.08.2012 Слуцк: Назіральнік звярнуўся са скаргай у ЦВК

Назіральнік Віталь Амяльковіч звярнуўся ў ЦВК са скаргай і просіць даць ацэнку адпаведнасці дзеянняў АВК па Слуцкай выбарчай акрузе № 67 па праверцы дакладнасці подпісаў выбаршчыкаў за вылучэнне прэтэндэнтаў у кандыдаты патрабаванням выбарчага заканадаўства.

28.08.2012 Намеснік старшыні КДК баіцца адкрытай дыскусіі з апанентамі?

Намеснік старшыні Камітэта дзяржкантроля Беларусі, кандыдат у дэпутаты Палаты прадстаўнікоў па Шклоўскай выбарчай акрузе № 90 Аляксандр Агееў адмовіўся ад удзелу ў тэлевізійных дэбатах са сваімі апанентамі. Карыстаючыся высокай пасадай, ён праводзіць прамыя тэлефонныя лініі з жыхарамі сваёй выбарчай акругі.

28.08.2012 Выбарчая цэнзура на Гарадзенскім ТБ

Кандыдатку ад АГП па Івейскай акрузе Ірыну Давідовіч пільныя цэнзары з гарадзенскага тэлебачання прымусілі перазапісваць выступ. Ім не спадабалася фраза “за сумленныя выбары без Лукашэнкі”. Не выключана, што з выступу Давідовіч будуць выразаныя і іншыя фразы, якія выклікалі пярэчанні і сумневы тэлевізійных цэнзараў.

28.08.2012 Гомель: паміж телевыступамі кандыдатаў – блокі пра дасягненні ўладаў

Выступ кандыдата - «інфармацыйна-прапагандысцкі» блок пра дасягненні ўлады на тэрыторыі акругі - выступ наступнага кандыдата. Такім чынам пабудавана трансляцыя выступаў кандыдатаў у эфіры гомельскага тэлебачання. Атрымалася, што хвалебныя оды ў гонар уладаў з боку іх жа вылучэнцаў працягваюцца ў прапагандысцкіх тэкстах за кадрам.

28.08.2012 Асноўныя прынцыпы чыноўнікі ставяць па-за выбарчым заканадаўствам

Ужо другі выпадак, калі назіральніку не прадастаўляюць патрэбных звестак, інтэрпрэтуючы агульныя фармулёўкі Выбарчага кодэксу выключна “негатыўна” - выконваецца толькі тое, што дакладна прапісана і рэгламентавана. А такія паняткі як “адкрытасьць” з’яўляюцца толькі паняткамі, не раскрытымі ў заканадаўстве.

28.08.2012 Бабруйск: aктывісткі "Гавары праўду" высвятляюць сітуацыю з "несапраўднымі подпісамі"

Сябры ініцыятыўнай групы магіляўчанкі Аксаны Самуйлавай вырашылі самастойна праверыць сітуацыю з "несапраўднымі подпісамі". Нагадаем, менавіта іх "наяўнасць" стала прычынай для адмовы ў рэгістрацыі кандыдатам прадстаўніцы кампаніі "Гавары праўду". Вынік аказаўся нечаканым.

28.08.2012 На “Беларусь-2” узгадалі пра байкот – толькі ў негатыўным кантэксце

У эфіры дзяржаўнага тэлеканала 27 жніўня ўпершыню выступілі кандыдаты ў дэпутаты па горадзе Мінску. Слова прадаставілі прэтэндэнтам Аўтазаводскай і Васняцоўскай выбарчых акругаў. Выявілася, прамаўляць пра байкот усё ж можа - прынамсі ў негатыўным ключы, як тое пацвярджае выступ генерала Фралова.

28.08.2012 Салігорск: гучаць толькі заклікі да байкота

Першыя пяць дзён агітацыйнай кампаніі ў Салігорску прайшлі незаўважна - ніводзін з шасці зарэгістраваных прэтэндэнтаў не выявіў актыўнасці. Тым часам на гарадскіх вуліцах усё часцей з’яўляюцца заклікі да байкота выбараў.

28.08.2012 Смаргонь: суд падтрымаў старшыню райвыканкама, які не дазволіў пікет салідарнасці з палітвязнямі

27 жніўня суддзя Смаргонскага раёна Аліна Кіндра не задаволіла скаргу праваабаронцы Алеся Дзергачова на дзеянні старшыні Смаргонскага райвыканкама Мечыслава Гоя, які не дазволіў правядзенне пікета саліднасці з палітвязнямі. Ён меў адбыцца 4 жніўня.

28.08.2012 Калінкавіцкі раён: у большасці вёсак пікеты не дазволены

Са 130 населеных пунктаў Калінкавіцкага раёна толькі ў 20 дазволена праводзіць агітацыйныя мерапрыемствы па-за памяшканнямі. Кандыдаты ў дэпутаты Палаты прадстаўнікоў і іх давераныя асобы не могуць арганізаваць перадвыбарчыя сходы, мітынгі ці пікеты ў астатніх вёсках, у тым ліку ў трох цэнтрах сельсаветаў.

28.08.2012 У Баранавічах выбары - вучэбна-трэніровачныя (дакумент)

Назіральнік Сяргей Гоўша атрымаў 25 жніўня з гарадской міліцыі ліст, які склаў падпалкоўнік Эдуард Суднік, а падпісаў часова выконваючы абавязкі начальніка ГАУС падпалкоўнік Эльдар Вільчкоўскі. Яны паведамляюць назіральніку, што факт фальсіфікацыі пратакола № 1 пасяджэння АВК № 5 не пацвердзіўся, што прадстаўлены назіральнікам пратакол трэба разглядаць выключна як вучэбна-трэніровачны.

28.08.2012 Барысаў: у суд па забароне пікета «За свабоду Алеся Бяляцкага» выклічуць міліцыю, ЖКГ і медыкаў

Менавіта ад іх заяўнікам пікету Марыне Статкевіч і Алегу Мацкевічу прыйшлі адмовы на заключэнне дамоваў па забеспячэнню падчас пікету абароны правапарадку, медабслугоўвання і ўборкі тэрыторыі. Наступнае паседжанне суда прызначана на 4 верасня.

28.08.2012 Праваабарончая праграма “Людзьмі звацца!” на Радыё Рацыя

Рубрыка "Асоба. Дзяржава. Грамадства": доўгатэрміновая назіральніца кампаніі "Праваабаронцы за свабодныя выбары" па Ясенінскай выбарчай акрузе № 100 г. Менска Валянціна Свяцкая распавядае аб тым, як яна патрапіла пад прыцэл уладных структураў.