Праваабарончы цэнтр «ВЯСНА»

Навіны за 27 жніўня 2012

27.08.2012 “Я не даю інтэрв’ю недзяржаўным газетам...”

Карэспандэнту незалежнай газеты «Intex-press» не ўдалося атрымаць інфармацыі пра тэмпы і тэрміны будоўлі ў Баранавічах новага мікрараёна.

27.08.2012 Жлобін: райвыканкам адмовіўся пашырыць спіс месцаў для агітацыі

Кандыдат у дэпутаты ад партыі “Справядлівы свет” Валерый Рыбчанка атрымаў адмову з райвыканкама на просьбу пашырыць месцы для правядзення прадвыбарнай агітацыі.

27.08.2012 Нататкі Алеся Бяляцкага пра беларускую “турэмную” літаратуру: Ліст чацьверты

“Галавою разумееш, што ўсё па-сапраўднаму, але ў першыя гадзіны і дні пасьля арышту паглядаеш на самога сябе як бы збоку і здаецца, што гэта ўсё не з табой. Штосьці падобнае перажыў і я, хоць быў маральна і практычна падрыхтаваны значна лепей, бо не раз сядзеў на сутках па адміністратыўных працэсах. У Уладзіміра Някляева было значна горш”.

27.08.2012 “Вы шукалі “выбары”, але нічога не знойдзена”

Такі адказ пошукавай сістэмы з’яўляецца на сайтах мясцовых недзяржаўных СМІ. Калі дзяржаўныя газеты друкуюць абавязковыя паведамленні выбарчых камісій, дык астатнія выданні, відаць, лічаць за лепшае трымацца далей ад гэтай тэмы.

27.08.2012 Зэльва: падчас раённага свята агітавалі толькі за праўладную кандыдатку Сопікаву

На Ганненскі кірмаш - свята раённага маштабу, якое праходзіла ў Зэльве 25 жніўня – мясцовыя чыноўнікі запрасілі толькі аднаго з чатырох кандыдатаў у дэпутаты - Алу Сопікаву, дырэктара СШ № 9 г. Слоніма. Астатнім тром кандыдатам запрашэнне на свята не паступала.

27.08.2012 Кандыдаты ад “Белай Русі” ладзяць канцэрты ў свой гонар

Ужо праз два дні пасля абвяшчэння ЦВК вынікаў рэгістрацыі дэлегацыя віцебскіх кандыдатаў ад “Белай Русі” арганізавана наведала Мінск з афіцыйнай мэтай - пераняць вопыт арганізацыі агітацыйна-прапагандысцкай працы.

27.08.2012 Барысаў: дэмакратычнага кандыдата пазбавілі рэгістрацыі

Камісія выявіла, што ў дэкларацыі аб даходах галоўны рэдактар незалежнай газеты Анатоль Букас не паказаў, што ў 2011 годзе прадаў аўтамабіль. Як патлумачыў кандыдат, машыну ён прадаваў у 2010 годзе. Аднак у дакументах значыцца менавіта 2011 год.

27.08.2012 Тэлевыступ кандыдата Няпомняшчых пад пытаннем

27 жніўня на Гомельскім тэлебачанні адбываўся запіс выступу кандыдатаў у дэпутаты. Уладзімір Няпомняшчых, які балатуецца па Гомельскай-Навабеліцкай акрузе, прыйшоў для запісу на тэлебачанне ў футболцы «За Беларусь без Лукашэнкі».

27.08.2012 “Гродзенскай праўда” рэкламуе кандыдатаў ад улады

Парушэнне прынцыпу роўнасці ўмоваў агітацыі для кандыдатаў, замацаваны артыкуламі 46-47 Выбарчага кодэксу, незалежны назіральнік Раман Юргель угледзеў у публікацыі дзяржгазеты “Гродзенская праўда” пра абласную нараду педагогаў.

27.08.2012 Назіральнік праз суд дамагаецца адкрытасці працы акруговай камісіі

Праваабаронца Уладзімір Вялічкін, які з’яўляецца назіральнікам у камісіі выбарчай акругі № 2 Брэста, 25 жніўня звярнуўся ў калегію па грамадзянскіх справах абласнога суда з просьбай адмяніць вызначэнне суда Маскоўскага раёна Брэста пра тое, што яго справа “непадведамасная” суду, і перадаць яго заяву на разгляд іншаму суддзі.

27.08.2012 Працэдура праверкі подпісаў татальна закрытая для назіральнікаў

Да такой высновы прыйшлі ўдзельнікі кампаніі “Праваабаронцы за свабодныя выбары”. Толькі на чатырох акругах са 110 назіральнікам дазволілі азнаёміцца з дакументамі вылучэнцаў. У астатніх выпадках праверка подпісаў праходзіла па-за межамі паседжання, хоць Выбарчы кодэкс не ўтрымлівае такую форму працы.

27.08.2012 Маладэчна: Хто ўсё ж хлусіць?

Назіральнік Алесь Капуцкі атрымаў адказ на скаргу, якая датычылася размяшчэння на стэндзе СШ №9 г. Маладэчна ўлётак кандыдата Кулеша за тры дні да яго рэгістрацыі ў гэтай якасці. Аказалася, што факт размяшчэння ўлёткі, зафіксаваны назіральнікам на фота, не пацвердзіўся.

27.08.2012 Справаздача па назіранні за рэгістрацыяй кандыдатаў у дэпутаты Палаты прадстаўнікоў Нацыянальнага сходу пятага склікання

Працэдуры праверкі дакладнасці подпісаў выбаршчыкаў у падпісных лістах праводзіліся ў закрытым для назіральнікаў рэжыме, негалосна, на пасяджэннях АВК звычайна толькі агучваліся вынікі. Адмоўлена ў рэгістрацыі кандыдатамі ў дэпутаты 122 прэтэндэнтам (24,6 % ад агульнай колькасці вылучаных). 19,5% прэтэндэнтаў, якім адмоўлена ў рэгістрацыі, вылучаныя апазіцыйнымі партыямі - БНФ, АГП, БСДП (Г) і Беларускай партыяй левых “Справядлівы свет”.

27.08.2012 Інфармацыйны стэнд у сталіцы (фотафакт)

Вось такі інфармацыйны стэнд убачыў назіральнік "Праваабаронцы за свабодныя выбары" у цэнтры Мінска на вуліцы Чкалава. Інфармацыі, як бачым не багата, хіба што пра тое, што ў краіне будуць выбары.

27.08.2012 Кандыдата Яраслава Берніковіча зноў шукае пракуратура

Яраслаў Берніковіч атрымаў позву праз пошту. Выклікаць Берніковіча ў Глыбоцкую раённую пракуратуру ўжо спрабавалі і раней, аднак ён быў у ад’езьдзе, а потым пракуроры нібыта страцілі цікавасьць да яго асобы.