Праваабарончы цэнтр «ВЯСНА»

Навіны за 15 жніўня 2012

15.08.2012 Барысаў: сустракацца з выбаршчыкамі можна на танцавальнай пляцоўцы і за трыбунай стадыёна

Барысаўскі райвыканкам вызначыў месцамі правядзення масавых мерапрыемстваў для кандыдатаў у дэпутаты і іх давераных асоб тэрыторыі, якія не асабліва наведваюцца насельніцтвам. Такім чынам, масавыя мерапрыемствы кандыдатаў будуць праводзіцца не ў мнагалюдных месцах, а, хутчэй, у месцах адсутнасці людзей.

15.08.2012 Бабруйск: Пікеты ў лесапарках і на стадыёнах, агітацыйныя матэрыялы – на прыпынках і каля ЖЭУ

На тэрыторыі Першамайскага раёна для правядзення сустрэч кандыдатаў у дэпутаты і іх давераных асобаў выдзелена актавая зала Цэнтра гігіены і эпідэміялогіі. Гэтае памяшканне - не самы горшы варыянт, побач прыпынак гарамадскага транспарту, гэта фактычна цэнтр гораду, негледзячы на тое, што насупраць знаходзяцца гарадскія могілкі.

15.08.2012 Пінск: подкуп выбаршчыкаў

На ўваходзе адной з пінскіх крамаў гараджанам, якія прыйдуць на вераснёўскія выбары, абяцаюць “працэнты за нашт кошт”.

15.08.2012 Слуцкая раёнка маўчыць пра колькасць прэтэндэнтаў у кандыдаты

Галоўны рэдактар газеты “Слуцкі край” Валянціна Ражанец прыслухалася да парадаў старшыні Слуцкага райвыканкама Уладзіміра Даманеўскага, які рэкамендаваў ёй больш пісаць пра выбары.

15.08.2012 Бабруйск: у Ленінскай акрузе да рэгістрацыі дайшлі не ўсе прэтэндэнты

Сярод тых, хто падаў у камісію Ленінскай акругі дакументы на рэгістрацыю кандыдатам у дэпутаты, не ўказаныя прозвішчы лідэра суполкі свабоднага прафсаюза Міхаіла Кавалькова, магілёўскага сябра “Справядлівага свету” Аляксандра Ірхо, дырэктара ПП “Воримохит” і навуковага супрацоўніка НАН Аляксандра Ціхамірава.

15.08.2012 У Брэсце вызначаны месцы для агітацыі

Брэсцкі гарвыканкам зацвердзіў пералік месцаў для правядзення агітацыі кандыдатамі ў дэпутаты. У гэтым спісе дамінуюць пляцоўкі на спартовых аб'ектах, у гарадскіх парках і скверах, актавыя залы школ, гімназій і ўстаноў культуры.

15.08.2012 Невядомыя ўзламалі электронную пошту Эдуарда Злобіна

У Пінску невядомыя ўзламалі старонку ў сацыяльнай сетцы “Фэйсбук” і электронную пошту знанага краязнаўцы, даследчыка гісторыі горада за польскі час Эдуарда Злобіна.

15.08.2012 Салігорск: пра выбары піша толькі “Шахцёр”

На мінулым тыдні артыкулы выбарчай тэматыкі з’явіліся толькі ў выканкамаўскай газеце. Пэўная інфармацыі проста мусіць там публікавацца, астатнія матэрыялы ўтрымліваюць агульныя звесткі альбо крытыку Захаду і апазыцыі. Іх аўтрам выступае адзін чалавек, што таксама надае абсурднасць сітуацыі.

15.08.2012 У Магілёве КДБ умешваецца ў выбарчы працэс

14 жніўня да Уладзіслава Ярашова, які збірае подпісы ў падтрымку дэмакратычнага кандыдата ад Руху “За свабоду” Уладзіміра Пунчанку, завітаў супрацоўнік КДБ, які спрабаваў даведацца, колькі плацяць за подпісы і хто кіруе і арганізоўвае гэты працэс.

15.08.2012 Слуцк: Кіраўнік штаба прэтэндэнта ад «Гавары праўду!» паскардзілася на ідэолага

Юлія Балакір, кіраўнік ініцыятыўнай групы прэтэндэнта ў кандыдаты ад кампаніі «Гавары праўду!» Аляксандра Солапа звярнулася са скаргай на дзеянні намесніка старшыні Слуцкага райвыканкама па ідэалогіі Ларысы Дабравольскай ў акруговую камісію па Слуцкай выбарчай акрузе № 67 і Цэнтрвыбаркам.

15.08.2012 Глыбоцкая пракуратура шукае Яраслава Берніковіча

Найверагоднейшая прычына выкліку да пракурораў – гэта запіс на старонцы ў Фэйсбуку з прапановай дапамагчы прыхільнікам байкоту парламенцкіх выбараў. З гэтай нагоды ў пракуратуры ўжо дапыталі журналіста Кастуся Шыталя, які распавёў пра ініцыятыву Берніковіча на незалежным рэгіянальным сайце westki.info

15.08.2012 Полацк: збор подпісаў на працоўных месцах пракуратура не лічыць незаконным (дакумент)

Назіральнік Юрый Бельскі падчас кампаніі па зборы подпісаў двойчы пісаў заявы ў пракуратуру Полацка аб выяўленых ім фактах парушэння выбарчага заканадаўства.В абодвух выпадках сябры ініцыятыўнай групы Наталлі Гуйвік, з'яўляючыся кіраўнікамі, збіралі подпісы падначаленых у падтрымку свайго кандыдата ў працоўны час.

15.08.2012 Рагачоўская раённая газета асвоіла жанр палітычнай карыкатуры

Лексіка, якой карыстаецца галоўны рэдактар, калі хоча выказацца пра апазіцыянераў: «оппы», «кодла», «адшчапенцы», «здраднікі», «перабежчыкі». Зараз раённая газета перыядычна змяшчае на сваім сайце абразлівыя карыкатуры, дэматыватары і спасылкі на іншыя сайты, якія паліваюць брудам прадстаўнікоў апазіцыі.

15.08.2012 Салігорскія чыноўнікі робяць “толькі тое, што канкрэтна рэгламентавана”

Як вынікае з адказу райвыканкаму на запыт назіральніка Леаніда Мархоткі, чыноўнікі ў працы з назіральнікамі кіруюцца прынцыпам “рабіць толькі тое, што канкрэтна рэгламентавана”. Мархотка звяртаў увагу на прапісаную ў Выбарчым кодэксе “адкрытасць выбарчага працэсу”.

15.08.2012 У Брэсцкай вобласці вылучаны 68 прэтэндэнтаў на дэпутацкі мандат

Найбольшая колькасць вылучэнцаў выпадае на Брэсцкую-Заходнюю акругу №1, дзе пажадалі балатавацца сем чалавек. У Брэсцкай-Усходняй акрузе №3 і Брэсцкай-Пагранічнай акрузе №4 дакументы падалі па шэсць чалавек, у Баранавіцкай-Усходняй акрузе №6 і Івацэвіцкай акрузе №11 - па пяць чалавек.