Праваабарончы цэнтр «ВЯСНА»

Навіны за Жнівень 2012

29.08.2012 Аксана Самуйлава будзе судзіцца з АВК і ЦВК

Нягледзячы на тое, што 28 жніўня на паседжанні ЦВК незарэгістраваная кандыдатам у дэпутаты Аксана Самуйлава, магілёўская актывістка кампаніі "Гавары праўду", прадаставіла заявы выбаршчыкаў з пацверджаннем, што яны самі прастаўлялі подпісы і даты ў падпісных лістах у яе падтрымку, яе скарга засталася без задавальнення.

29.08.2012 Актывіста ініцыятыўнай групы дэмакратычнага кандыдата звольнілі з працы

Пётр Басейка, які працаваў вартаўніком у Хоцімскім жылкамгасе, а ў час выбарчай кампаніі ўзначаліў штаб кандыдата ад партыі БНФ, актывіста кампаніі “Гавары праўду” з Хоцімска Валерыя Каранкевіча, лічыць, што з ім не працягнулі працоўны кантракт толькі з-за яго актыўнай грамадска-палітычнай дзейнасці.

29.08.2012 Выступ кандыдата ад АГП тэлерадыёкампанія будзе ўзгадняць з ЦВК

Запісаны 28 жніўня выступ кандыдата ў дэпутаты ад Аб’яднанай грамадзянскай партыі Анжалікі Камбалавай, якая балатуецца па Баранавіцкай-Заходняй выбарчай акрузе № 5, тэлерадыёкампанія “Брэст” будзе ўзгадняць з ЦВК. Выступ прысвечаны найперш праблеме палітвязняў.

29.08.2012 Гомель: дырэктары школ агітуюць на бацькоўскіх сходах

У некаторых гомельскіх школах зараз праходзяць бацькоўскія сходы па падрыхтоўцы дзяцей да новага навучальнага году. Акрамя арганізацыйных момантаў: дзелавога стылю адзення, раскладу званкоў, дырэктары школ распачалі сярод бацькоў агітацыю.

29.08.2012 Баранавічы: Рыгор Грык дамогся толькі невялікай кампенсацыі за звальненне

Паводле рашэння Баранавіцкага гарадскога суда ад 28 жніўня, адміністрацыя аўтаагрэгатнага завода павінна сплаціць звольненаму Рыгору Грыку 500 тысяч рублёў кампенсацыі маральнай шкоды (ён патрабаваў кампенсацыю ў пяць мільёнаў рублёў) ды 300 тысяч рублёў судовых выдаткаў. Суд не аднавіў грамадскага актывіста на працы.

29.08.2012 Выступ кандыдата ў дэпутаты Васіля Палякова не паказалі па тэлебачанні

Замест выступу апазіцыянера быў устаўлены «інфармацыйна-прапагандысцкі» блок пра дасягненні ўлады, прычым гледачам распавялі аб прадпрыемстве «Гомельскія цеплавыя сеткі». Дырэктар прадпрыемства Міхаіл Пачынок балатуецца таксама па Савецкай акрузе. Выходзіць, апазіцыянерам эфір не далі, а праўладным кандыдатам – дабавілі?

29.08.2012 Уладзімір Навясяд казаў пра палітвязняў

“Вызваленне палітвязняў патрэбнае не міжнародным арганізацыям ці Заходнім краінам. Гэта,у першую чаргу, патрэбна нам самім”. Уладзімір Навасяд – першы з мінскіх кандыдатаў, хто публічна заявіў пра жаданне ўдзельнічаць у выбарчых дэбатах.

29.08.2012 Тэлевыступ віцебскага кандыдата ад АГП знялі на падставе ананімнага дакумента

Выступ Сяргея Рэзнічэнкі мусіў транслявацца ўвечары 28 жніўня. Але у эфір ён так і не выйшаў. Актывіст АГП звярнуўся ў Віцебскую тэлерадыёкампанію, дзе яму паказалі паперу з ЦВК. Аднак яго прозвішча ў дакуменце пра забарону тэлевыступаў не было.

29.08.2012 Салігорск: назіральнік абскарджвае адмову азнаёміцца з дакументамі аб вылучэнні кандыдатаў

На паседжанні акруговай камісіі па пытанні рэгістрацыі кандыдатаў у дэпутаты праваабаронца звярнуўся з вуснай просьбай прадставіць магчымасць агледзець дакументы па ўсіх чатырох кандыдатах у дэпутаты па Салігорскай гарадской выбарчай акрузе № 68.

29.08.2012 Рагачоў: незарэгістраваны прэтэндэнт ад “Гавары праўду” выступіў за байкот выбараў

“Калі вас будуць гнаць на выбарчыя ўчасткі, пішыце на бюлетэне: “Я супраць усіх”. Калі вы мелі намер аддаць свой голас за Дзяніса Дашкевіча, пішыце: “Я за Дашкевіча”, – гаворыцца ў звароце. Сваёй галоўная задачай рагачоўскія актывісты ставяць “пустуючыя выбарчыя ўчасткі ў асноўны дзень галасавання – 23 верасня”.

29.08.2012 Нататкі Алеся Бяляцкага пра беларускую “турэмную” літаратуру: Ліст пяты

“Няўдзячная справа - каментаваць вершы такога высокага ўзроўню і кшталту. Мае заўвагі зусім ня вартыя саміх вершаў. Але ж я адважваюся на іх, бо ўсё ж сам праходзіў праз турму і гэтымі каментарамі, можа, заахвочу чытача прачытаць самі вершы”, - Алесь Бяляцкі працягвае дзяліцца ўражаньнямі ад зборніка Уладзіміра Някляева “Лісты да Волі”.

29.08.2012 Пінск: нават фотаздымкі кандыдатаў не надрукаваны

На новым этапе перадвыбарчай кампаніі, калі можна праводзіць агітацыю, пінскія кандыдаты ў дэпутаты так і не актывізаваліся. Магчыма, яны разлічваюць на тое, што сваім выступам на тэлебачанні прыцягнуць увагу выбаршчыкаў.

29.08.2012 Салігорцы не пабачаць тэлевыступаў апазіцыянераў

Агітацыю за байкот выбараў, пра які казалі ў сваіх выступах апазіцыйныя кандыдаты Салігоршчыны, Назіральная рада перадвыбарчай агітацыяй не лічыць, бо “мэтай прадстаўленых выступаў з'яўляецца агітацыя супраць удзелу ў выбарах”. Зрэшты, апазіцыянеры ўсё адно плануюць прадставіць публіцы свае тэлезвароты. Рабіць яны гэта будуць праз Інтэрнэт.

29.08.2012 Маці палітвязьня Аляксандра Францкевіча вымусілі звольніцца з працы

Паўтары гады Тацяна Алегаўна Францкевіч адпрацавала прыбіральшчыцай тэрыторыі ў Наваполацкім УП “Вадаканал”. Праца, вядома, не престыжная, да таго ж і заробак далёкі ад дэкларуемага кіраўніком Беларусі сярэдняга ўзроўню аплаты працы.

29.08.2012 Цэнтрвыбаркам зарэгістраваў Людмілу Дзенісенку кандыдатам у дэпутаты

Сваё рашэнне акруговая камісія матывавала тым, што Дзенісенка не ўзгадала ў сваёй дэкларацыі зямельны ўчастак і размешчаны на ім жылы будынак. Аднак прадстаўніца “Справядлівага свету” змагла давесці, што згаданы ўчастак быў прададзены яшчэ ў 2003-м годзе.