Праваабарончы цэнтр «ВЯСНА»

Навіны за 14 жніўня 2012

14.08.2012 Страшэнная безгаспадарчасць на Слонімскай птушкафабрыцы (відэа)

Рабочы Слонімскай птушкафабрыкі Віктар Марчык даслаў матэрыял, у якім распавядае, якім чынам кіраўніцтва фабрыкі распраўляецца з працоўнымі, а таксама відэа страшэннай безгаспадарчасці, якая пануе на прадпрыемстве.

14.08.2012 У Гомельскай вобласці толькі два дэпутаты-палатачнікі зноў балатуюцца ў парламент

Па афіцыйнай інфармацыі, у 17 акруговых камісій Гомельскай вобласці пададзена 68 заяў на вылучэнне кандыдатамі ў дэпутаты Палаты прадстаўнікоў. Прычым зноў балатавацца ў парламент будуць толькі двое дэпутатаў-палатачнікаў.

14.08.2012 Назіранне за праверкай подпісаў "не заснавана на законе"

Пра гэта паведамляе ў сваім пісьмовым адказе магілёўскаму праваабаронцу Аляксею Колчыну старшыня Цэнтрвыбаркама Лідзія Ярмошына. У сваім лісце Лідзія Ярмошына адзначыла, што назіранне за працэдурай праверкі подпісаў выбаршчыкаў «не можа быць забяспечана, паколькі не заснавана на законе».

14.08.2012 ГА “БАЖ” пачынае кампанію збору подпісаў за вызваленне Антона Сурапіна

Праўленне арганізацыі заклікае ўсіх салідарных з незалежным журналістам паставіць свой подпіс у абарону зняволенага фатографа.

14.08.2012 Ідэолаг Светлагорскага аўтапарка “правёў гутарку” з удзельнікам збору подпісаў

У Светлагорску ідэолаг аўтобуснага парку № 5 Антон Сатараў выклікаў да сябе работніка аўтапарка, які ўваходзіць у ініцыятыўную групу па вылучэнню кандыдатам ў дэпутаты Палаты прадстаўнікоў Сяргея Дайнекі – кіраўніка Светлагорскай раённай арганізацыі партыі “Справядлівы свет”.

14.08.2012 Праваабарончая праграма “Людзьмі звацца!” на Радыё Рацыя

Рубрыка "Асоба. Дзяржава. Грамадства": адзін з каардынатараў кампаніі “Праваабаронцы за свабодныя выбары” Уладзімір Лабковіч аналізуе матывы незадаволенасці Цэнтрвыбаркама працай незалежных назіральнікаў.

14.08.2012 Старшыня Пінскай арганізацыі ПБНФ звярнуўся ў пракуратуру

Аляксандар Рамановіч палічыў, што выказыванні ў каментарах на адным з мясцовых сайтаў нанеслі шкоду ягонаму гонару і годнасці. Спадар Рамановіч спрабуе такім чынам спыніць хвалю “чорнага піяру”, які распачалі супраць яго невядомыя асобы адразу пасля таго, як ён заявіў пра свой удзел у выбарах.

14.08.2012 Прэтэндэнтцы ад «Гавары праўду» Валянціне Каляка вынесена папярэджанне

Разглядалася пытанне аб вынясенні чарговага папярэджання Валянціне Каляка на падставе падачы ў АВК на гэты раз цэлых двух заяваў ад жыхарак вёскі Куляшоўка (Драчкаўскі сельсавет Смалявіцкага раёну) Жаны Усавай і Аляксандры Астапчук.

14.08.2012 Жлобінскі і Рагачоўскі райвыканкамы паведамілі пра месцы для агітацыі

Раённыя газеты - “Новы дзень” (Жлобін) і “Свабоднае слова” (Рагачоў) апублікавалі спісы месцаў, дазволеных для агітацыі грамадзян кандыдатамі ў дэпутаты і іх даверанымі асобамі.

14.08.2012 Алена Дубовік праз суд патрабуе кампенсацыі за знаходжанне на Акрэсціна

Затрыманая разам з сябрамі 24 сакавіка ў Доме культуры МТЗ Алена Дубовік звярнулася ў суд з зыскам да ГУУС Мінгарвыканкама, каб кампенсаваць маральную шкоду падчас яе знаходжання на Акрэсціна.

14.08.2012 У Крычаўскай акрузе прэтэндэнтаў у кандыдаты паболела

У Крычаўскай выбарчай акрузе № 83, акрамя дэмакратычнага актывіста з Хоцімска Валерыя Каранкевіча і чыноўніка Магілёўскага аблвыканкама Уладзіміра Краўцова, дакументы на рэгістрацыю кандыдадатам у дэпутаты падаў таксама вылучэнец ад ліберальна-дэмакратычнай партыі Васіль Клімаў.

14.08.2012 Баранавічы: Назіральнік звярнуўся да пракурора па справе абвінавачання яго ў дробным хуліганстве

У сваёй скарзе Сяргей Гоўша даводзіць пракурору, што ён прадставіў міліцыянеру дыктафонны запіс пасяджэння АВК 23 ліпеня. Двойчы праслухаўшы запіс, капітаны міліцыі Мікалай Кудраўцаў і Віталь Рачкоўскі ніякага брыдкаслоўя не пачулі.

14.08.2012 Справа Бяляцкага. X. Самыя сумныя Каляды

У суботу 24 сьнежня 2011 года, не дачакаўшыся спатканьня з сынам Алесем, Віктар Усьцінавіч Бяляцкі памёр. На 83-м годзе жыцьця.

14.08.2012 Да 31 кастрычніка ЕС апублікуе новыя абмежавальныя меры ў дачыненні да Беларусі

Камітэт па палітыцы і бяспецы Еўрасаюза заклікаў неадкладна вызваліць палітычных зняволеных у Беларусі і поўнасцю іх рэабілітаваць. Пра гэта гаворыцца ў заяве вярхоўнага прадстаўніка ЕС Кэтрын Эштан паводле вынікаў праведзенага 10 жніўня пазачарговага пасяджэння камітэта. 13 жніўня заява размешчана на афіцыйным сайце Еўрапейскай службы знешніх дзеянняў.

14.08.2012 Кіраўніцтва ГА “БАЖ” паручылася за Антона Сурапіна

Хадайніцтва Жанны Літвіной і Андрэя Бастунца аб змене меры стрымання журналіста было накіравана ў Камітэт дзяржаўнай бяспекі, які займаецца расследаваннем справы зняволенага сябра арганізацыі.