Праваабарончы цэнтр «ВЯСНА»

Навіны за 18 ліпеня 2012

18.07.2012 Заява Amnesty International адносна крымінальнага пераследу Змітра Дашкевіча

Беларускаму вязню сумлення Змітру Дашкевічу пагражае падаўжэнне тэрміну зняволення на адзін год за парушэнне рэжыму адбыцця пакарання. Большую частку свайго зняволення ён правёў у штрафным ізалятары.

18.07.2012 Незалежны навіновы сайт САЛІГОРСК.org патрапіў у спіс забароненых

Пра гэта салігорскім карыстальнікам паслугаў перадачы дадзеных аператара сотавай сувязі ТАА СП “Белсэл” паведамілі ў самой кампаніі. Сайт заблакаваны для абанентаў ад суботы 14 ліпеня. Па словах прадстаўнікоў кампаніі блакіроўка адбылася ў сувязі з абнаўленнем спісу забароненых сайтаў, у які патрапіў і рэгіянальны рэсурс САЛІГОРСК.org.

18.07.2012 Старшыня Партыі БНФ падаў дакументы на рэгістрацыю ініцыятыўнай групы

Старшыня Партыі БНФ Аляксей Янукевіч 17 ліпеня падаў дакументы на рэгістрацыю сваёй ініцыятыўнай группы ў Аўтазаводзкую акруговую камісію № 92, дзе ён ўжо неаднарозава вылучаўся.

18.07.2012 Орша: зарэгістравана ініцыятыўная група Канстанціна Анташкевіча

У ініцыятыўную групу актывіста кампаніі "Гавары праўду", сябра аргкамітэта БСДП (НГ) Канстанціна Анташкевіча ўвайшлі лідэры кампаніі "Гавары праўду" Уладзімір Някляеў, Андрэй Дзмітрыеў, Сяргей Вазняк, Аляксандр Фядута, а таксама мясцовыя актывісты кампаніі.

18.07.2012 Гомель: зарэгістравана ініцыятыўная група Ігара Случака

Сярод пяці ініцыятыўных групаў па вылучэнні кандыдатаў у дэпутаты па Гомельскай-Савецкай выбарчай акрузе №34 зарэгістравана і група каардынатара грамадзянскай кампаніі «Справаводства па-беларуску!» Ігара Случака.

18.07.2012 У Слоніме пакуль зарэгістравалася толькі група Івана Шэгі

Кіраўнік Слонімскай суполкі Партыі БНФ Іван Шэга падаў у Слонімскую акруговую выбарчую камісію № 58 дакументы на рэгістрацыю сваёй ініцыятыўнай групы. Па інфармацыі акруговай камісіі, пакуль гэта адзіная зарэгістраваная ініцыятыўная група.

18.07.2012 Слуцкая раёнка не ўтаіла месцы працы сябраў акруговай камісіі

Раённая газета "Слуцкі край" нарэшце заўважыла, што ў краіне выбары. На сайце выдання з'явілася рубрыка "Выбары-2012", а на першай паласе апублікаваны склад акруговых камісій. Але ўсё ж больш выданне цікавіць тэма недасведчанасці Барака Абамы і Ангелы Меркель, працягнутая пад загалоўкам «Шпіёнскія штучкі ЗША».

18.07.2012 Хоцімск: Каранкевіч зноў падаў дакументы на рэгістрацыю ініцыятыўнай групы

Прэтэндэнт у кандыдаты з Хоцімска Валерый Каранкевіч 17 ліпеня паўторна падаў у камісію Крычаўскай выбарчай акругі № 83 дакументы на рэгістрацыю сваёй ініцыятыўнай групы. Таксама ён накіраваў у ЦВК скаргу на прадстаўнікоў уладных структур, якія аказвалі ціск на сябраў папярэдняй ініцыятыўнай групы па яго вылучэнні ў якасці кандыдата.

18.07.2012 Слонім. «Перадумалі і адмянілі!»

Слонімскі райвыканкам вусна адмяніў ранейшае рашэнне аб забароненых для пікетавання месцах, апублікаванае ў "Слонімскім весніку" 11 ліпеня, і вызначыў новыя забароненыя месцы. На пытанне, чаму так адбылося, старшыня Слонімскай выбарчай акруговай камісіі № 58 Алена Мачаліна (яна ж кіраўнік справамі райвыканкама) адказала: «перадумалі і адмянілі!»

18.07.2012 “Парламенцкія выбары пройдуць, як і прэзідэнцкія. Бездакорна”

Гэтыя словы сакратара Цэнтрвыбаркама афіцыйнае выданне “Вячэрні Брэст” вынесла ў загаловак да інфармацыі пра семінар-вучобу для кіраўнікоў акруговых камісіяў, што Мікалай Лазавік правёў 17 ліпеня ў Брэсце.

18.07.2012 Слуцк: Назіральнік абскардзіў рашэнне выканкама аб месцах, дзе забаронены пікеты

Назіральнік ад Беларускага Хельсінкскага Камітэта Віталь Амяльковіч звярнуўся да старшыні Мінаблвыканкама Барыса Батуры са скаргай на дзеянні мясцовых уладаў у перыяд перадвыбарнай кампаніі.

18.07.2012 Дзяржвыданні Гомельшчыны – пра выбары

Ці пішуць пра выбары дэпутатаў у Палату прадстаўнікоў Нацыянальнага сходу Рэспублікі Беларусь пятага склікання сайты дзяржаўных раённых выданняў Гомельскай вобласці? Адказу на гэтае пытанне давялося шукаць у інтэрнэт-версіях рэгіянальных выданняў, з якімі прапаноўвае азнаёміцца сайт “СМІ Гомельскай вобласці”.

18.07.2012 У дачыненні да Змітра Дашкевіча распачата новая крымінальная справа

Пра гэта было аб'яўлена сёння раніцай у перадачы "Зона Х" ў эфіры тэлеканала "Беларусь 1".

18.07.2012 Касю Галіцкую за “лаянку” ў судзе асудзілі на 10 сутак

У судзе Маскоўскага раёна Менска ў 9 раніцы пачаўся разгляд адміністрацыйнай справы Касі Галіцкай, якая “таемным чынам” знікла 17 ліпеня з памяшканьня Дома Правасуддзя ў Менску.