Праваабарончы цэнтр «ВЯСНА»

Навіны за 28 лістапада 2011

28.11.2011 Крупкі: участковы не пацвердзіў «удар нагой у твар»

28 лістапада ў Крупках прайшло паседжанне суда ў дачыненні да апошняга фігуранта масавых затрыманняў, якія мелі месца ў раённым цэнтры 18 і 19 лістапада. Аляксандр Шыгураў, якога абвінавачвалі ў непадпарадкаванні міліцыі і ў тым, што ён нанёс удар нагой у твар участковаму інспектару Чэпянцу, апраўданы.

28.11.2011 Віцебскія праваабаронцы звярнуліся ў Вярхоўны суд з прапановамі па ўдасканаленні працы

Але ўсё, што ім адказалі, - гэта паведаменне пра тое, што іх ліст перанакіраваны старшыні Віцебскага абласнога суду “для прыняцьця да ведама выкладзеных у лісце заўвагаў і прапановаў па арганізацыі працы Віцебскага абласнога суду і раённых судоў Віцебскай вобласці”.

28.11.2011 Інтэрнэт вырашана адключыць

Арыгінальны спосаб процідзеяння доступу жыхароў да апазіцыйных сайтаў вынайшлі ў Талачынскім раёне.

28.11.2011 З-за грамадскага кантролю асудзіць па-хуткаму не атрымался?

Сайт “Вясны” ўжо пісаў пра перашкоды ў працы адвакатаў па справе аб трагічнай смерці гадавалай дзяўчынкі каля мястэчка Старобін Салігорскага раёна. Гэтая справа не належыць да ліку палітычных, але мясцовыя прадстаўнікі Беларускага Хельсінскага камітэту звярнулі сваю ўвагу на недапушчальнасць парушэння права абвінавачанага на дапамогу адваката.

28.11.2011 Прэс-канферэнцыя па крымінальнай справе аб менскім тэракце

Прадстаўнікі грамадзянскай кампаніі “Праваабаронцы супраць смяротнага пакарання” запрашаюць28 лістапада а 12-й гадзіне на прэсавую канферэнцыю па пытаньню крымінальнай справы аб тэракце 11 красавіка 2011 года ў Менску. Прэс-канферэнцыя адбудзецца на офісе “Беларускага Хельсінкскага Камітэта” па адрасе: г. Мінск, вул. К.Лібкнехта, 68, офіс 1201.

28.11.2011 Украінскія праваабаронцы заклікалі сваю ўладу афіцыйна адрэагаваць на заключэнне Алеся Бяляцкага

Прадстаўнік Камітэта міжнароднага кантролю за сітуацыяй з правамі чалавека ў Беларусі Аляксандра Матвійчук заклікала Украіну даць афіцыйную ацэнку сітуацыі ў сувязі з асуджэннем да 4,5 гадоў пазбаўлення волі беларускага праваабаронцы Алеся Бяляцкага.

28.11.2011 Сяргей Каваленка адпушчаны дадому, суд над ім - 5 сьнежня

Высьветліўся лёс актывіста Кансэрватыўна-хрысьціянскай партыі БНФ Сяргея Каваленкі. 25 лістапада ён усё-такі паўстаў перад судом. У Першамайскім судзе Віцебску Сяргей Каваленка заявіў хадайніцтва аб прыцягненьні да працэсу адваката.

28.11.2011 Праваабаронцы патрабуюць не ўжываць смяротнае пакаранне ў адносінах да Дзмітрыя Канавалава і Уладзіслава Кавалёва!

Заява беларускіх праваабаронцаў адносна патрабавання дзяржаўнага абвінаваўцы аб прымяненні смяротнага пакарання ў дачыненні да Дзмітрыя Канавалава і Уладзіслава Кавалёва.