21.09.2011 Каб не ездзіць на следчыя выклікі з Гродна ў Мінск, Губарэвіча прапанавалі пасадзіць

Ужо больш за месяц праходзіць следства над сябрамі БНФ, якія падазраюцца паводле артыкула Крымінальнага Кодэксу "хуліганства, здзейсненае групай асобаў". Паездка ў Мінск на вочную стаўку, на якую запрасілі гродзенца Максіма Губарэвіча, намесніка старшыні гарадзенскага БНФ, завяршылася нічым.

21.09.2011 Саннікава перавялі ў іншую калонію

Кандыдата ў прэзідэнты перавялі з калоніі ў Наваполацку ў Бабруйскую ВК-2. Пра гэта паведаміла жонка палітыка Ірына Халіп. Сёння яна атрымала тэрміновую тэлеграму аб пераводзе Андрэя Саннікава ў іншую калонію.

21.09.2011 Магілёўскія актывісты праводзяць акцыі салідарнасці з палітвязнямі

У Магілёве 20 верасня адбыўся чарговы сход грамадскага камітэту дапамогі палітвязням. Пра гэта паведаміла гарадская каардынатарка аргкамітэту па стварэнні партыі "Беларуская Хрысціянская Дэмакратыя" Тацяна Шамбалава.

21.09.2011 Зьмітра Дашкевіча пераводзяць у іншую калёнію

Палітычна зьняволенага Зьмітра Дашкевіча перавядуць з Горацкай калёніі ў іншую.

21.09.2011 Перад пратэстамі 21 верасня ў школах з бацькоў патрабуюць распіскі за дзяцей

Хто не прынясе даведкі, таго да дзявятай вечара не выпусцяць са школы.

21.09.2011 10 сутак арышту за налепкі пра акцыю маўклівага пратэсту

Вольгу Падзерыну асудзіў суд Ленінскага раёна Мінска.

21.09.2011 Анатолю Паплаўнаму вярнулі 15 сутак арышту

19 верасьня судзьдзя Цэнтральнага раёну Гомеля Марына Дамненка асудзіла праваабаронцу Анатоля Паплаўнага на 15 сутак адміністрацыйнага арышту за лаянку. Такім чынам пацьверджана аналягічнае пакараньне, вынесенае спадару Паплаўнаму 4 ліпеня судзьдзёй Цалковай, але адмененае абласным судом. Паўмесяца ён адседзеў за кратамі.

20.09.2011 “Вясна” прапануе абскарджваць адмовы па хадайніцтвах за Алеся Бяляцкага

У адказ на хадайніцтвы аб змене меры стрымання ў дачыненні старшыні Праваабарончага цэнтру “Вясна” Алеся Бяляцкага шматлікім заяўляльнікам прыходзілі фармальныя адпіскі. Такія адмовы, на думку юрыстаў Праваабарончага цэнтру “Вясна”, абавязкова трэба абскарджваць.

20.09.2011 Заклікі да вызвалення Алеся Бяляцкага сёння зноў прагучалі ў ААН

20 верасня ў будынку Рады па правах чалавека ААН у Женеве праваабаронцы правялі сайд-івэнт пра пераслед віцэ-прэзідэнта FIDH і старшыні Праваабарончага цэнтру “Вясна” Алеся Бяляцкага. Падчас мерапрыемства слова ўзяў кіраўнік місіі Еўразвязу пры Радзе па правах чалавека ААН Дзімітры Іліополос, які заклікаў афіцыйны Менск да неадкладнага вызвалення праваабаронцы, а таксама ўсіх палітычных вязняў Беларусі. Яго пазіцыя была падтрыманая прадстаўнікамі нацыянальных дэлегацыяў шэрагу краінаў Еўразвязу.

20.09.2011 У ААН – дыскусіі па дакладзе пра стан правоў чалавека ў Беларусі

20 верасня на 18-ай сесіі Рады па правах чалавека ААН у Женеве распачаліся слуханні па дакладзе Найвышэйшага камісара па правах чалавека ААН “Сітуацыя з правамі чалавека ў Беларусі”. У працяг дыскусіі па дакладзе, падчас інтэрактыўнага дыялогу, слова будзе прадастаўлена і прадстаўнікам НДА, якія маюць статус у ААН. Ад імя Міжнароднай Федэрацыі за правы чалавека і яе сяброўскай арганізацыі ў Беларусі плануе выступіць і намеснік старшыні Праваабарончага цэнтру “Вясна” Валянцін Стэфановіч.

20.09.2011 У Гомелі затрыманыя Андрэй Цянюта і Васіль Такарэнка (абноўлена)

У Гомелі за распаўсюд улётак затрыманыя грамадскія актывісты Андрэй Цянюта і Васіль Такарэнка. На іх склалі пратакол па артыкуле 23.34 Кодэксу аб адміністратыўных правапарушэннях (Парушэнне парадку арганізацыі альбо правядзення масавага мерапрыемства альбо пікетавання).

20.09.2011 У спатканьні – адмовіць

Сьледчая Дэпартаменту фінансавых расследаваньняў КДК Тацяна Касынкіна адмовіла ў хадайніцтве аб спатканьні жонцы старшыні Праваабарончага цэнтру “Вясна” Алеся Бяляцкага Наталі. Яна не бачылася з мужам ад 5 жніўня, калі праваабаронцу перавозілі з аддзела папярэдняга расследаваньня ДФР у СІЗА-1.

20.09.2011 Дзьмітры Шаўчэнка галадае ў ізалятары

Гомельскі грамадзкі актывіст Дзьмітры Шаўчэнка, пакараны судом на 15 сутак адміністрацыйнага арышту за распаўсюд улётак пра маўклівую акцыю пратэсту, яшчэ ў залі суду заявіў, што пачынае галадоўку.

20.09.2011 Праваабарончая праграма“Людзьмі звацца!” на Радыё Рацыя

У Доме правасудзьдзя ў Менску 15 верасьня распачаўся працэс над Дзьмітрыем Канавалавым і Уладзіславам Кавалёвым, якіх вінавацяць ў выбуху на станцы метро “Кастрычніцкая” 11 красавіка 2011 году. У гэтай справе шмат таямніц і закрытых старонак. Пра ход судовага працэсу слухайце ў “Хроніцы пераследу”.

На мінулым тыдні былі памілаваныя яшчэ адзінаццаць палітвязняў, якія адбывалі пакараньне за ўдзел у акцыі пратэсту ў Менску 19 снежня 2010 года. Падрабязнасці пра іх доўгачаканае вызваленьне - у рубрыцы “Падзея тыдня”.

20.09.2011 Гродзенскі абласны суд пакінуў у сіле прыгавор журналісту Андрэю Пачобуту

20 верасня Гродзенскі абласны суд не задаволіў касацыйную скаргу мясцовага журналіста Андрэя Пачобута на прыгавор Ленінскага суда горада.