Праваабарончы цэнтр «ВЯСНА»

Навіны за Чэрвень 2011

27.06.2011 Міліцыя хацела патрапіць у мінскі офіс Радыё Рацыя

У офіс Радыё Рацыя, дзе знаходзіўся карэспандэнт Рыгор Сапяжынскі, прыходзілі міліцыянты і правёўшы каля дзвярэй з дзесятак хвілін, сышлі.

27.06.2011 Н.Крапівіна: Каб дапамагчы Алесю ўладкаваць жыццё ў калоніі

Судовая калегія разглядала скаргі асуджаных па справе “19-га снежня” Паўла Вінаградава, Алеся Кіркевіча, Дзмітрыя Дразда, Аляксандра Пратасені і Уладзіміра Хамічэнкі.

27.06.2011 Канферэнцыя міжнародных НДА занепакоеная абмежаваннямі свабоды асацыяцыяў у Беларусі

22 чэрвеня ў Страсбургу (Францыя) на сесіі Канферэнцыі міжнародных НДА Савета Еўропы была прынятая Рэзалюцыя аб свабодзе асацыяцый у Рэспубліцы Беларусь. Праект рэзалюцыі быў вылучаны прадстаўнікамі міжнароднага Моладзевага Праваабарончага Руху і Беларускага Хельсінскага Камітэта.

27.06.2011 Беларускія праваабаронцы заступяцца за палітвязняў

Ва ўсе калоніі, дзе адбываюць турэмныя тэрміны ўдзельнікі Плошчы, будуць разасланыя лісты з падрабязнай інфармацыяй пра міжнародны розгалас судовай справы і ўмоваў адбыцця пакарання.

27.06.2011 Магілёў: удзельнікаў маўклівых акцыяў папярэджваюць

Удзельнікаў акцыі "Рэвалюцыя праз сацыяльную сетку" ў Магілёве папярэджваюць пра адказнасьць за ўдзел у несанкцыянаваных мерапрыемствах.

27.06.2011 Купалле ў Бялыніцкім раёне спрабавалі разагнаць з дапамогай АМАПу

Вечарам 24 чэрвеня да традыцыйнага месца правядзення народнага свята Купалля ў Бялыніцкім раёне на рацэ Друць каля вёскі Гута прыбыў аўтобус з магілёўскімі АМАПАўцамі. Супрацоўнікі міліцыі папярэдзілі людзей, што калі намёты не будуць разабраныя на працягу дзвюх гадзін і лагер не будзе згорнуты, то да іх будзе ўжыта фізічная сіла. Арганізатары свята адмовіліся выконваць патрабаванні супрацоўнікаў міліцыі, бо, на іх думку, гэтыя патрабаванні абсалютна незаконныя.

27.06.2011 У Тычыны адбыўся ператрус

26 чэрвеня ў Салігорску быў затрыманы Андрусь Тычыны. Падставай сталі знойдзеныя ў заплечніку маладзёна ўлёткі, заклікаючыя выйсьці на плошчу 29 чэрвеня. Пасьля кансультацыі з менскім начальствам міліцыянты адправіліся на кватэру моладзевага актывіста і правялі там ператрус.

27.06.2011 Пікет супраць катаваньняў у Вільні

У Міжнародны дзень у падтрымку ахвяраў катаваньняў, які адзначаецца 26 чэрвеня, беларускія актывісты правялі ў Вільні акцыю супраць прымянення рэжымам Лукашэнкі катаванняў у дачыненні да беларускіх палітвязняў.

27.06.2011 Папярэджаньні за «рэвалюцыю праз сацыяльныя сеткі» ў Берасьці

Берасьцейская абласная пракуратура зацікавілася арганізатарамі маўклівай акцыі пратэсту ў Берасьці.

27.06.2011 Ігару Банцару — штраф 2.100.000 рублёў

Актывіст Саюзу палякаў журналіст Ігар Банцар пакараны штрафам у памеры 60 базавых адзінак (2.100.000 рублёў). Абвінавачаньне: дробнае хуліганства, непадпарадкаваньне міліцыі.

24.06.2011 Мікалай Дзядок аспрэчвае вынесены яму прысуд

Асуджаны па “справе анархістаў” студэнт Еўрапейскага гуманітарнага універсітэта Мікалай Дзядок падаў касацыйную скаргу на вынесены прысуд. Мінскі гарадскі суд разгледзіць яе 8 ліпеня.

24.06.2011 Прысуды зноў пакінулі бязь зьменаў

У Менскім гарадзкім судзе адбыўся разгляд касацыі асуджаных за Плошчу Паўла Вінаградава, Алеся Кіркевіча, Дзьмітрыя Дразда, Аляксандра Пратасені і Ўладзімера Хамічэнкі.

24.06.2011 Актывісту БХД пагражаюць звальненнем за ўдзел у акцыях пратэсту

Кобрынскага актывіста аргкамітэту па стварэнні партыі "Беларуская Хрысціянская Дэмакратыя" Станіслава Кучынскага, затрыманага 22 чэрвеня за ўдзел у акцыі маўклівага пратэсту, пагражаюць звольніць, калі ён працягне пратэставаць.

24.06.2011 Пракурор просіць для Пачобута 3 гады зьняволеньня

Судовае паседжаньне па крымінальнай справе Андрэя Пачобута 24 чэрвеня доўжылася каля 20 хвілінаў. За гэты час адбыўся выступ пракурора, які папрасіў для абвінавачанага журналіста 3 гады калоніі агульнага рэжыму. Працяг працэсу прызначаны на 10 гадзін 28 чэрвеня.