03.06.2010 Співаемся...

Пачынаючы з 2004-га, у Беларусі штогод выяўляецца больш за 30 тысяч новых алкаголікаў. Гэта прыкладна столькі ж, колькі пражывае, напрыклад, у Iўеўскім альбо Ашмянскім раёнах і значна болей, чым налічваецца насельніцтва ў Зэльвенскім ці Бераставіцкім раёнах.

03.06.2010 Ахвяры прымусовай падпіскі

Паштары аддзяленьня сувязі вёскі Падрэчча, што ў Кіраўскім раёне Магілёўшчыны, заявілі пра сваё звальненьне.

03.06.2010 У Гродна будуць судзіць распаўсюдніка «Новага часу»

Грамадскага актывіста Зміцера Бандарчука, які распаўсюджваў афіцыйна зарэгістраваную газету «Новы час», абвінавачваюць у парушэнні Адміністратыўнага кодэксу.

03.06.2010 Маці Андрэя Жука, расстралянага ў сакавіку, толькі зараз атрымала пасведчанне пра смерць сына

У ЗАГСе Салігорска 1 чэрвеня Святлане Жук, нарэшце, выдалі пасведчанне пра смерць сына. У дакуменце ўказаны дзень смерці – 18 сакавіка 2010 года, у графе “прычына смерці” – прочырк. Акт зафіксавання смерці датаваны 21-ым сакавіка.

Каб атрымаць пацверджанне пра тое, што сына больш няма ў жывых, жанчыне давялося прыкласці нямала намаганняў.

03.06.2010 Зьбіты моладзевы актывіст патрабуе ўзбудзіць крымінальную справу ў дачыненьні да міліцыянтаў, якія перавысілі свае службовыя паўнамоцтвы

Актывіст "Моладзі БНФ" Зьміцер Пармон, які ў выніку зьбіцьця супрацоўнікамі міліцыі апынуўся ў 6-м гарадскім клінічным шпіталі з дыягназам “пералом ключыцы”, накіраваў заяву ў пракуратуру Цэнтральнага раёну сталіцы з прозьбай правесьці пракурорскую праверку выкладзеных фактаў і прыцягнуць віноўных да адказнасьці.

03.06.2010 У Брэсце дапыталі Ганну Канюс

Старшыню Брэсцкай гарадской арганізацыі Беларускай сацыял-дэмакратычнай партыі "Грамада" Ганну Канюс дапыталі ў міліцэйскім пастарунку Маскоўскага РАУС Брэста. Прычынаю допыта з'яўляецца справа ператрусаў актывістаў грамадзянскай кампаніі "Гавары праўду!".

02.06.2010 Рэдакцыі «Народнай волі» вынеслі трэцяе цягам года папярэджанне

Папярэджанне вынесена за парушэнне арт. 4 Закона «Аб СМІ», які абавязвае сродкі масавай інфармацыі распаўсюджваць адпаведную рэчаіснасці інфармацыю. Яно тычыцца серыі публікацый І. Копыла «Нябышына. Вайна», што друкавалася ў выданні ў сакавіку 2010 года.

02.06.2010 Выдаўца «самвыдатаўскай» газеты «Покліч волі» звольнілі з працы

Сяргей Салодкін, цяпер ужо былы настаўнік беларускай мовы з вёскі Копці Віцебскага раёна, выдае для землякоў газету накладам 299 асобнікаў на ўласныя сродкі. Ён не выключае, што крытычныя артыкулы «паспрыялі» яго звальненню.

02.06.2010 У Лідзе адбыўся стыхійны мітынг пратэсту

У райцэнтры Ліда на Гарадзеншчыне сабрана ўжо каля двух тысяч подпісаў пад патрабаваньнем да ўладаў адмяніць рашэньне аб будаўніцтве заводу са шкоднай вытворчасьцю. Свой пратэст людзі выказалі і на стыхійным мітынгу, які адбыўся 1 чэрвеня.

02.06.2010 Брэст: допыты актывістаў

Актывістаў Беларускай сацыял-дэмакратычнай партыі "Грамада" Брэста выклікалі ў міліцыю. Прычынаю выкліку з'яўляюцца ператрусы, звязаныя з грамадзянскай кампаніяй "Гавары Праўду".

02.06.2010 Аўтааматары зьвярнуліся ў прэзыдэнцкую адміністрацыю

1 чэрвеня аўтааматары перадалі ў Адміністрацыю прэзыдэнта калектыўны зварот з патрабаваньнем перагледзець парадак фарміраваньня адпускных цэн канцэрну "Белнафтахім" на нафтапрадукты.

02.06.2010 Апазіцыйнага экс-кандыдата звальняюць з працы

Экс-кандыдат у Гомельскі абласны Савет дэпутатаў па Палескай выбарчай акрузе № 43 Уладзімір Целяпун 31 траўня, пасля адпачынку, атрымаў уведамленне аб спыненні з ім працоўнага кантракта з 30 чэрвеня 2010 года. Дэмакратычны актывіст працуе на пасадзе начальніка тэхнічнага аддзела ААТ "Беларускабель".

Ён адзначае, што ні прычын, ні тлумачэнняў з нагоды прыпынення кантракта ад наймальніка ў асобе дырэктара ААТ "Беларускабель" не атрымаў, але дапускае дзьве магчымыя прычыны.

02.06.2010 Андруся Крэчку барысаўскія міліцыянты адпусьцілі ўначы

Позна ўначы супрацоўнікі барысаўскай міліцыі адпусьцілі кіраўніка Моладзі БНФ Андруся Крэчку. Пры гэтым яны не вярнулі каля 50 дыскаў з мультфільмамі, перакладзенымі на беларускую мову, паштоўкі, якія зрабілі актывісты "Моладзі БНФ" да Дня абароны дзяцей, балёнікі.

02.06.2010 У Горках затрыманы актывісты кампаніі “Гавары праўду!”

1 чэрвеня ў Горках былі затрыманы актывісты кампаніі “Гавары праўду!” Эдуард Брокараў і Галіна Будная. Яны раздавалі шарыкі зялёнага колеру каля Горацкага РКЦ на мерапрыемстве, прысвечаным Міжнароднаму дню абароны дзяцей. Пра гэта паведаміў Эдуард Брокараў.

01.06.2010 Затрыманыя абаронцы дзіцячых ільготаў

Сёньня ў парку імя Горкага былі затрыманыя прадстаўнікі ініцыятыўнай групы па вяртаньні ільготаў дзецям.