Праваабарончы цэнтр «ВЯСНА»

Навіны за 25 красавіка 2010

25.04.2010 Менск:Вынікі раздзельнага падліку галасоў не абвяшчаюцца

Старшыня ўчастковай камісіі Мікалай Чэрнік катэгарычна адмовіўся абвяшчаць вынікі раздзельнага падліку галасоў: асобна датэрміновага галасавання, галасавання на даму і ў дзень асноўнага галасавання. Пасля гэтага ён на вачах назіральнікаў занатаваў пад тэлефонную дыктоўку лічбы і працэнты.

25.04.2010 Магілёў: Праваабаронцу Аляксея Колчына выдалілі з выбарчага участка

“Калі пачаўся падлік галасоў я ўстаў і падыйшоў бліжэй, каб бачыць працэдуру падліку, - гаворыць Аляксей, - старшыня выбарчай камісіі загадаў мне заняць месца для назіральнікам, на што я адказаў, што там нічога не бачна”. Пасля таго як Аляксей адмовіўся падпарадкавацца жаданню старшыні выбарчай камісіі той загадаў супрацоўніку міліцыі выправадзіць яго з участка.

25.04.2010 Магілёў: За паўгадзіны да сканчэння галасавання пачалі падлічваць нявыкарыстаныя бюлетэні

У Магілёве на выбарчым участку №59, што ўваходзіць у склад Педагагічнай выбарчай акругі №13 па выбарах дэпутатаў у гарадскі Савет дэпутатаў, невыкарыстаныя бюлетэні пачалі падлічваць за паўгадзіны да сканчэння галасавання.

25.04.2010 Мікалай Лазавік – назіральніку: Калі вас не пусцяць у тэрытарыяльную камісію, то яны будуць мець рацыю

Патэлефанаваўшы 24 красавіка ў Цэнтрвыбаркам, назіральнік распавёў Лазавіку, як яго раней не пускалі ў дзень галасавання ў тэрытарыяльную камісію, заяўляючы, што ён можа прысутнічаць назіральнікам у дзень выбараў толькі на пасяджэнні тэрытарыяльнай камісіі. Далей Сяргей Гоўша выказаў сваё меркаванне наконт таго, што праца камісіі па прыёму выбарчых бюлетэняў і пратаколаў з участкаў і праводзіцца ў рэжыме пасяджэння. А інакш - як яна можа прымаць пратаколы і галасаваць аб прыняцці ці непрыняццці гэтых дакументаў? Таму назіральнік і запытаўся, якога меркавання ў гэтым пытанні прытрымліваецца М.Лазавік.

25.04.2010 Менск: У спісе для галасавання на даму было чатыры нябожчыкі

Назіральніку Аляксею Хадыку ад Партыі БНФ на 73-м выбарчым участку Мірашнічэнкаўскай выбарчай акругі № 43 Савецкага раёна Менску ўдалося далучыцца да адной з дзвюх групаў членаў камісіі, якія выйшлі са скрынкамі на галасаванне на даму, на якое па словах старшыні камісіі, было пададзена 120 заяў, аб чым сведчыў адпаведны спіс.

25.04.2010 ЦВК пацвярджае, што камісіі павінны агучваць вынікі раздзельнага падліку галасоў

Назіральнікі, якія сёння знаходзяцца на ўчастках для галасавання, сутыкнуліся з тым, што адносна агалошвання вынікаў падліку галасоў старшыні камісій маюць абсалютна розныя ўяўленні. На адных участках старшыні кажуць, што збіраюцца агалошваць вынікі раздзельнага падліку галасоў, на іншых камісіі адкрыта заяўляюць, што агалошваць вынікаў раздзельнага падліку не збіраюцца.

25.04.2010 Малеч: гульні ў даганялкі

Для галасаваньня на даму сябры Малечскага выбарчага ўчастка №29 выбарчай акругі №20 атрымалі на 10 бюлетэняў болей, чым было пададзена заявак ад выбарцаў.

25.04.2010 Віцебск: Галасаванне праходзіць са стандартнымі парушэннямі

Галасаванне, якое ў цяперашні час праходзіць на участках Віцебска, адзначаецца тымі ж парушэннямі выбарчага заканадаўства, што і на папярэдніх выбарах. А менавіта: бюлетэні для галасавання выдаюцца без прад'яўлення пашпарта або іншых дакументаў, якія сведчаць асобу. У кабінках для таемнага галасавання без усялякай неабходнасці знаходзяцца староннія людзі - часцей за ўсё знаёмыя і сваякі, тых, хто галасуе.

25.04.2010 Неверагодна, але факт: Чатыры кандыдаты ў дэпутаты ў Чысці аказаліся адначасова сябрамі ўчастковых камісій

Па дадзеных фактах грубага парушэння закона пададзены заявы ў пракуратуру Маладзечанскага раёна і Цэнтральную камісію. У заявах выкладзена просьба правесці расследаванне фактаў грубага парушэння заканадаўства, прыняць адпаведныя меры пракурорскага рэагавання і прызнаць выбары па ўчастках №72, №73, №74 Маладзечанскага раёна неадбыўшыміся.

25.04.2010 Менск: Улётка праўладнага кандыдата цэлы дзень вісела на ўчастку для галасавання

Падчас выбараў 25 красавіка на дзвярах школы № 38, дзе знаходзяцца чатыры ўчасткі для галасавання па Адаеўскай выбарчай акрузе № 36, цэлы дзень вісела ўлётка кандыдата ў дэпутаты Васіля Панасюка, дырэктара філіяла рэспубліканскага ўнітарнага прадпрыемства «Мінскэнерга».

25.04.2010 Назіральніка Пятроўскага выдалілі з дапамогай міліцыі

З выбарчага участка №57 Чыгуначнай выбарчай акругі №20 былі выдаленыя назіральнік Віктар Пятроўскі і давераная асоба кандыдата ў дэпутаты Фёдара Масленнікава Міхась Пашкевіч. Старшыня камісіі Васіль Ананька не патлумачыў прычын свайго рашэння і адмовіўся пісьмова яго афармляць. Ён выклікаў міліцыянта і загадаў выдаліць іх з памяшкання.

25.04.2010 Салігорск: Назіральнікі ад згуртавання казакаў пагражалі даверанай асобе Аляксея Валабуева

У Салігорску назіральнікі ад згуртавання казакаў на адным з участкаў для галасавання пагражалі збіццём даверанай асобе кандыдата ў дэпутаты Аляксея Валабуева Івану Шылу і актывісту выбарчага штаба Андрусю Тычыну. Ужываючы нецэнзурную лаянку і знявагі, казакі-назіральнікі запатрабавалі ад маладых людзей пакінуць тэрыторыю школы, на якой месціцца ўчастак. Прыгэтым супрацоўнік міліцыі, які знаходзіўся побач, ніяк не адрэагаваў на дзеянні казакаў.

25.04.2010 Гомельшчына: Выбары без выбару

У большасці раёнаў Гомельскай вобласці выбары ў мясцовыя Саветы праходзяць на безальтэрнатыўнай аснове. Напрыклад, у Рагачоўскім і Светлагорскім раёнах амаль ва ўсіх выбарчых акругах толькі па адным кандыдаце. І амаль усе кандыдаты - прадстаўнікі ўлады альбо кіраўнікі падуладных арганізацый і устаноў.

25.04.2010 Бабруйск: З участка “зніклі” некалькі соцень бюлетэняў

Кандыдат у дэпутаты Яўген Васьковіч, сябра бабруйскай суполкі БХД, які балатуецца па Заслонаўскай выбарчай акрузе № 16, заўважыў, што з участка № 14 “знікла” некалькі соцен бюлетэняў.

25.04.2010 Брэст: Скрыні для датэрміновага галасавання і перанасныя скрыні знаходзіліся па-за межамі ўчастка

Назіральніку прыйшлося паказаць Рэкамендацыі ЦВК па правядзенні выбараў. Толькі пасля гэтага скрыні вярнулі ў памяшканне, дзе яня даступныя да нагляду сябраў выбарчай камісіі.