Праваабарончы цэнтр «ВЯСНА»

Навіны за Сакавік 2009

11.03.2009 Алесь Бяляцкі – на Радыё Свабода

Сёння ўдзельнікі онлайн-канфэрэнцыі Радыё Свабода мелі магчымасць задаць свае пытанні Алесю Бяляцкаму, праваабаронцу, віцэ-прэзідэнту Міжнароднай Федэрацыі правоў чалавека (FIDH), лаурэату прэміі Homo Homini за праваабарончую дзейнасць (2006 г.). Гэтая віртуальная размова паказала, што грамадзянаў цікавіць як агульная сітуацыя з правамі чалавека ў Беларусі, так і асобныя лёсы праваабаронцаў.

11.03.2009 Праваабаронцы занепакоеныя выказваннем П.Міклашэвіча пра рэферэндум па пытанні адмены смяротнага пакарання

Пытанне аб адмене смяротнага пакарання ў Беларусі, у адпаведнасці з Канстытуцыяй, можа быць вырашана толькі на рэферэндуме, адзначыў старшыня Канстытуцыйнага суда Беларусі Пётр Міклашэвіч на прэс-канферэнцыі 11 сакавіка. Паводле яго словаў, “у Канстытуцыі закладзены асобы парадак, што датычыцца адмены смяротнага пакарання”, паведамляе interfax.

11.03.2009 У Астраўцы аглядаюць кватэры і робяць відэазапіс памяшканьняў актывістаў ініцыятывы "Астравецкая атамная - гэта злачынства"

А палове на дзевятую раніцы да лідэра грамадзкай ініцыятывы “Астравецкая атамная – гэта злачынства”, Міколы Уласевіча, дамоў прыйшлі міліцыянты з панятымі. Хатні тэлефон Івана Крука – не адказвае. Пра гэта паведамляе сёньня Радыё Свабода.

11.03.2009 Гары Паганяйла: Прысуд Яне Паляковай быў вынесены незаконна

Толькі сёньня, 11 сакавіка, Неаніле Паляковай нарэшце выдалі копію прысуду, вынесенага Салігорскім судом яе дачцэ Яне Паляковай, якая скончыла жыцьцё самагубствам 7 сакавіка. Першае ж азнаямленьне з прысудам ужо дае падставы казаць пра грубае парушэньне закону на працэсе над Янай Паляковай, заяўляюць яе былыя калегі.

11.03.2009 Брусель і Мінск пачынаюць дыялог аб правах чалавека

Еўрасаюз не толькі не забывае пра сітуацыю з правамі чалавека ў Беларусі, але распачне асобны дыялог для іх абароны. Мінск ужо даў сваю згоду на ўзаемадзеянне па праваабарончай тэматыцы. Гэтае рашэнне беларускіх уладаў можа быць успрынятае як чарговы крок насустрач Бруселю, але пытанне аб эфектыўнасці асобнага праваабарончага дыялогу пакуль застаецца адкрытым. Абарона правоў і свабодаў і вяршэнства закона прапісана ва ўсіх асноватворных дакументах Еўрасаюза як прылада падтрымання міру, бяспекі і росквіту. Менавіта таму правы чалавека — неад'емная частка агульнай знешняй палітыкі краін аб'яднанай Еўропы.

11.03.2009 Беларусь - сярод самых несвабодных дзяржаваў свету

Да такой высновы прыйшлі эксперты амерыканскай праваабарончай даследчай арганізацыі “Freedom House”. Гэта адзначана і ў штогадовай справаздачы арганізацыі пра правы чалавека ў свеце.

11.03.2009 На Радыё Свабода - онлайн-канфэрэнцыя з Алесем Бяляцкім

Сёньня, 11 сакавіка а 11-ай гадзіне на Радыё Свабода адбудзецца онлайн-канфэрэнцыя з кіраўніком праваабарончага цэнтру “Вясна” Алесем Бяляцкім. Паводле амэрыканскай арганізацыі "Freedom House", Беларусь знаходзіцца ў двадцатцы самых несвабодных краінаў сьвету.

10.03.2009 “Праваабаронцы супраць смяротнага пакарання ў Беларусі”: першыя вынікі кампаніі

Ужо месяц як распачалася кампанія “Праваабаронцы супраць смяротнага пакарання ў Беларусі”. За гэты час петыцыю, звернутую да беларускіх уладаў, падпісалі 11 вядомых асобаў Беларусі – Старшыня Вярхоўнага Савета Рэспублікі Беларусь 12-га склікання Мечаслаў Грыб, Старшыня Беларускай асацыяцыі журналістаў Жанна Літвіна, пісьменнікі Уладзімір Арлоў, Святлана Алексіевіч і Адам Глобус, музыкі Уладзімір Пугач, Кася Камоцкая, Зміцер Вайцюшкевіч, тэле- і радыёвядучыя Зінаіда Бандарэнка, Тамара Лісіцкая і Кацярына Пытлева. Кожны з гэтых людзей, паставіўшы свой подпіс пад зваротам, выказаў сваё стаўленне да гэтай праблемы і распавёў, што прывяло асабіста яго да высновы пра неабходнасць адмены выключнай меры пакарання ў нашай краіне.

10.03.2009 Прафсаюз РЭП плануе 3 красавіка правесці агульнарэспубліканскую акцыю пратэсту

Прафсаюз работнікаў радыёэлектроннай прамысловасці (РЭП) плануе 3 красавіка правесці агульнарэспубліканскую акцыю пратэсту, паведаміў БелаПАН адзін з лідэраў арганізацыі Аляксандр Бухвостаў.

10.03.2009 Рух "За свабоднае развіццё прадпрымальніцтва" зноў паспрабуе легалізавацца

Ужо другі раз паспрабуе зарэгістравацца ў Мінюсце рух "За свабоднае развіццё прадпрымальніцтва". Устаноўчая канферэнцыя рэспубліканскага грамадскага аб'яднання, лідэрам аргкамітэта якога з'яўляецца Віктар Гарбачоў, папярэдне прызначаная на 24-25 сакавіка.

10.03.2009 Ціск на астравецкіх актывістаў працягваецца

Пракурор Астраўца выдаў ордэр на агляд кватэраў актывістаў Івана Крука й Мікалая Ўласевіча, якія выступаюць супраць будаўніцтва ў рэгіёне атамнай электрастанцыі. Ордэр быў выдадзены яшчэ ў пятніцу й супрацоўнікі міліцыі спрабавалі тады правесьці агляд, але не зрабілі гэтага.

09.03.2009 Заява Абсерваторыі па Абароне Праваабаронцаў у сувязі з адмовай у рэгістрацыі “Нашай Вясны”

Абсерваторыя па Абароне Праваабаронцаў - сумесная праграма Міжнароднай Федэрацыі Правоў Чалавека (FIDH) і Сусветнай Арганізацыі Супраць Катаванняў (OMCT) – звярнулася да прэзідэнта А.Лукашэнкі, генпракурора Р.Васілевіча, пастаяннай місіі Беларусі ў ААН у Жэневе ды ў амбасаду Беларусі ў Бруселі з заявай наконт адмовы ў рэгістрацыі праваабарончага аб’яднання “Наша Вясна”.

09.03.2009 Праваабаронцы аб'яўляюць конкурс творчых прац на тэму смяротнага пакарання

У студзені 2009 году ў Беларусі распачалася кампанія “Праваабаронцы супраць смяротнага пакарання”. У рамках гэтай кампаніі абвяшчаецца конкурс творчых прац па тэме смяротнага пакарання.

09.03.2009 Міхася Пашкевіча “рыхтуюць” да 415 артыкула Крымінальнага Кодэксу?

Старшыня моладзевай арганізацыі АГП “Маладыя дэмакраты” Міхась Пашкевіч атрымаў папярэджанне за парушэньне рэжыму адбывання пакарання ў выглядзе абмежавання волі.