Праваабарончы цэнтр «ВЯСНА»

Навіны за Сьнежань 2008

23.12.2008 Полаччына: умовы для бізнэсу — хоць уцякай

Уладзімер Захараў, уладальнік шэрагу гандлёвых цэнтраў у Полацку і Наваполацку, аддаў загад зачыніць крамы на знак пратэсту супраць неспрыяльных умоваў для разьвіцьця прадпрымальніцтва і гандлю. Полацкі гарвыканкам раіць найманым работнікам прыцягнуць бізнэсоўца да суду.

22.12.2008 Лёс часопіса «ARCHE» пакуль невядомы

Амаль два месяцы прайшло з моманту затрымання на беларуска-польскай мяжы ў Брэсце 10 асобнікаў часопіса «ARCHE», публікацыі ў якіх выклікалі ў мытнікаў падазрэнні наконт экстрэмізму. Але дагэтуль немагчыма даведацца пра лёс адабраных часопісаў.

22.12.2008 У суд па годнасьць

Сёньня суд Савецкага раёну Гомелю адклаў разгляд пазову грамадзкага актывіста, сябра АГП Леаніда Судаленкі на абарону гонару, годнасьці й дзелавой рэпутацыі.

20.12.2008 Віцебскага падлетка Максіма Андрэева адабралі ў маці і змясцілі ў інтэрнат – без судовага рашэння

16 снежня Максіма Андрэева, вучня 9-г класа Віцебскай школы №6, супрацоўнікі міліцыі фактычна сілай вырвалі з рук маці і павезлі ў невядомым напрамку на машыне без апазнавальных знакаў міліцыі. Гэта адбылося, калі маці, Таццяна Андрэева, забірала сына дадому з абласной псіхіятрычнай клінікі, дзе хлопчыка беспадстаўна пратрымалі амаль тыдзень. У міліцыі і пракуратуры на тэлефанаванні жанчыны аб выкраданні дзіцяці не рэагавалі. І толькі бліжэй да вечара ёй ўдалося высветліць, што сын знаходзіцца амаль за за паўтары сотні кіламетраў ад Віцебску. Яго адвезлі ў Ветрынскую школу-інтэрнат, дзе знаходзяцца дзеці-сіроты і дзеці, пазбаўленыя апекі бацькоў. Максіма Андрэева забралі з сям’і без судовага рашэння.

20.12.2008 Суд прызнаў правамернай адмову ў правядзенні пікетаў, прысвечаных 60-годдзю Ўсеагульнай дэкларацыі правоў чалавека

19 снежня ў судзе Кастрычніцкага раёна г.Віцебска адбыўся разгляд скаргі праваабаронцы БКХ Паўла Левінава на забарону намесьніка старшыні гарвыканкаму Лосіча ў правядзенні шэрагу пікетаў, прысвечаных 60-годдзю Ўсеагульнай дэкларацыі правоў чалавека.

20.12.2008 Гомельскія актывісты правялі акцыю "У будучыню - без КДБ"

У Гомелі 19 снежня актывісты стваранай партыі "Беларуская хрысціянская дэмакратыя" і арганізацыі "Малады фронт", правялі інфармацыйную акцыю "У будучыню — без КДБ", прымеркаваную да "Дня працаўніка дзяржбяспекі", які афіцыйна адзначаецца 20 снежня.

20.12.2008 Пачаўся ціск на школьніцу з выселенай брэсцкай сям'і?

Працягваецца справа сям'і Абрамавых, якую паводле позвы брэсцкіх уладаў высяляюць з кватэры. 19 снежня завуч школы, дзе вучыцца наймалодшая з сям'і, 6-гадовая Маша, даручыла класнай кіраўніцы абследаваць сацыяльныя ўмовы яе жыцця.

20.12.2008 АЭС будзе пабудаваная ў Астравецкім раёне

Першая беларуская АЭС будзе пабудаваная ў Астравецкім раёне. Пра гэта паведаміў першы віцэ-прэм'ер Уладзімір Сямашка.

20.12.2008 Суд прызнаў экстрэмісцкімі 13 кніг выдавецтва "Хрысціянская ініцыятыва"

Суд Савецкага раёну Менску прызнаў экстрэмісцкімі і антысеміцкімі 13 кніг, выдадзеных ЗАТ "Хрысціянская ініцыятыва".

19.12.2008 Вярхоўны суд не бачыць перашкод да правядзення амністыі ў 2009 годзе

Вярхоўны суд не бачыць перашкод да правядзення амністыі ў 2009 годзе, заявіў 19 снежня журналістам першы намеснік старшыні ВС Аляксандр Федарцоў.

19.12.2008 Музей гісторыі Вялікай Айчыннай вайны хочуць знесці незаконна?

Старшыня Беларускага таварыства аховы помнікаў гісторыі і культуры Антон Астаповіч 18 снежня звярнуўся да ўладаў — у Міністэрства культуры, Савет міністраў і Генеральную пракуратуру. Гісторык заклапочаны тым, што будынак Беларускага дзяржаўнага музея гісторыі Вялікай Айчыннай вайны выкраслілі з Дзяржаўнага спісу гісторыка-культурных каштоўнасцяў.

19.12.2008 У Гомелі міліцыя ўзяла адбіткі пальцаў у незалежнага журналіста Дзмітрыя Кармазіна

У 1-м аддзяленні Цэнтральнага РАУС Гомеля супрацоўнікі міліцыі ўзялі адбіткі пальцаў у журналіста, члена ГА "Беларуская асацыяцыя журналістаў" Дзмітрыя Кармазіна і апыталі яго наконт выбуху ў Менску на Дзень незалежнасці 3 ліпеня.

19.12.2008 Судовае паседжанне па справе “дробных хуліганаў” перанесена

Сёння 18 снежня ў Берасцейскім абласным судзе адбыўся разгляд скаргі на забарону правядзення ў горадзе “Марша дробных хуліганаў". Але паколькі на разгляд справы не з’явіліся прадстаўнікі Берасцейскага гарвыканкама, то судовае паседжанне было вырашана перанесці на 8 студзеня, каб абавязаць прысутнічаць хоць аднаго прадстаўніка гарвыканкама.

18.12.2008 Пацярпелыя ад судовай сістэмы просяць заснаваць Грамадскую камісію па пераглядзе крымінальных і грамадзянскіх спраў

Група жанчын, чые родныя, блізкія, а таксама яны самі пакутавалі ад памылак беларускай судовай сістэмы, просіць ініцыяваць стварэнне Грамадскай камісіі па пераглядзе крымінальных і грамадзянскіх спраў. Адпаведны ліст будзе накіраваны прэзідэнту А. Лукашэнку, старшыні Палаты Прадстаўнікоў Нацыянальнага Сходу РБ У.Андрэйчанка, старшыні Савета Рэспублікі Б.Батуру.

18.12.2008 Мітынг бізнэсоўцаў каля гарвыканкаму

Сёньня ў Баранавічах ля будынку гарвыканкаму адбыўся стыхійны мітынг прадпрымальнікаў. Пра гэта “Свабодзе” паведаміў грамадзкі актывіст Мікалай Чарнавус.