20.11.2008 Жонку праваабаронцы выклікаюць у КДБ

Сёння супрацоўнік КДБ патэлефанаваў дадому Аліне Стэфановіч, жонцы праваабаронцы Валянціна Стэфановіча, і запрасіў на размову.

20.11.2008 Актывіста папярэдзілі пра звальненне

Мастоўскаму актывісту Руху “За Свабоду” Змітру Кухлею перадалі афіцыйнае паведамленне ад кіраўніцтва ТАА “Мастоўдрэў” пра спыненне працоўных адносінаў.

20.11.2008 Чаму не дазваляюць мітынгі?

Каардынатар Руху “За Свабоду” па Гомельскай вобласьці Уладзімер Кацора патрабуе ад ідэолагу аблвыканкама даць патрэбныя рэкамендацыі для складання заяўкі на правядзенне масавага мерапрыемства.

20.11.2008 Слонім: старшыня й сакратар участковай камісіі не зьявіліся ў суд

У Слонімскім раённым судзе разглядаецца пазоў былога кандыдата ў дэпутаты Івана Шэгі да старшыні й сакратара Чкалаўскай участковай выбарчай камісіі № 17. Учора, 19 лістапада, ні старшыня камісіі, ні сакратар на паседжаньне суду не зьявіліся. У Беларусі такі судовы працэс адбываецца ўпершыню.

20.11.2008 Запрацаваў сайт кампаніі «За МТС па-беларуску»

19 лістапада запрацаваў сайт кампаніі «За МТС па-беларуску». На сайце можна падпісацца пад зваротам да кіраўніцтва МТС, раздрукаваць блянк для подпісаў ды знайсьці банэры акцыі.

20.11.2008 Справа "Новага Жыцця" адкладзена

19 лістапада аднавіліся слуханні па справе аб маёмасці менскай царквы хрысціян поўнага евангелля “Новай жыццё” – кіраўніцтва пратэстанцкай супольнасці дамагаецца прызнання за сабой права на уласны будынак у сталічным мікрараёне Сухарава.

У выніку, разгляд справы, што апошні раз слухалася у Вышэйшым гаспадарчым у судзе паўтары гады таму – у красавіку 2007 года – ізноў адкладзены, праўда цяпер ужо на тыдзень.

19.11.2008 Ці вернуць пратэстантам будынак?

У Вышэйшым гаспадарчым судзе сёння распачынаецца працяг слуханняў па справе аб маёмасці менскай царквы Новай жыццё – кіраўніцтва пратэстанцкай супольнасці дамагаецца прызнання за сабой права на уласны будынак у сталічным мікрараёне Сухарава.

19.11.2008 Берасьцейскіх настаўнікаў прымушаюць уступаць у “Белую Русь”

У Берасьцейскай школцы № 32 да канца месяца ўсе настаўнікі павінны стаць чальцамі “Белай Русі”. Такі загад прыйшоў “зьверху”.

19.11.2008 Адвакат Аляксандра Баразенкі не змог сустрэцца са сваім падабаронным

Павел Сапелка, адвакат Аляксандра Баразенкі, не змог сустрэцца са сваім падабаронным, які ўтрымліваецца ў следчым ізалятары № 1 у Мінску. Сустрэча была запланаваная на 18 лістапада.

19.11.2008 Незалежны прафсаюз РЭП не зарэгістравалі з сёмай спробы

Магілёўскі гарвыканкам сёмы раз адмовіўся рэгістраваць гарадзкую суполку незалежнага Прафсаюзу радыёэлектроннай прамысловасьці і іншых галін гаспадаркі. Афіцыйная падстава — адсутнасьць у суполкі юрыдычнага адрасу. Гарвыканкам разглядаў пытаньне аб рэгістрацыі з жніўня.

18.11.2008 Ператрус у Мілінкевіча

На офісе Мілінкевіча апісваюць маёмасьць. Яго праводзяць судовыя выканаўцы суду Першамайскага раёну сталіцы. Акцыя пачалася прыкладна гадзіну таму. Афіцыйная падстава для апісаньня маёмасьці: "10 гадоў таму на гэтай кватэры пражываў чалавек, у дачыненьні да якога была заведзена крымінальная справа".

18.11.2008 Есьман будзе судзіць Баразенку

Судзьдзя Цэнтральнага суду Валеры Есьман быў прызначаны разглядаць справу Аляксандра Баразенкі, апошняга фігуранта ў “справе 14-ці”.13 лістапада на нарадзе, прысьвечанай барацьбе з карупцыяй, Лукашэнка патрабаваў звальненьня двух супрацоўнікаў пракуратуры трох судзьдзяў Цэнтральнага суду, у тым ліку і Есьмана. Але судзьдзі выконваюць свае абавязкі дагэтуль. У канцылярыі суду крымінальных справаў “Свабодзе” паведамілі, што Валеры Есьман будзе судзіць апазыцыянэра, але пакуль яшчэ ня вызначыўся з датай працэсу.

18.11.2008 Дзяніса Садоўскага затрымалі на мяжы

Адказны сакратар Аргкамітэту па стварэньні Беларуская хрысьціянскай дэмакратыі Дзяніс Садоўскі быў затрыманы падчас перасячэньня беларуска-польскай мяжы на мінулых выходных. Беларускія мытнікі склалі на Дзяніса Садоўскага пратакол надгляду асабістых рэчаў. На зваротным шляху працэдура надгляду зноў паўтарылася.

18.11.2008 Пінск: За акцыю салідарнасьці з Баразенкам маладафронтаўцу пагражае суд

Лідэру Пінскай філіі Маладога Фронту Алесю Любянчуку пагражае суд за нядаўнюю акцыю падтрымку Алеся Баразенкі. Нагадаем, некалькі актывістаў Маладога Фронту выйшлі на цэнтральную плошчу Пінска з расьцяжкаю “Свабоду палітвязьню Алесю Баразенку!” і раздавалі мінакам улёткі зь інфармацыяй пра зьняволенага хлопца.

18.11.2008 Сям'я сустаршыні БХД пад пераследам КДБ

У пятніцу, 14 лістапада Насту Чэрнік-Рымашэўскую, жонку Віталя Рымашэўскага, сустаршыні аргкамітэту па стварэньні БХД выклікалі ў КДБ для дачы паказаньняў.