Праваабарончы цэнтр «ВЯСНА»

Навіны за 27 студзеня 2021

27.01.2021 Затрыманні і крымінальныя справы ў Жлобіне: хроніка пераследу 26 і 27 студзеня

26 і 27 студзеня праваабаронцы "Вясны" працягваюць сачыць за палітычным пераследам у Беларусі: затрыманні, вобшукі і іншыя формы ціску на грамадзянаў за іх актыўную грамадзянскую пазіцыю і незадаволеннасць дзеяннямі ўладаў.

27.01.2021 Па справе студэнта ў судзе дапыталі 23 сведкі і палітвязня

Суд Савецкага раёна 27 студзеня працягвае разгляд крымінальнай справы па ч.1 арт. 342 КК супраць 21-гадовага палітзняволенага студэнта БДУІР Арцёма Вінакурава за заклікі ва ўніверсітэце да страйку.

27.01.2021 "Кінуў бутон кветкі ў бок АМАПу". Як судзяць мінчука за пратэсты 9-10 жніўня

Суд Ленінскага раёна Мінска 27 студзеня пачаў разгляд крымінальнай справы супраць 29-гадовага Аляксандра Нурдзінава. Мінчаніна вінавацяць за падзеі 9-10 жніўня адразу па двух артыкулах Крымінальнага кодэкса: ч. 1 арт. 342 і ч. 2 арт. 293.

27.01.2021 Патрабуем неадкладнага перагляду прысудаў і вызвалення 31 палітычнага зняволенага

Сумесная заява беларускай праваабарончай супольнасці

27.01.2021 Прастой тралейбусаў склаў больш за 29 гадзін: другі працэс па "справе карагодаў" у Брэсце

У судзе Ленінскага раёна Брэста 27 студзеня працягваецца разгляд крымінальнай справы паводле часткі 1 артыкула 342 (дзеянні, якія груба парушаюць грамадскі парадак) за ўдзел 13 верасня ў карагодзе на скрыжаванні бульвара Касманаўтаў і праспекта Машэрава.

27.01.2021 Аляксандр Кісялёў: Я выйшаў таму, што супраць незаконных і жорсткіх затрыманняў

Аляксандр Кісялёў – жыхар Жлобіна, які быў затрыманы і адміністрацыйна асуджаны за ўдзел у мірнай акцыі пратэсту ў ноч з 11 на 12 жніўня. Пасля арышту на волю не выйшаў. Да суда быў змешчаны ў СІЗА №3 Гомеля.

27.01.2021 У Мастах на год калоніі асудзілі мужчыну за акцыі з пудзіламі, трунамі і БЧБ-сцягамі. У яго таксама канфіскавалі машыну

Суд Мастоўскага раёна Гродзенскай вобласці 27 студзеня вынес прысуд па крымінальнай справе супраць Віктара Царыкевіча. Справу разглядаў старшыня суда Мастоўскага раёна Віталь Сініла.

27.01.2021 Мінск: пачаўся суд над Антонам Валавіком па падзеях 14 ліпеня

Суд Кастрычніцкага раёна горада Мінска пачаў разглядаць справу 23-гадовага Антона Валавіка

27.01.2021 Вынікі судоў па адміністрацыйных справах за 27 студзеня

У раённых судах Мінска і іншых гарадоў Беларусі 27 студзеня працягваецца разгляд адміністрацыйных спраў у дачыненні да затрыманых на выходных і тых, каго затрымлівалі раней — на акцыях і кропкава.

27.01.2021 “Знаходзіліся ў натоўпе, крычалі, шпурлялі ў міліцэйскі транспарт камяні”. Чарговы суд у Жлобіне

Згодна з матэрыяламі справы Каханоўскі і Гопта з 9 па 11 жніўня 2020 года, у вячэрні і начны час, у мэтах выканання публічных заклікаў да дэструктыўнай дзейнасці, размешчаных на розных інтэрнэт-рэсурсах, сумесна з іншымі грамадзянамі на цэнтральных вуліцах Жлобіна падчас несанкцыянаваных масавых мерапрыемстваў адмовіўся ад выканання законных патрабаванняў прадстаўнікоў улады.

27.01.2021 Віктара Барушку прысудзілі да пяці гадоў калоніі ўзмоцненага рэжыму

27 студзеня ў судзе Ленінскага раёна Мінска быў вынесены прысуд Віктару Барушку па справе аб нападзе на супрацоўніка АМАПу і прычыненні яму цяжкіх цялесных пашкоджанняў. Напярэдадні пракурор запрасіў для яго 5 гадоў пазбаўлення волі з адбываннем пакарання ва ўмовах узмоцненага рэжыму. Менавіта столькі і прысудзіла яму суддзя Марына Запаснік.

27.01.2021 "Так як нікога не знайшлі, то вырашылі павесіць на мяне". Пачаўся суд за абразу жонкі супрацоўніка АМАПа

Спярша абвінавачванне будавалася на адпраўленым у Viber паведамленні, але высветлілася, што падсудны не зарэгістраваны ў гэтым мэсэнджары.

27.01.2021 Магілёўца судзяць за абразу супрацоўніка ДАІ

Ігару Міцянкову інкрымінуюць публічную абразу прадстаўніка ўлады ў сувязі з выкананнем ім службовых абавязкаў. Сваю віну Міцянкоў прызнаў, раскаяўся і гатовы выбачыцца перад міліцыянтам, які прызнаны пацярпелым. Абвінавачаны пад падпіскай аб нявыездзе.