Праваабарончы цэнтр «ВЯСНА»

Навіны за 2 сьнежня 2019

02.12.2019 У Першамайскім судзе Мінска асудзілі ўдзельнікаў перадвыбарчых мітынгаў: агульная сума штрафаў 175 базавых

Адміністрацыйныя працэсы над удзельнікамі акцый, якія адбываліся пад час выбарчай кампаніі, пачынаюцца сёння ў судзе Першамайскага раёна Мінска. Пачатак у 11.30.

02.12.2019 У Воршы на 510 рублёў асудзілі youtube-блогера Шэрага ката

Youtube-блогера з Воршы Зміцера Казлова, вядомага як Шэры кот, сёння, другога снежня, асудзілі за ўдзел у несанкцыянаваным масавым мерапрыемстве па ч.1 арт. 23.34КаАП. Вядома, што пратакол на Казлова быў складзены за акцыю "Сустрэча свабодных людзей", якая прайшла 16 лістапада на плошчы Свабоды ў Мінску.

02.12.2019 “Праваабаронцы за свабодныя выбары” выказваюць пратэст у сувязі з ростам рэпрэсій у поствыбарчы перыяд

Як стала вядома, у перыяд пасля заканчэння выбараў былі распачатыя адміністрацыйныя працэсы ў дачыненні больш чым двадцаці актыўных удзельнікаў пратэстных мірных акцый, якія адбываліся ў г. Мінску ў перыяд электаральнай кампаніі, ў тым ліку ў дачыненні да грамадзянаў, якія непасрэдна прымалі ўдзел у выбарах у якасці кандыдатаў у дэпутаты, давераных асобаў, сябраў ініцыятыўных груп.

02.12.2019 Сітуацыя з правамі чалавека ў Беларусі. Лістапад 2019

17 лістапада адбыліся выбары дэпутатаў Палаты прадстаўнікоў Нацыянальнага сходу 7-га склікання. Прадстаўнікі кампаніі незалежнага назірання «Праваабаронцы за свабодныя выбары» прыйшлі да высновы аб тым, што выбары дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання ў цэлым не адпавядалі шэрагу ключавых міжнародных стандартаў правядзення дэмакратычных і свабодных выбараў, а таксама выбарчаму заканадаўству Рэспублікі Беларусь.

02.12.2019 Cмаляны далучыліся да акцыі «Гарады за жыццё»

Беларускія грамадскія дзеячы і праваабаронцы правялі акцыю «Гарады за жыццё». Яны падсвяцілі знічамі помнік архітэктуры – Дамініканскі касцёл у мястэчку Смаляны пад Воршай.

02.12.2019 Фестываль кіно і "Жывая бібліятэка" — як можна адзначыць Дзень правоў чалавека?

7 снежня Цэнтр развіцця эфектыўнай камунікацыі “Жывая Бібліятэка”, ААН у Беларусі і WATCH DOCS Belarus запрашаюць на “Жывую Бібліятэку”. Мерапрыемства прысвечана Дню правоў чалавека — 10 снежня.