Праваабарончы цэнтр «ВЯСНА»

Навіны за Травень 2019

21.05.2019 Вольгу Нікалайчык чакае суд за ўшанаванне памяці ахвяр Другой сусветнай вайны

Актывістка Вольга Нікалайчык атрымала пратакол па артыкуле 23.34 КаАП за ўдзел у акцыі ўшанавання героеў і ахвяраў Другой сусветнай вайны, якая прайшла восьмага траўня на Вайсковых могілках у Мінску.

21.05.2019 Праваабарончая праграма "Вясна" на Беларускім Радыё Рацыя

“Падзея”: 17 траўня ва ўсім свеце адзначаецца Міжнародны дзень змагання з гамафобіяй і трансафобіяй. Якія ініцыятывы для ЛГБТ супольнасцяў есць у Беларусі? І як іх прадстаўнікі ставяцца да выказванняў МУС? Каментуе актывістка праекта MAKEOUT Таццяна Сяцко.

21.05.2019 МУС адказала каталіцкім біскупам: Дадатковых аплатаў за рэлігійныя мерапрыемствы не будзе

20 траўня Канферэнцыя Каталіцкіх Біскупаў у Беларусі атрымала адказ міністра ўнутраных спраў Ігара Шуневіча адносна аплатаў за паслугі спецыяльных службаў пры правядзенні масавых мерапрыемстваў.

21.05.2019 Прэзідэнт дазволіў блакаваць сайты падчас Еўрапейскіх гульняў

Міліцыі, пракуратуры і следчым прадастаўлена магчымасць блакаваць сайты з заклікамі да «масавых беспарадкаў, удзелу ў масавых мерапрыемствах, якія праводзяцца з парушэннем заканадаўства, ажыццяўлення экстрэмісцкай дзейнасці, іншых дзеянняў, здольных дэзарганізаваць правядзенне Еўрапейскіх гульняў».

21.05.2019 Алесь Бяляцкі звярнуўся ў Генеральную пракуратуру з нагоды масавага затрымання ромаў

Старшыня Праваабарончага цэнтру “Вясна” Алесь Бяляцкі накіраваў у Генеральную пракуратуру заяву з просьбай правесці праверку законнасці затрыманняў грамадзянаў цыганскай нацянальнасці 16 траўня ў Магілёве.

21.05.2019 Галоўны ідэолаг Магілёва знайшла новую прычыну, каб не дазволіць пікет супраць сябе

У гэты раз Ала Галушка, якая і дала адказ арганізатарам пікету, заявіла, што «прызначэнне і вызваленне грамадзян Рэспублікі Беларусь на дзяржаўныя пасады… не з’яўляецца грамадска-палітычнымі інтарэсамі па якіх-небудзь праблемах».

21.05.2019 У Гомелі спынена экстрэмісцкая справа супраць Пятра Маркоўскага

Суд Цэнтральнага раёна Гомеля спыніў адміністрацыйную справу за распаўсюд экстрэмісцкіх матэрыялаў у дачыненні да жыхара абласнога цэнтра Пятра Маркоўскага.

21.05.2019 Настаўніцу з 24-гадовым стажам аштрафавалі за "кармленне галубоў"

Удзельніцу пратэснага руху супраць акумулятарнага завода ў Брэсце Людмілу Карчэўскую пакаралі штрафам памерам 20 базавых велічынь (510 рублёў) за ўдзел у "кармленні галубоў" 14 красавіка.

20.05.2019 Магілёўскія праваабаронцы звярнуліся ў пракуратуру з-за масавай аблавы на ромаў

Праваабаронцы «Магілёўскай вясны» Аляксей Колчын, Барыс Бухель і Аляксандр Буракоў накіравалі ў абласную пракуратуру скаргу на дзеянні кіруючага складу абласнога Упраўлення ўнутраных спраў і супрацоўнікаў міліцыі з-за масавых затрыманняў людзей з цыганскай дыяспары.

20.05.2019 Прадстаўнікі магілёўскай ГНК не змаглі наведаць асуджанага Пятра Кучуру ў калоніі

16 траўня грамадская назіральная камісія (ГНК) па Магілёўская вобласці не змагла наведаць у калоніі №15 зняволенага Пятра Кучуру. Гэта прасіла зрабіць яго жонка Людзміла Кучура, якая напрацягу многіх гадоў змагаецца за выкананне яго правоў.

20.05.2019 Улады Берасця намагаюцца спыніць пратэсную хвалю супраць будаўніцтва завода АКБ судамі і штрафамі

На гэтым тыдні у Берасці будуць судзіць пецярых удзельнікаў акцый пратэcту супраць будаўніцтва завода АКБ.

18.05.2019 “Іх праблемы – адлюстраванне нашага жыцця”. У Мінску прайшло ток-шоў пра людзей з інваліднасцю

У суботу 18 траўня ў мінскай прасторы “Тэрыторыя правоў” прайшло праваабарончае ток-шоў "Без права на "Я", асноўнай тэмай якога сталі праблемы людзей з інваліднасцю. І ў прыватнасці - як і чаму гэтых людзей пазбаўляюць асобы.

17.05.2019 Блог Алеся Бяляцкага: XV. Пуцін і гексаген

У палове шостай раніцы мы прачнуліся ад трэску і кананады за вакном гатэлю, на 21-м паверсе. Ляжым у ложках і мяркуем праз сон: ці то салют, ці то страляюць. Удзень Ю… сказала, што быў салют у недалёкай рэзідэнцыі Кадырава. 20 лістапада сьвяткуецца дзень ці то мяркуемых народзінаў, ці то сьмерці прарока Магамеда.

17.05.2019 Праваабаронцы: злачынства не мае нацыянальнасці

Праваабаронцы заклікаюць да стрыманасці як нашых грамадзянаў, так і работнікаў праваахоўных органаў, заклікаюць дзейнічаць у межах закона і не парушаць нічыіх правоў, у тым ліку і па нацыянальнай прыкмеце.

17.05.2019 Эканаміста Чалага таксама асудзілі за “Чарнобыльскі шлях”

“Чарнобыльскі шлях-2019” – самы нешматлюдны за ўсю гісторыю іх правядзення: удзел бралі, апрача журналістаў і супрацоўнікаў міліцыі ў цывільным, прыкладна каля 40-ка грамадзян. Аднак па ўзроўню адміністрацыйнага пераследу ягоных удзельнікаў імкнецца да сумнага лідэрства.