Праваабарончы цэнтр «ВЯСНА»

Навіны за 29 жніўня 2017

29.08.2017 «Ставяцца, як да свойскай жывёлы», — інваліда-вазочніка Сяргея Драздоўскага высяляюць з інтэрнату

Інтэрнат, у якім жыве праваабаронца Сяргей Драздоўскі, перадалі новаму ўладальніку разам з людзьмі, паведамляе "Радыё Свабода".

29.08.2017 “Вясна” далучаецца да патрабаванняў аб вызваленні журналіста і праваабаронцы Мехмана Аліева ў Азербайджане

Праваабарончы цэнтр “Вясна” падтрымлівае заклік Фонда Дамоў правоў чалавека на адрас уладаў Азербайджана да неадкладнага і безумоўнага вызвалення дырэктара незалежнага інфармацыйнага агенцтва “Туран” Мехмана Аліева, які, услед за іншымі праваабаронцамі і незалежнымі журналістамі краіны, патрапіў пад крымінальны пераслед.

29.08.2017 Праваабарончая праграма "Вясна" на Беларускім Радыё Рацыя

“Падзея”: Мікалай Статкевіч арыштаваны на 5 сутак напярэдадні анансаванай вераснёўскай акцыі. З гэтай нагоды яго жонка Марына Адамовіч распавядае пра практыку, калі актывістам не паведамляюць пра складзеныя пратаколы і пра рашэнне суда. “Каментар”: 1 верасня працягнецца слуханне справы Мікалая Дзядка супраць інтэрнэт-выдання “СБ: Беларусь сёння” па абароне яго гонару і годнасці.

29.08.2017 З нагоды футбольнага чэмпіянату ААН заклікае Расію прыняць меры па барацьбе з расізмам

Камітэт па ліквідацыі расавай дыскрымінацыі заклікаў расійскія ўлады змагацца з ксенафобскімі праявамі ў спорце, пакласці канец расавым забабонам сярод паліцэйскіх. Таксама праваабаронцы вывыказалі занепакоенасць становішчам татараў у Крыме, абмежаваннямі на выкарыстанне і вывучэнне ўкраінскай мовы ў школах.

29.08.2017 Затрыманы актывіст Максім Вінярскі

У Мінску 28 жніўня быў затрыманы актывіст кампаніі «Еўрапейская Беларусь» Максім Вінярскі. Верагодна, для адбыцця дміністрацыйнага арышту, рашэнні пра які ў канцы ліпеня вынес суд Цэнтральнага раёна за ўдзел у несанкцыянаваным пікеце.