Праваабарончы цэнтр «ВЯСНА»

Навіны за Ліпень 2015

23.07.2015 Сёння пачынаецца збор подпісаў за кандыдатаў у прэзідэнты

23 ліпеня - першы дзень збору подпісаў ініцыятыўнымі групамі за кандыдатаў у прэзідэнты. Збор подпісаў будзе адбывацца амаль месяц - да 21 жніўня.

23.07.2015 Маладзечанскі райвыканкам парушае пастанову ЦВК

Ні 17 ліпеня (дзень звароту прадстаўніцы Партыі БНФ), ні 19 ліпеня (апошні тэрмін падачы дакументаў) на старонцы афіцыйнага сайта Маладзечанскага райвыканкама ніякіх звестак пра месца і гадзіны прыёма дакументаў у ТВК не было апублікавана.

23.07.2015 У Брэсце на чыгуначным вакзале міліцыя затрымала актывістку АГП

Аліна Літвінчук везла з Мінска пасведчанні сябраў ініцыятыўнай групы Анатоля Лябедзькі.

23.07.2015 Гродна, Баранавічы, Бабруйскі раён: старшынямі ТВК абраны “правераныя” кадры (дадаецца)

На першых паседжаннях чатырох тэрытарыяльных камісій у Гродне, якія прайшлі 21 і 22 ліпеня, старшынямі ТВК абраныя сябры камісій, якія ўжо не першы раз іх узначальваюць.

23.07.2015 Да палітзняволенага Мікалая Дзядка з другой спробы патрапіў адвакат

Па словах бацькі палітвязня, Аляксандра Дзядка, сустрэча і размова была кароткай – каля паўгадзіны. – Скаргаў ён не выказваў пакуль, усё нармальна.

23.07.2015 Мінская гарадская камісія: 38,5% -- складу 2010 года, 61,5% -- складу 2014

Валянціна Свяцкая: "Падчас абвяшчэння складу гарадской камісіі я ўзяла спіс 2014 года і проста стала адзначаць “птушачкай” прозвішчы тых, хто ўвайшоў у склад сёлетняй камісіі – іх набралася 8 чалавек".

23.07.2015 Брэст: назіральніку дазволілі прысутнічаць на пасяджэнні камісіі без акрэдытацыі

Кіраўнік Адміністрацыі Маскоўскага раёна Вадзім Краўчук папрасіў назіральніка ад БХК Вялічкіна пакінуць памяшканне, таму як “камісія яшчэ не ўтвораная", а затым дазволілі прысутнічаць на пасяджэнні камісіі без акрэдытацыі.

23.07.2015 Шукаем грамадзянаў, якія дапамогуць міліцыі працаваць лепш

"Беларускі Хельсінскі камітэт" пры падтрымцы Penal Reform Int рыхтуе правядзенне маніторынгу аддзяленняў міліцыі ў г. Мінску

22.07.2015 Слуцк: Восем хвілін на фармаванне тэрытарыяльнай камісіі

У склад камісіі вылучалася 16 чалавек, з якіх кімсьці яшчэ да паседжання было адабрана 13. Ніякага абмеркавання прэтэндэнтаў непасрэдна падчас паседжання не было. Ніхто з удзельнікаў паседжання нават не пацікавіўся, чаму канкрэтна адабаралі менавіта тых 13 чалавек, а не іншых.

22.07.2015 У Бярозе пададзена заяўка на пікет салідарнасці з палітвязнямі

Заяўкі на пікеты 4 жніўня праваабаронцы падаюць ужо чацвёрты год запар. Для іх гэта асаблівы дзень, бо менавіта ў гэтую дату ў 2011 годзе быў арыштаваны іх калега Алесь Бяляцкі. Нягледзячы на яго вызваленне, праваабаронцы збіраюцца адмаўляцца ад правядзення Дня салідарнасці, пакуль за кратамі будуць палітвязні.

22.07.2015 Марына Адамовіч падала ў Вярхоўны суд скаргу на адмову ў рэгістрацыі ініцыятыўнай групы Мікалая Статкевіча

Марына Адамовіч, жонка палітвязня Мікалая Статкевіча, якая з’яўляецца ягоным законным прадстаўніком і кіраўніком ініцыятыўнай групы па яго вылучэнню кандыдатам у прэзідэнты, у канцы працоўнага дня 22 ліпеня падала ў Вярхоўны суд скаргу на адмову ЦВК зарэгістраваць ініцыятыўную групу.

22.07.2015 Прадстаўніка БХК не дапусцілі на паседжанне раённай выбарчай камісіі ў Віцебску

Леанід Свецік хацеў трапіць на першае паседжанне выбарчай камісіі Кастрычніцкага раёну Віцебска. Але намеснік старшыні Віцебскага гарвыканкаму Петр Падгурскі заявіў, што ягоная прысутнасць “непажаданая”.

22.07.2015 Бабруйск: у ТВК пад выглядам “грамадскасці” прайшлі чыноўнікі

Месцы працы сябраў ТВК традыцыйна не паведамляюцца (на сходзе яны таксама не агучваліся), указаны толькі шлях вылучэння. Напэўна таму, што за вылучэнцамі ад грамадзян, якія прайшлі ў камісіі, сарамліва "схаваліся" чыноўнікі.