Праваабарончы цэнтр «ВЯСНА»

Навіны за 8 жніўня 2012

08.08.2012 Выпускнікі сутыкнуліся з заканадаўчым абсурдам з-за новых правілаў разьмеркаваньня

У той час, калі Мінадукацыі забараняе паступаць у платныя магістратуры пасьля бюджэтных аддзяленьняў ВНУ, унівэрсытэты дазваляюць адпрацоўваць па разьмеркаваньні і адначасова вучыцца на платнай дзённай магістратуры. Тыя ж студэнты, што жадаюць зьехаць за мяжу дзеля працягу адукацыі, рызыкуюць атрымаць рахункі на гіганцкія сумы, што ў некалькі разоў перавышаюць сродкі, выдаткаваныя платнікамі на навучаньне па тых жа спэцыяльнасьцях.

08.08.2012 Вілейскі “Шлях перамогі” настройвае чытачоў супраць апазіцыі

Да нядаўняга часу вілейская газета “Шлях перамогі” выбарчай кампаніі не заўважала. Але як толькі ў раёне вызначыліся апазіцыйныя прэтэндэнты ў кандыдаты, газета пачала пра выбары ўзгадваць рэгулярна і адзначаць, што “выбары праходзяць добра”, а “апазіцыя ідзе на правакацыі”.

08.08.2012 Магілёў: забарону на збор подпісаў у інтэрнатах тлумачаць клопатам пра дзяцей

“Вы працуеце ў сістэме камунальнай гаспадаркі Рэспублікі Беларусь, абслугоўваеце інтэрнаты, дзе таксама пражываюць і непаўнагадовыя дзеці, і Вашыя погляды, калі яны супярэчаць дзяржаўнаму ладу, могуць негатыўна на іх адбівацца”, - тлумачыць начальнік жыллёва-эксплуатацыйнага прадпрыемства Павел Шышоў зборшчыку подпісаў, актывісту БСДП (Г) Мікалаю Залознаму.

08.08.2012 Салігорскі “Шахцёр” выгароджвае бяздзейны парламент праз “выкрыццё” заходніх палітыкаў

У артыкуле “У працоўным рэжыме” звяртаецца ўвага на тое, што дэпутаты ў Беларусі не настолькі актыўныя, як у суседніх краінах. На думку журналісткі Вікторыі Раманавай (псеўданім намесніцы галоўнага рэдактара Жаны Гірэль), актыўнасць народных абраннікаў на Захадзе з’яўляецца своеасаблівай часткай палітычнага шоў і асабістай рэкламы і ніяк не спрыяе “плённай працы” парламентаў.

08.08.2012 Магілёў: Праваабаронца Аляксей Колчын абскарджвае дзеянні акруговай камісіі №85 у Цэнтрвыбаркаме

Праваабаронца Аляксей Колчын, які з’яўляецца назіральнікам пры акруговай выбарчай камісіі №85, патрабуе абавязаць камісію даваць адказы на мове звароту, а таксама паведаміць яму час і дату пасяджэння, на якім будзе вызначацца парадак працы камісіі па праверцы дакладнасці подпісаў выбаршчыкаў у падпісных лістах.

08.08.2012 Алесь Бяляцкі гомельскім актывістам: Бог з намі, а хто ж тады супраць нас?

Сёння на адрас старшыні Гомельскай абласной арганізацыі Аб’яднанай грамадзянскай партыі Васіля Палякова прыйшла падзячная паштоўка ад Алеся Бяляцкага. Палітвязень дзякуе за віншавальныя паштоўкі, якія мясцовыя актывісты падпісалі і накіравалі да Дня незалежнасьці Беларусі 27 ліпеня ўсім чатырнаццаці беларускім палітвязьням.

08.08.2012 Барысаў: суддзя позваў Марголіну і Васільеву не падпісвала

Як законапаслухмяныя грамадзяне, Васільеў і Марголін прыйшлі сёння ў прызначаны час у суд. Аказалася, што суддзя Барысаўскага суду Ірына Пасюк не ведала пра перанос судовага паседжання. Позвы падпісвала не яна.