Праваабарончы цэнтр «ВЯСНА»

Навіны за Ліпень 2008

22.07.2008 У складзе акруговых камісій - "дэ жа вю"…

У склад Салігорскай гарадской акруговай выбарчай камісіі было ўключана 13 чалавек, 8 з якіх былі вылучаныя ад грамадзян шляхам збору подпісаў, 4 чалавекі - ад палітычных партый і грамадскіх аб'яднаньняў, такіх як Ліберальна-дэмакратычная партыя, Рэспубліканская партыя працы і справядлівасьці, ГА "Беларускі рэспубліканскі саюз моладзі", ГА "Беларускі саюз жанчын", 1 чалавек - ад Менскага абласнога выканаўчага камітэта.

22.07.2008 Кобрын: Зарэгістраваная ініцыятыўная група Аляксандра Меха

21 ліпеня камісія Кобрынскай выбарчай акругі № 12 зарэгістравала ініцыятыўную групу прэтэндента ў кандыдаты Аляксандра Меха, сябра Партыі БНФ, уключанага ў адзіны сьпіс кандыдатаў ад АДС.

22.07.2008 Орша: Сябра Партыі БНФ Ганна Леўчанкова падала ў акруговую камісію спіс ініцыятыўнай групы

На Аршаншчыне пачаўся працэс вылучэньня кандыдатаў у дэпутаты Палаты Прадстаўнікоў НС РБ. 21 ліпеня ў акруговую камісію № 27 спіс ініцыятыўнай групы перадала сябра Партыі БНФ Ганна Леўчанкова. У складзе групы 30 чалавек, якія прадстаўляюць Партыі БНФ, АГП, ПКБ. Ёсьць і беспартыйныя ўдзельнікі. Група ўлічаная ў журнале пад нумарам 1. На працягу 5 дзён акруговая камісія павінна прыняць рашэньне аб яе рэгістрацыі.

22.07.2008 Светлагорскі райвыканкам зьбірае звесткі пра Сяргея Дайнеку

Намеснік старшыні Светлагорскага райвыканкама Сяргей Меркулаў выклікаў да сябе кіраўніка, які з’яўляецца начальнікам па месцы працы Сяргея Дайнекі – актывіста Партыі камуністаў Беларускай у Светлагорску (Гомельская вобласць). Прычына выкліку – магчымае вылучэньне С. Дайнекі кандыдатам у дэпутаты Палаты прадстаўнікоў Нацыянальнага сходу.

22.07.2008 Па Барысаўскай гарадской выбарчай акрузе №62 зарэгістраваныя тры ініцыятыўныя групы

21 ліпеня ў Барысаўскім райвыканкаме адбылося паседжаньне акруговай выбарчай камісіі па Барысаўскай гарадской выбарчай акрузе №62, якая зарэгістравала тры ініцыятыўныя групы па зборы подпісаў для вылучэньня ў кандыдаты ў Палату прадстаўнікоў Нацыянальнага сходу.

22.07.2008 Актывіста затрымалі за майку з надпісам “Жыве Беларусь”

Тры гадзіны ўтрымлівалі ў Ленінскім аддзеле міліцыі непаўналетняга актывіста Стаса Сенакосава. Хлопца затрымаў нарад міліцыі а палове на сямнаццатую. Паводле міліцыянтаў, актывіст нібыта расклейваў маладафронтаўскія налепкі. Сябрам жа падчас канваіраваньня Стас пасьпеў паведаміць, што прычынай яго затрыманьня сталася апранутая на ім майка з надпісам “Жыве Беларусь”.

22.07.2008 Місіі назіральнікаў ад АБСЕ і СНД будуць запрашацца на парытэтнай аснове

Місіі назіральнікаў ад АБСЕ і СНД будуць запрашацца на парытэтнай аснове. Пра гэта Рацыі паведаміў сакратар Цэнтрвыбаркаму Мікалай Лазавік. Паводле яго словаў, плануецца, што першыя міжнародныя назіральнікі прыедуць у Беларусь у сярэдзіне жніўня.

22.07.2008 Зарэгістравана ініцыятыўная група Леаніда Аўтухова

Акруговая камісія разглядзела першаю заяву, якую падаў старшыня Гарадоцкай арганізацыі Партыі БНФ, актывіст Руху Леанід Аўтухоў, і цалкам задаволіла яе. 21 ліпеня адбылося паседжанне акруговай камісіі па Віцебскай сельскай акрузе па выбарах у Палату прадстаўнікоў. Камісія разглядзела першаю заяву, якую падаў старшыня Гарадоцкай арганізацыі Партыі БНФ Леанід Аўтухоў. Заява пададзена у адпаведнасці з патрабаваннямі Выбарчага кодэксу і не выклікала пытанняў у выбарчай камісіі.

22.07.2008 Ператрус у штаб-кватэры Маладога Фронту

Cупрацоўнікі Камітэту дзяржаўнай бясьпекі і міліцыі увечары 21 ліпеня ўварваліся ў менскую штаб-кватэру незарэгістраванай арганізацыі Малады Фронт, як толькі скончылася паседжаньне ўправы гэтай арганізацыі. Пра гэта Радыё Свабода паведаміла намесьніца старшыні Маладога Фронту Наста Палажанка.

21.07.2008 Старшыня ЦВК вінаваціць апазыцыю ў парушэньнях

Вылучэньне кандыдатаў у дэпутаты Палаты прадстаўнікоў пачалося 20 ліпеня. Ніводзін з прэтэндэнтаў ад Аб’яднаных дэмакратычных сілаў на мандаты дэпутатаў ня будзе абмяжоўвацца вылучэньнем на партыйных зьездах. Паралельна яны будуць зьбіраць подпісы грамадзянаў.

21.07.2008 М.Лазавік: Большасць патэнцыйных кандыдатаў у дэпутаты будуць вылучацца праз збор подпісаў

У нядзелю ў Беларусі пачаўся адзін з найважнейшых этапаў выбарчай кампаніі па выбарах дэпутатаў у Палату прадстаўнікоў – вылучэнне кандыдатаў. Пра асаблівасці гэтай працэдуры карэспандэнт Рацыі Кастусь Вансяцкі пагутарыў з сакратаром Цэнтрвыбаркаму Мікалаем Лазавіком.

21.07.2008 У бацькоў Сяргея Скрабца канфіскуюць маёмасьць

Сёньня Менскі гарадзкі суд вынес вэрдыкт — канфіскаваць маёмасьць бацькоў апазыцыйнага палітыка, намесьніка старшыні Беларускай сацыял-дэмакратычнай Грамады Сяргея Скрабца.

21.07.2008 Гомельскія паштавікі сарвалі партыйны сход

Гомельская пошта своечасова не даставіла сябрам АГП запрашэньні на агульны партыйны збор. Толькі адзін са 100 лістоў быў дастаўлены адрасату ў тэрмін.

21.07.2008 Спроба масавага суіцыду ў бабруйскай калёніі

Шасьцёра вязьняў бабруйскай калёніі ўскрылі вены на знак пратэсту супраць цкаваньня з боку адміністрацыі папраўчай установы.

21.07.2008 Міраслаў Лазоўскі: У турме не было ніводнага допыту

Міраслаў Лазоўскі быў адным з чатырох былых сяброў "Белага легіёну", якія былі затрыманы на 10 сутак арышту па падазрэньні ў выбуху ў Менску на Дні Рэспублікі. 18 ліпеня Лазоўскі разам зь Сяргеем Чыславым, Ігарам Корсакам і Віктарам Ляшчынскім выйшаў на волю. У панядзелак Міраслаў адказаў на пытаньні "Нашай Нівы".