Праваабарончы цэнтр «ВЯСНА»

Навіны за Ліпень 2007

16.07.2007 Судовае паседжанне па справе Яраслава Берніковіча перанесенае на 19 ліпеня

Сёння ў Глыбоцкім раённым судзе (Віцебская вобласць) адбылося паседжанне суда па справе актывіста Руху “За Свабоду” Яраслава Берніковіча. Яго абвінавачваюць ва ўдзеле ў несанкцыянаваным мерапрыемстве.

16.07.2007 Беларускія памежнікі не пусцілі польскага журналіста ў Маскву

Беларускія памежнікі не дазволілі праехаць з Варшавы ў Маскву карэспандэнту "Gazety Wyborczej" Вацлаву Радзівіновічу.

16.07.2007 Аляксандр Мілінкевіч патрабуе КДБ спыніць пераслед за іншадумства

Лідэр дэмакратычных сіл Беларусі Аляксандр Мілінкевіч накіраваў зварот да старшыні Камітэту дзяржаўнай бяспекі РБ С.Сухарэнкі і старшыняў абласных упраўленняў КДБ з патрабаваннем спыніць пераслед за іншадумства студэнтаў, якія навучаюцца за мяжой па праграмах для рэспрэсаванай моладзі.

16.07.2007 Што “кіруе балем” у беларускіх судах?

Жодзінскія праваабаронцы зьвярнуліся ў Камітэт па Правах Чалавека ААН і спадзяюцца на ягоную аўтарытэтную падтрымку ў абароне грамадзянскіх і палітычных правоў у Беларусі.

16.07.2007 Сёньня ў Глыбокім судзяць актывіста руху “За свабоду”

Сёньня раніцай ў Глыбоцкім раённым судзе пачаўся суд над актывістам руху “За Свабоду” Яраславам Берніковічам. Яго абвінавачваюць ва ўдзеле ў несанкцыянаваным мерапрыемстве.

16.07.2007 Як святкавалі ўгодкі Грунвальдскай бітвы ў Гародні

Каля 40 чалавек, пераважна моладзь, сабраліся надвячоркам 15 ліпеня ў Гародні, каб адзначыць чарговыя ўгодкі Грунвальдскай бітвы.

16.07.2007 Крыж у памяць ахвяраў таталітарных рэжымаў

У суботу, 14-га ліпеня на ўскрайку Ваўкавыску, што на Гарадзеншчыне, быў усталяваны памятны крыж, прысьвечаны ахвярам палітычных рэпрэсій.

13.07.2007 Рэформа правапісу – яшчэ адзін рычаг ціску на незалежны друк?

Праект закона “Аб правілах беларускай арфаграфіі і пунктуацыі” адобрылі 12 ліпеня дэпутаты парламенцкай камісіі па адукацыі, культуры і навукова-тэхнічнаму прагрэсу і рэкамендавалі да разгляду на восеньскай сесіі. Дакумент плануецца прыняць менавіта ў форме закона, а не ўрадавай пастановы, як прапаноўвалі некаторыя чальцы камісіі.

13.07.2007 Моладзевы лідэр Аляксей Шыдлоўскі учора быў выпушчаны з упраўленьня міліцыі без складаньня пратаколу

Моладзевы лідэр Аляксей Шыдлоўскі, а таксама два актывісты апазіцыі Мікалай Прыварнікаў і Павел Бараноўскі, былі затрыманыя ў цэнтры Мінска супрацоўнікамі КДБ нібыта за распаўсюджваньне агітацыйнай прадукцыі з запрашэньнем прыняць удзел у Еўрапейскім Маршы.

13.07.2007 Адзін з найпрыгажэйшых беларускіх палацаў з паркам таемна прадаюць расейцам

Ваўкавышчыне пакуль пашанцавала з помнікамі старасьвеччыны. Дзясяткі зь іх уключаныя ў «Збор помнікаў», у Сьпіс гісторыка культурных каштоўнасьцяў. Сярод іх багата й старадаўніх панскіх сядзібаў. Напрыклад, у мястэчку Гнезна захаваўся будынак палацу з флігелямі і рэшткі рамантычнага парку з арыгінальнай воднай сыстэмай.

13.07.2007 Вернікі-пратэстанты адстаялі свой намётавы лагер

Вернікі пратэстанцкай суполкі “Царква Ісуса Хрыста” адстаялі свой летнік у Валожынскім раёне, дзе адпачываюць каля сотні чалавек. Мясцовыя ўлады патрабавалі закрыць летнік, калі ня будуць выкананыя ўсе неабходныя працэдуры. Патрабавалі падаць сьпіс усіх удзельнікаў арганізаванага адпачынку, здабыць дазвол абласной адміністрацыі і камітэту ў справе рэлігіяў на правядзеньне летніка.

13.07.2007 Новы конкурс стыпендый для студэнтаў з Беларусі

Паўночная Рада Міністраў заявіла пра адкрыцьцё новага конкурсу стыпендый для Беларусі. У сувязі з гэтым беларускія студэнты маюць дадатковую магчымасць падаць заяўкі на навучаньне ва Украіне, а ў асобных выпадках таксама ва ўніверсітэтах іншых краін, якія мяжуюць з Беларуссю.

13.07.2007 “Маладыя дэмакраты” інфармуюць менчукоў

Учора ўвечары ў падземным пераходзе каля пляцу Якуба Коласа “Маладыя Дэмакраты” (моладзевая структура АГП) праводзіла сваю акцыю па інфармаваньні насельніцтва. Рабілася гэта праз распаўсюд інфармацыйнага буклета «Что Европейский союз может дать Беларуси?», у якім даволі падрабязна напісана пра прапановы ЭЗ афіцыйнаму Менску і пра 12 патрабаваньняў, якія гэты самы афіцыйны Менск павінен выканаць.

13.07.2007 Каго расстрэльвалі ў лесе пад Гомелем?

Сустаршыні аргкамітэту ўшанаваньня памяці ахвяраў сталінскіх рэпрэсіяў акадэмік Радзім Гарэцкі, гісторык Ігар Кузьняцоў і пісьменьнік Васіль Якавенка зьвярнуліся ў Гомельскі райвыканкам. Яны прапанавалі аб’ектыўна дасьледаваць парэшткі 70 ахвяраў, якія нядаўна адкапалі ў лесе каля Гомелю на незарэгістраваных могілках.

13.07.2007 Пінскі гарвыканкам баіцца выгод ад партнёрства з ЕС

Актывіст Руху “За свабоду” Аляксандр Рамановіч быў затрыманы 12 ліпеня ў Пінску падчас акцыі Руху “За Свабоду” па інфармаванні беларускага грамадства аб выгодах, якія можа атрымаць Беларусь ад палітыкі Добрасуседсва Еўрапейскага Саюзу, выконваючы 12 пунктаў ЕС. У актывіста перапісалі пашпартныя дадзеныя і адпусцілі.