Праваабарончы цэнтр «ВЯСНА»

Навіны за Лістапад 2014

13.11.2014 Брэст: актывіст БХД атрымаў папярэджанне за дзейнасць ад імя незарэгістраванай партыі (дакумент)

Афіцыйнае папярэджанне за подпісам намесніка пракурора Брэсцкай вобласці Аляксандра Тачко вынесена мясцоваму каардынатару аргкамітэта па стварэнні партыі “Беларуская Хрысціянская Дэмакратыя” (БХД) Аляксандру Храпко.

13.11.2014 Віцебскі надземны пераход – не для людзей з абмежаванымі магчымасцямі

Праекціроўшчыкі не падумалі пра людзей з абмежаванымі магчымасцямі, пра маці з дзіцячымі вазкамі і проста пра старых і нямоглых віцяблянаў: надземны пераход не абсталяваны ні ліфтамі, ні нават пандусамі.

13.11.2014 Магілёўскі аблвыканкам выправіўся

Праз некалькі дзён пасля атрымання з Магілёўскага аблвыканкама на свой берарускамоўны зварот адказу на рускай мове грамадская актывістка з Круглага Зінаіда Мілешчанка атрымала яшчэ адзін адказ з гэтай установы – на гэты раз па-беларуску.

13.11.2014 Матывіровачная частка пастановы суда па справе магілёўскага журналіста Алеся Буракова згубілася

Нягледзячы на тое, што ў судзе сцвярджаюць, што даслалі яе па пошце, яна не дайшла да адрасата. Алесь Буракоў паведамляе, што атрымаў пісьмовы адказ па выніку свайго запісу ў кнізе скаргаў і прапановаў суда Ленінскага раёна Магілёва.

13.11.2014 Баранавічы: Севярынец прэзентаваў «Беларускую глыбіню», а Лябедзька -- “108 дзён і начэй у засьценках КДБ”

У Баранавічах 12 лістапада адбылася сустрэча мясцовых грамадскіх актывістаў і кнігалюбаў з былымі палітвязнямі -- адным з лідэраў беларускіх хрысціянскіх дэмакратаў Паўлам Севярынцам і кіраўніком АГП Анатолем Лябедзькам.

13.11.2014 У Круглянскім раёне ўзяліся за “дармаедаў”

У Круглянскім раёне пачалі пералічваць “дармаедаў” і вырашаць пытанне аб іх прыцягненні да грамадска-карыснай працы ў эканоміцы раёна. Днямі ў памяшканні кабінета старшыні Круглянскага раённага Савета дэпутатаў Валерыя Ярковіча адбыўся круглы стол, прысвечаны вырашэнню пытання “па выяўленні ўтрыманства і дармаедства”.

13.11.2014 Пытанне аб ліквідацыі "Мемарыялу" будзе вырашацца 17 снежня

Сёння Вярхоўны суд Расійскай Федэрацыі адклаў разгляд пазову Мінюста аб ліквідацыі "Мемарыялу", пра што хадайнічала арганізацыя. Сябра Праўлення таварыства Алег Арлоў лічыць, што гэта яшчэ не кажа пра тое, што рашэнне будзе прынятае на карысць арганізацыі. На яго думку, пазоў Мінюста аб ліквідацыі расійскага "Мемарыялу" - гэта непрыхаваны палітычны ціск.

13.11.2014 Беларусь павінна спыніць непазбежнае пакаранне смерцю

Amnesty International распаўсюдзіла тэрміновы зварот, выказаўшы глыбокую занепакоенасць тым, што асуджанаму да смерці Эдуарду Лыкаву ў Беларусі пагражае непазбежнае пакаранне смерцю.

12.11.2014 Актывісты просяць высветліць, чые парэшткі ляжаць у лесе пад Віцебскам (фотарэпартаж)

Віцебскія актывісты КХП БНФ падалі заяву ў пракуратуру, следчы камітэт і міліцыю, каб ініцыяваць праверку: чые парэшткі ўжо некалькі дзесяцігоддзяў ляжаць у лесе каля вёскі Хайсы Віцебскага раёну.

12.11.2014 У Гродне за збор подпісаў аштрафаваны Ежы Грыгенча

У Гродне 11 лістапада ў судзе Ленінскага раёну быў аштрафаваны вядомы грамадска-палітычны актывіст Ежы Грыгенча. Ён быў затрыманы міліцыяй яшчэ 2 кастрычніка, калі як удзельнік кампаніі “Гавару праўду” збіраў подпісы грамадзянаў за пытанні “Народнага рэферэндуму”.

12.11.2014 Бярозаўскія ўлады знішчылі прыватную нерухомасць, не дачакаўшыся заканчэння судовых разбіральніцтваў

Наглядная скарга знаходзіцца на разглядзе ў старшыні Брэсцкага абласнога суда. Не пройдзены і Вярхоўны суд. Пры гэтым гаспадыня забудоў Аксана Якушык мае дакументы на дом і пажыццёвае валоданне зямлёй.

12.11.2014 Брэст: актывіста БХД выклікаюць у мясцовую пракуратуру

Каардынатар арганізацыйнага камітэта па стварэнні партыі “Беларуская Хрысціянская Дэмакратыя” (БХД) у Брэсце Аляксандр Храпко мяркуе, што падставай для такіх захадаў можа быць авінавачванне ў дзейнасці ад імя незрэгістраванай арганізацыі.

12.11.2014 Магілёўскі аблвыканкам адказаў на беларускамоўны зварот на рускай мове

Жыхарка Круглага, кіраўнік грамадзянскай ініцыятывы “Падворак” Зінаіда Мілешчанка напрыканцы мінулага тыдня атрымала адказ з Магілёўскага аблвыканкама на свой зварот па пытаннях развіцця асабістых падсобных гаспадарак.

12.11.2014 Гомельскі абласны суд не задаволіў скаргу праваабаронцы Уладзіміра Целепуна

11 лістапада калегія Гомельскага абласнога суда разгледзела касацыйную скаргу на рашэнне суда Мазырскага раёна па забароне пікета праваабаронцу Уладзіміру Целяпуну.

12.11.2014 Бабруйскія актывісты звярнуліся з заявай у падтрымку галадоўнікаў

Неабыякавыя бабруйчане вырашылі звярнуцца ў гарвыканкам і адміністрацыю завода ТДіА, каб заступіцца за звольненых працоўных - Мікалая Жыбуля, Аляксандра Варанкіна, Аляксандра Грамыка і Алега Шаўчэнка.