Праваабарончы цэнтр «ВЯСНА»

Навіны за Кастрычнік 2014

11.10.2014 У Бабруйску ўзнялі тэму смяротнага пакарання

Бабруйскія праваабаронцы абмеркавалі тэму смяротнага пакарання разам з студэнтамі моўных курсаў. Сустрэча адбылася 10 кастрычніка ў межах акцыі "Тыдзень супраць смяротнага пакарання ў Беларусі".

11.10.2014 Амбасада Францыі запрашае да абмеркавання праблемы смяротнага пакарання

На старонках амбасады ў «Фэйсбук» і «Вконтакте» адкрыта дыскусія аб вышэйшай меры пакарання, а 13 кастрычніка адбудзецца паказ фільма Жана-Даніэля Вярэга «Адмена» з наступным абмеркаваннем.

10.10.2014 Суд Клімавіцкага раёна разглядае пазоў супраць участковага

У судзе Клімавіцкага раёна 10 кастрычніка прайшло чарговае судовае паседжанне, на якім разгледаўся пазоў жыхаркі вёскі Дамамерычы Алены Марчанкі аб абароне гонару, годнасці і дзелавой рэпутацыі. У якасці адказчыкаў па пазову выступаюць участковы інспектар Клімавіцкага РАУС Вадзім Панасенка.

10.10.2014 Праваабаронцы: Мараторый на смяротнае пакаранне патрэбны найперш беларускаму грамадству

10 кастрычніка, у Сусветны дзень супраць смяротнага пакарання, праваабаронцы далі выніковую прэс-канферэнцыю ў межах Тыдня супраць смяротнага пакарання ў Беларусі.

10.10.2014 У Брэсцкай вобласці выяўлены факты безадказнага стаўлення ўладаў да культурнай спадчыны

Пра гэта гаворыцца ў рашэнні, прынятым па выніках сумеснага пасяджэння калегіі пракуратуры Брэсцкай і Гродзенскай абласцей. Сама калегія была прысвечана выкананню Закона РБ “Аб ахове гісторыка-культурнай спадчыны РБ” у гэтых рэгіёнах.

10.10.2014 Большасць апытаных бярозаўчан выказалася за смяротнае пакаранне

Бярозаўскія праваабаронцы ў рамках тыдня супраць смяротнага пакарання правялі апытанне-гутарку на вуліцах Бярозы, ці патрэбна адмяніць у Беларусі смяротнае пакаранне. З 25 апытаных за смяротнае пакаранне выказалася 17 чалавек: 9 мужчын і 8 жанчын розных узроставых груп.

10.10.2014 Чарговы шклоўскі чыноўнік знаходзіцца пад следствам

З спісу намеснікаў старшыні Шклоўскага райвыканкама, змешчаным на інтэрнэт-сайце гэтай установы, знікла прозвішча Яўгена Семянкевіча, які шмат гадоў працаваў намеснікам старшыні райвыканкама па будаўніцтву.

10.10.2014 У бабруйскіх паліклініках практыкуюць прымусовыя прышчэпкі ад грыпу

Алена Мядзведзева, бабруйская каардынатарка кампаніі "Гавары праўду" расказала пра два выпадкі, калі ў паліклініцы №7 прымушалі зрабіць прышчэпкі ад грыпу. Лекары спасылаюцца на распараджэнне бабруйскага гарвыканкаму (ад 26.05.2014 г. №145-р)

10.10.2014 Алесь Бяляцкі: Абсалютна падтрымліваю Малалу і Сат’яртхі

Кіраўнік “Вясны” Алесь Бяляцкі пракамэнтаваў Радыё Свабода прысуджэньне Нобэлеўскай прэміі міру 17-гадовай Малале Юсуфзай з Пакістану і індыйскаму абаронцу правоў дзяцей Кайлашу Сат’яртхі.

10.10.2014 Каму патрэбна смяротнае пакаранне?

Напярэдадні Сусветнага Дня супраць смяротнага пакарання ў Мінску адбылася прэзентацыя кнігі Валерыя Філіпава “Каму патрэбна смяротнае пакаранне”.

10.10.2014 Суды над футбольнымі заўзятарамі ў Барысаве (абнаўляецца)

Па дадзеных МУС РБ, усяго ў дачыненні да 29 чалавек было складзена 32 адміністрацыйныя пратаколы. Затрыманыя да прыняцця судовага рашэння 25 чалавек (14 украінцаў і 11 беларусаў).

10.10.2014 Мазыр: Уладзімір Целяпун просіць пракуратуру здзейсніць нагляд за законнасцю і абгрунтаванасцю судовага рашэння

Нагодай для звароту ў інстанцыю сталі сумненні заяўніка ў тым, што рашэнне, прынятае судом Мазырскага раёна, з'яўляецца кампетэнтным, справядлівым і бесстароннім.

09.10.2014 Алесь Буракоў: "Такой брутальнасці я не чакаў"

Магілёўскі журналіст дагэтуль не можа адысці ад таго, што ў яго кватэру і кватэру бацькоў ўварваліся 7 міліцыянтаў, канфіскавалі 4 кампутары і прысудзілі штраф за парушэнне заканадаўства аб СМІ ў памеры 6 мільёнаў рублёў.

09.10.2014 Баранавіцкія праваабаронцы працягваюць прыцягваць увагу да праблемы смяротнага пакарання

Праціўнікі смяротнага пакарання двумя групамі хадзілі па горадзе, сустракаліся з людзьмі і раздавалі ім інфармацыйную ўлётку “Чаму мы супраць смяротнага пакарання”. Адначасова грамадскія актывісты расклеівалі на інфармацыйных тумбах каляровыя плакаты з заклікам адмены смяротнага пакарання.

09.10.2014 Брэст: толькі адзін дэпутат зрабіў справаздачу перад выбаршчыкамі

Удзельнікі грамадзянскай ініцыятывы “Сацыяльны офіс” лічаць пазітыўным момантам, што пасля папярэдніх зваротаў, адзін з дэпутатаў зрабіў справаздачу праз газету “Брэсцкі веснік”, заснавальнікам якой з’яўляецца мясцовы гарвыканкам.