Праваабарончы цэнтр «ВЯСНА»

Навіны за 4 чэрвеня 2008

04.06.2008 У Беларусі статус уцекача маюць 359 чалавек

У Беларусі жыве 359 чалавек, якія маюць афіцыйны статус уцекача. Пра гэта паведамляе "Інтэрфакс", спасылаючыся на словы начальніка ўпраўлення па грамадзянстве і міграцыі Мікалая Шэўчыка. У асноўным уцекачы ў нашай краіну прыехалі з неспрыяльных рэгіёнаў — Афганістана, Грузіі.

04.06.2008 Адкрыты ліст Фундацыі Дамоў Правоў Чалавека ў абарону праваабаронцы Леаніда Свеціка

Фундацыя Дамоў Правоў Чалавека заклапочаная пераследам праваабаронцы Леаніда Свеціка. У пятніцу, 23 траўня 2008 трое службоўцаў КДБ уварваліся ў кватэру Свеціка ў Віцебску. На працягу дзевяці гадзін кватэра абшуквалася пад кіраўніцтвам старэйшага лейтэнанта КДБ. Падчас вобшуку КДБ канфіскаваў у Свеціка кампутар, друкаваныя матэрыялы датычныя правоў чалавека, а таксама сертыфікат ад Рады Еўропы. Пасля вобшуку Свецік быў дастаўлены ва Упраўленне КДБ Віцебскай вобласці, дзе яго дапытвалі на працягу дзвюх гадзін. Допыт здымаўся на відэа.

04.06.2008 Прадстаўнік АБСЕ не падзяляе ідэю байкоту

Кіраўнік Мінскага офіса АБСЕ Ханс-Йохан Шмідт упершыню адказаў на некаторыя пытанні, якія тычацца выбараў у Палату прадстаўнікоў.

04.06.2008 Чацвёртага чэрвеня адбудзецца суд над сябрам аргкамітэта БХД Кастусём Жукоўскім.

Судовы працэс пачнецца ў 14:30 у Цэнтральным судзе г. Гомеля.

04.06.2008 "Дырэктар школы звольнілася на знак пратэсту"

У Салігорску аказваецца беспрэцедэнтны ціск на моладзевага лідэра Івана Шылу, якому ўлады не дазволілі здаць апошні іспыт адлічылі са школы. Не выдаваць юнаку атэстат загадалі чыноўнікі мясцовага гарвыканкаму і з менскай вобласьці. Дырэктар школы звольнілася на знак пратэсту, а яе намесьніцу звольнілі за кепскую выхаваўчую працу.

04.06.2008 Эўрапейскім палітыкам зноў нагадаюць пра Казуліна

Сёньня і заўтра ў Брусэлі дэпутаты Эўрапарлямэнту правядуць дэбаты пра палітычную сытуацыю ў Эўропе. Будзе абмеркаваная і беларуская тэма. З гэтай нагоды ў неафіцыйную сталіцу Эўропы запрасілі і сустаршыняў Аб’яднаных дэмакратычных сілаў Беларусі.

04.06.2008 Івана Шылу выкінулі са школы

3 чэрвеня намесьнік старшыні незарэгістраванага ў Беларусі «Маладога фронту» Іван Шыла быў выключаны з салігорскай сярэдняй школы №4. Прычым, адбылося гэта за дзень да апошняга іспыту, які Іван мусіў здаваць у сераду.