Праваабарончы цэнтр «ВЯСНА»

Навіны за 4 жніўня 2020

04.08.2020 Дзяржаўныя выданні Гомельшчыны паліваюць брудам пікеты Ціханоўскай, а царква заклікае не паддавацца на правакацыі

Назіральнік Віктар Адзіночанка прааналізаваў шэраг дзяржаўных выданняў Гомельскага рэгіёна. Ён адзначае, што ў некаторых з іх з’явілася крытыка ў бок кандыдата ў прэзідэнта Святланы Ціханоўскай у сувязі з яе агітацыйнымі пікетамі.

04.08.2020 "Каму трэба такое правасуддзе?"Адвакат фігурантаў справы Ціханоўскага рэзка выказаўся ў адрас следства

Адвакат Уладзімір Сазанчук, які абараняе фігурантаў справы Сяргея Ціханоўскага Мікалая Статкевіча і Дзмітрыя Казлова, назваў беззаконнем тое, што адбываецца вакол яго падабаронных.

04.08.2020 Брэст: Пяць назіральнікаў на пяць дзён датэрміновага галасавання

На ўчастку для галасавання №35 Маскоўскай раённай камісіі па выбарах Прэзідэнта Беларусі, размешчаным ў другім корпусе Брэсцкага тэхнічнага ўніверсітэта вывешаны графік дзяжурства назіральнікаў на час датэрміновага галасавання.

04.08.2020 "Амбасада не гатовая да выбараў". Чаму каля беларускай Амбасады ў Варшаве выбудоўваюцца чэргі

Беларусы, якія пражываюць у Польшчы, з 30 ліпеня па 3 жніўня, стаялі ў вялікіх чэргах каля будынка беларускай Амбасады ў Варшаве, каб іх унеслі ў спіс выбаршчыкаў на польскім участку і перадалі дадзеныя пра гэта ў Беларусь, каб іх выкраслілі са спісаў на беларускіх участках па месцы іх рэгістрацыі. Трапіць у Амбасаду змаглі не ўсе. Цяпер яны занепакоеныя, што не змогуць гэтак жа патрапіць на ўчастак для галасавання 9 жніўня. Амбасада заклікае іх галасаваць датэрмінова.

04.08.2020 Сёння стартуе датэрміновае галасаванне: цікавыя факты і лічбы

Датэрміновае галасаванне на выбарах Прэзідэнта пачынаецца сёння ў Беларусі. Згодна з Каляндарным планам, яно прадоўжыцца да 8 жніўня, а ў нядзелю, 9 жніўня, пройдзе асноўны дзень галасавання.

04.08.2020 "Рэгістравалася першай, але стала 13-й". Як назіральнікаў не дапускаюць да назірання

Назіральнікі кампаніі "Праваабаронцы за свабодныя выбары" Аляксей Горбач і Марына Шастоўская распавялі, як іх не дапускаюць да назірання на ўчастку для галасавання №15 у Мінску.