Праваабарончы цэнтр «ВЯСНА»

Навіны за 6 лютага 2018

06.02.2018 Кандыдат скардзіцца ў пракуратуру на парушэнне заканадаўства

Супрацоўнікі міліцыі палічылі перадачу выбарчай улёткі суседзям незаконнай агітацыйнаю дзейнасцю і пагражалі за гэта адказнасцю выбаршчыкам.

06.02.2018 Пракуратура не задаволіла скаргу затрыманага ў навагоднюю ноч валанцёра “Вясны”

Пракуратура Слуцкага раёна не знайшла парушэнняў ва умовах утрымання ў ІЧУ Слуцкага РАУС. Такі адказ на сваю скаргу атрымаў затрыманы ў ноч на першае студзеня валанцёр ПЦ “Вясна” Юрый Мяцельскі.

06.02.2018 Як кандыдат у дэпутаты ашальмаваў лозунг «Zакон як дышаль»

6 лютага кандыдат у дэпутаты Гомельскага гарадскога і абласнога Саветаў Кастусь Жукоўскі аспрэчыў пісьмовыя папярэджанні гарадской і абласной выбарчых камісій аб недапушчэнні паклёпу і абраз у адрас службовых асоб дзяржаўных органаў. У скаргах у Гомельскую абласную і Цэнтральную выбарчыя камісіі кандыдат заяўляе аб перашкодзе яму свабодна весці перадвыбарчую агітацыю.

06.02.2018 Палітвязень Міхаіл Жамчужны збіты ў калоніі, ягонае жыццё застаецца пад пагрозай

Пра адчуванне рэальнай пагрозы жыццю і здароўю палітвязень заяўляў і раней, але зараз ПЦ “Вясна” сталі вядомыя вельмі небяспечныя падзеі, якія адбыліся з Міхаілам Жамчужным 24 студзеня ў Горацкай калоніі.

06.02.2018 Праваабаронца з Барысава накіраваў скаргу ў КПЧ ААН

У адпаведнасці з першым Факультатыўным пратаколам да Міжнароднага пакту аб грамадзянскіх і палітычных правах барысаўскі праваабаронца Алег Мацкевіч накіраваў паведамленне ў Камітэт па правах чалавека ААН.

06.02.2018 Праваабарончая праграма "Вясна" на Беларускім Радыё Рацыя

“Каментар эксперта”: Старшыня БХК Алег Гулак распавядае пра метады працы беларускіх грамадскіх назіральных камісій, якія створаны для аб’ектыўнага маніторынгу месцаў несвабоды. “Падзея”: Удзельніцы праграмы Community connections распавядаюць пра практыкі, якія ўжываюцца ў сферы абароны правоў жанчын у ЗША.