Праваабарончы цэнтр «ВЯСНА»

Навіны за 8 кастрычніка 2015

08.10.2015 Выклікі ў суды і міліцыю за акцыю супраць расійскай авіябазы 4 кастрычніка

9 красавіка ў судзе Цэнтральнага раёна Мінска будуць разгледжаныя адміністрацыйныя справы ўдзельнікаў і арганізатараў акцыі "За мірную, нейтральную Беларусь". Пратэстны мітынг супраць размяшчэння расійскай авіябазы адбыўся 4 кастрычніка ў Мінску на Плошчы Свабоды.

08.10.2015 Паўлу Вінаградаву могуць працягнуць прэвентыўны нагляд

У судзе Бярозаўскага раёна 9 кастрычніка будзе разгледжанае прадстаўленне Бярозаўскага РАУСа аб працягу прэвентыўнага нагляду ў дачыненні да Паўла Вінаградава. Пра гэта актывіст паведаміў на ўласнай старонцы ў фэйсбуку.

08.10.2015 Глуск: у другі дзень колькасць прагаласаваўшых датэрмінова павялічылася

Ігар Кірын кажа, што ў другі дзень датэрміновага галасавання колькасць выбаршчыкаў на Глускім выбарчым участку №2 павялічылася – па дадзеных камісіі, 7 кастрычніка тут прагаласавала 90 чалавек, пры тым, што назіральнік налічыў 87 прагаласаваўшых.

08.10.2015 У Крычаве пастаўлена задача, каб датэрмінова прагаласавалі не меней за 25% выбаршчыкаў

Па інфармацыі назіральнікаў, у Крычаўскім райвыканкаме была праведзена адмысловая нарада з кіраўнікамі прадпрыемстваў і арганізацый горада і раёна, на якім перад імі была пастаўлена задача забяспечыць яўку на датэрміновае галасаванне ў Крычаўскім раёне не менш за 25% выбаршчыкаў.

08.10.2015 Салігорск: члены камісій і назіральнікі - работнікі адных і тых жа прадпрыемстваў

У Салігорску незалежныя назіральнікі адзначаюць, што на ўчастках для галасавання прысутнічюаць назіральнікі, якія адначасова з’яўляюцца падначаленымі асобных сяброў выбаркамаў па-за выбарчым працэсам.

08.10.2015 У Вільні прайшла дыскусія “Забойства па прысудзе…” (аўдыё)

7 кастрычніка ў Вільні ў Музеі ахвяраў генацыду адбылася дыскусія «Забойства па прысудзе ...» з удзелам беларускіх правабаронцаў, журналістаў і прадстаўніка МЗС Літвы.

08.10.2015 У Маладзечне актывіста БХД прымусілі сысці з назірання пад пагрозай звальнення

У Маладзечне аказваецца ціск на прыхільнікаў аргкамітэту па стварэнні партыі «Беларуская Хрысціянская Дэмакратыя», якія ўдзельнічаюць у назіранні ў межах кампаніі «Права выбару».

08.10.2015 У Менску прайшоў мітынг незалежных прафсаюзаў

“Скончым са сквапнасцю карпарацый!” – пад такім дэвізам у Менску на плошчы Бангалор 7 кастрычніка прайшоў мітынг, які быў прымеркаваны да сусветнага Дня барацьбы за годную працу.

08.10.2015 У пятніцу абяруць лаўрэата Нобелеўскай прэміі міру

На Нобелеўскую прэмію міру за 2015 год прэтэндуюць 273 кандыдаты, у тым ліку 68 арганізацыяў і 205 асобаў. Сярод іх – кіраўнік ПЦ “Вясна” Алесь Бяляцкі, намінаваны дэпутатамі польскага Сейма.