Праваабарончы цэнтр «ВЯСНА»

Навіны за Кастрычнік 2015

15.10.2015 Вярхоўны суд адмовіў у рэгістрацыі БХД

Вярхоўны суд 14 кастрычніка адмовіў у задавальненні скаргі аргкамітэту па стварэнні партыі “Беларуская Хрысціянская Дэмакратыя” на адмову Мінюста зарэгістраваць партыю.

14.10.2015 Бярозаўскі сюррэалізм: падтрымка Лукашэнкі ў 98% ад работнікаў завода на мяжы банкруцтва

Бярозаўскія назіральнікі, аналізуючы вынікі выбарчай кампаніі, сярод найбольш распаўсюджаных парушэнняў называюць нетранспарэнтнасць выбарчага працэсу, прымус да датэрміновага галасавання, махінацыі з яўкай і выніковымі лічбамі.

14.10.2015 Бабруйск: назіральнікаў, якія падаюць скаргі, запалохваюць

Галіна Смірнова: "Людзі прыносяць скаргі на рэгістрацыю ў выканкам, а ім чыноўнікі кажуць: "Падумайце, вы яшчэ малады, вам яшчэ працаваць", ці "У вас хутка пенсія, падумалі б пра будучыню".

14.10.2015 Выбарчы працэс вачыма гродзенскіх назіральнікаў

Працэс падліку галасоў не быў празрыстым, бюлетэні назіральнікам не паказваліся і падлічаныя асобна галасы выбарцаў не агучваліся. Агульны падлік вялі старшыні і сакратары камісій, якія моўчкі пісалі лічбы і пасля сумавалі іх.

14.10.2015 У Вярхоўным судзе разгледзелі скаргу хрысціянскіх дэмакратаў на Мінюст

13 кастрычніка ў Вярхоўным судзе Беларусі адбылося судовае паседжанне па скарзе на нерэгістрацыю партыі “Беларуская Хрысціянская Дэмакратыя”. БХД прадстаўлялі сустаршыня Віталь Рымашэўскі і менскі каардынатар, юрыст Вольга Кавалькова. Таксама ў судзе прысутнічалі назіральнікі ад АБСЕ.

Выбары на Магілёўшчыне: датэрміновае галасаванне зашкальвае, маніпуляцыі са спісамі выбаршчыкаў і выбарчымі бюлетэнямі, непразрысты падлік галасоў

14.10.2015 Выбары на Магілёўшчыне: датэрміновае галасаванне зашкальвае, маніпуляцыі са спісамі выбаршчыкаў і выбарчымі бюлетэнямі, непразрысты падлік галасоў

Незалежныя назіральнікі з Магілёўскай вобласці падзяліліся сваім ўражаннямі ад арганізацыі выбарчага працэса на ўчастках і ў камісіях, дзе яны ажыццяўлялі назіранне.

14.10.2015 У Харкаве правялі дыскусію "Смяротнае пакаранне, узурпацыя дзяржавай права на жыццё" (аўдыё)

Актывісты Харкаўскай філіі “Фундацыі рэгіянальных ініцыятыў” сумесна з Харкаўскай праваабарончай групай зладзілі дыскусію прысвечанаю тэме смяротнага пакарання. Адной з абмеркаваных тэм стала смяротная кара ў Беларусі.

14.10.2015 Баранавічы: назіральнік збіраецца абскарджваць махлярства і фальшаванне дакументаў з боку старшыні гарадской камісіі

Назіральнік ад партыі левых “Справядлівы свет” Чэслаў Гузоўскі 13 кастрычніка паведаміў на сваёй старонцы ў ФБ, што падрыхтаваў скаргі ў Цэнтральную выбарчую і Брэсцкую абласную камісіі, а таксама ў Баранавіцкую межраённую пракуратуру адносна махлярства і фальшавання дакументаў з боку старшыні гарадской камісіі Тамары Шукала.

14.10.2015 Актывісты аб прэзідэнцкіх выбарах у Беларусі: не, не, не

Выбары ў Беларусі былі недэмакратычнымі, непразрыстымі і несвабоднымі. Да такой высновы прыйшлі актывісты, якія назіралі за выбарамі, 13 кастрычніка ў Вільні на прэс-канферэнцыі ў Беларускім доме правоў чалавека.

На сайце ЦВК лічба пададзеных галасоў за Караткевіч па Смаргонскім раёне 887, паводле афіцыйных пратаколаў толькі на 8 участках – 1860 (скрыншот)

14.10.2015 На сайце ЦВК лічба пададзеных галасоў за Караткевіч па Смаргонскім раёне 887, паводле афіцыйных пратаколаў толькі на 8 участках – 1860 (скрыншот)

На сайце ЦВК пададзены афіцыйныя звесткі, што за Таццяну Караткевіч па Смаргонскім раёне прагаласавала ўсяго 887 чалавек. Аднак паводле падліку незалежных назіральнікаў, якія вялі маніторынг на 8-мі ўчастках раённага цэнтру паводле афіцыйных пратаколаў за Таццяну Караткевіч прагаласавала 1860 (!) чалавек.

14.10.2015 Харасьці: на выбарах у Беларусі была падтасоўка

Вынікі прэзыдэнцкіх выбараў у Беларусі былі падтасаваныя, а сам працэс галасаваньня прайшоў з парушэньнямі, заявіў спэцдакладчык ААН па сытуацыі з правамі чалавека ў Беларусі Міклаш Харасьці.

14.10.2015 Назіральнікі з Брэста: “Фактычна падліку галасоў не было”

Галоўная прэтэнзія, якая не дазваляе асобам, што сачылі за хадой галасавання ў якасці назіральнікаў, лічыць гэтыя выбары адкрытымі і празрыстымі, тычыцца працэдуры падліку галасоў.

13.10.2015 Выбары ў Гомелі вачамі назіральнікаў: “Лічбы ЦВК проста нават смешна параўноўваць з рэальнасцю”

«Другія ішлі па інерцыі, трэція – з-за буфету. Напярэдадні выбараў мясцовыя СМІ анансавалі, што ў буфетах на ўчастках будуць зніжаныя кошты – апелявалі да беднасці людзей. І людзі хацелі хоць нешта танней ухапіць», - лічыць Віктар Адзіночанка.

13.10.2015 Жыхар Слоніма ў спісах для галасавання пабачыў сваю маці, якая памерла паўтары гады таму

Жыхар Слоніма Уладзімір Ліцьвін яшчэ задоўга да дня выбараў быў здзіўлены, калі яму дамоў прынеслі запрашэнне яго маці Ганне Ільінічне Хілімончык прыйсці на выбары. Членаў камісіі на Слонімскім выбарчым участку № 26 ён папярэдзіў, што маці памерла яшчэ ў жніўні мінулага года.

13.10.2015 Гродзенскія ТВК скончылі сваю працу датэрмінова?

12 кастрычніка, у панядзелак увечары некалькі гродзенскіх назіральнікаў не здолелі падаць скаргі ў тэрытарыяльную выбарчую камісію Кастрычніцкага раёну Гродна, а таксама ў Гродзенскую абласную тэрытарыяльна-выбарчую камісію.