Навіны на тэму: скаргі
07.07.2009 Алесь Зарэмбюк - супраць супрацоўнікаў памежнай і мытнай службы
Законнасць дзеянняў супрацоўнікаў памежнай і мытнай службы ў дачыненні да рэгіянальнага каардынатара руха “За свабоду” па Гарадзенскай вобласці Алеся Зарэмбюка разгледзіць вайсковая пракуратура.
06.07.2009 Фінкевіч скардзіцца ў Міністэрства абароны
Лідэр незарэгістраванай арганізацыі “Маладая Беларусь” Артур Фінкевіч падае скаргу на дзеянні падпалкоўніка Аляксея Аляксандрава, намесніка кіраўніка 29-ай ракетнай часткі, дзе служыць Іван Шыла. Актывіст кажа, што вайсковец абразіў яго нацыянальную годнасць і безпадстаўна адмовіў у сустрэчы з Іванам Шылам.
30.06.2009 Антону Ясіновічу ў кампенсацыі маральнага ўрону адмоўлена
23 чэрвеня 2009 года пасля запыту ў Віцебскую абласную пракуратуру аб накіраванні ў суд матэрыялаў праверкі па справе наваполацкага актывіста Антона Ясіновіча адбылося паседжанне суда па справе. Нагадаем, што ён быз затрыманы ў Наваполацку 14 верасня 2007 года разам з іншымі ўдзельнікамі велапрабегу “Свабоду Казуліну!” У пастарунку яны адбылі больш 3 гадзін, потым начальнік ГАУС вынес афіцыйнае папярэджаньне аб недапушчальнасьці правядзеньня масавых мерапрыемстваў.
26.06.2009 За лёс бяздомных жывёл таксама даводзіцца змагацца
Пракуратура Маскоўскага раёна Мінска даслала адказы грамадзянам, якія прасілі правесці праверку прадпрыемства “Фаўна горада” ў сувязі з негуманным стаўленнем да бяздомных жывёл, якія ўтрымліваліся на гэтым прадпрыемстве. (Падрабязней - тут). Пры гэтым, работнікі юстыцыі не прыдумалі нічога лепшага, акрамя таго, што безпадстаўна пераадрасавала скаргі кіраўніцтву аб’яднання “Мінская гарадская жыллёвая гаспадарка”. Як кажуць: “на каго скардзіліся – тыя і меры прымаць будуць”.
18.06.2009 Баранавічы: мітынгі – без папярэдняй аплаты
Баранавіцкі гарвыканкам ня будзе больш патрабаваць ад арганізатараў вулічных мерапрыемстваў папярэдне аплачваць працу міліцыі, хуткай дапамогі й пажарнікаў. Гэтае рашэньне мясцовай улады было агучана сёньня на паседжаньні калегіі абласнога суду Берасьцейскай вобласьці.
16.06.2009 Заснавальнікі “Нашай Вясны” абскардзілі рашэнне мінюста аб нерэгістрацыі аб’яднання ў Вярхоўным судзе
16 чэрвеня заснавальнікі Грамадскага праваабарончага аб’яднання “Наша Вясна” (ГПА) Алесь Бяляцкі, Валянцін Стэфановіч і Уладзімір Лабковіч звярнуліся ў Вярхоўны суд Рэспублікі Беларусь са скаргай на рашэнне Міністэрства юстыцыі Рэспублікі Беларусь аб адмове ў дзяржаўнай рэгістрацыі.
12.06.2009 Грамадскі актывіст з Клецка абскардзіць папярэджанне пракурора за выданне бюлетэня
Грамадскі актывіст з Клецка Сяргей Панамароў абскардзіць у вышэйстаячай ўстанове папярэджанне пракурора Клецкага раёна Карабко. Сяргей Панамароў папярэджаны пракурорам за выданне бюлетэня “Бойкі Клецк” накладам 299 асобнікаў.
09.06.2009 Адвакат Сапелка паскардзіўся ў пракуратуру на дзеяньні сьледчых у справе Аўтуховіча
Адвакат Мікалая Аўтуховіча Павал Сапелка падаў скаргу ў пракуратару Беларусі на дзеяньні сьледзтва ў справе ягонага падабароннага.
02.06.2009 Праваабаронца Алег Воўчак абскардзіў рашэнне па пазове да «Советской Белоруссии»
Праваабаронца Алег Воўчак падаў касацыйную скаргу на рашэнне, вынесенае 15 траўня па пазове аб абароне гонару, годнасці і дзелавой рэпутацыі і пакрыцці маральнай шкоды да газеты «Советская Белоруссия». Скарга пададзеная 1 чэрвеня. Праваабаронца называе рашэнне суда незаконным, паведамляе «Беларускі партызан».
26.05.2009 Гомель: суд да гарвыканкаму перанесены
Сёньня судзьдзя Цэнтральнага суду Гомеля Аркадзь Калугін адклаў разгляд пазову актывістаў АДС Уладзімера Кацоры й Уладзімера Сякеркі супраць гарвыканкаму. Судзьдзя абвясьціў, што вымушаны гэта зрабіць з прычыны адсутнасьці заяўніка Сякеркі.
22.05.2009 Праваабаронца з Наваполацка настойвае на ўзбуджэнні крымінальнай справы за распальванне нацыянальнай варожасці
Праваабаронца з Наваполацка Зміцер Салаўёў накіроўваў у гарадскую пракуратуру ўжо трэцюю скаргу з патрабаваннем узбудзіць крымінальную справу па фактах хуліганства і распальвання нацыянальнай варожасці ў горадзе. Пакуль жа групоўка неанацыстаў у Наваполацку дзейнічае беспакарана.
20.05.2009 Суд разгледзіць скаргу Івана Шылы 4 чэрвеня
Скарга вайскоўца Івана Шылы аб незаконным прызыве ў войска будзе разгледжаная Салігорскім раённым судом 4 чэрвеня. Пачатак аб 11:00. Суддзя — сп.Самойлік.
19.05.2009 Скаргу Вадзіма Канапацкага разгледзяць у Цэнтральным РУУС
Незаконна затрыманы 7 траўня намесьнік старшыні Менскай гарадзкой арганізацыі Партыі БНФ Вадзім Канапацкі атрымаў адказ на скаргу, якую ён падаваў у Пракуратуру Цэнтральнага раёна горада Менска на незаконныя дзеяньні супрацоўнікаў міліцыі ў дачыненьні да сваёй асобы.
12.05.2009 Пацярпелыя! Патрабуйце пакарання для сваіх крыўдзіцеляў!
Моладзевы актывіст Максім Сергіец звярнуўся ў пракуратуру са скаргай на неправамоцныя дзеяньні супрацоўнікаў праваахоўных органаў
08.05.2009 Вадзім Канапацкі падаў скаргу ў Пракуратуру
Незаконна затрыманы ўчора намесьнік старшыні Менскай гарадзкой арганізацыі Партыі БНФ Вадзім Канапацкі падаў скаргу ў Пракуратуру Цэнтральнага раёна горада Менска на незаконныя дзеяньні супрацоўнікаў міліцыі ў дачыненьні да сваёй асобы.
